मीका 6:7 - Sunuwar Bible

⁷ परमप्रभु यावे हजार हजार सांड तशा ग्‍येरबा? मार १० हजार तेल के खोला तशा ग्‍येरबा ङा? गो आं पाप आ पर्बम आं ङोंइती जरमेशो तौ गेचा माल्‍नुङा? मिनु आं थुं ङा पाप आ पर्बम आं आल गेचा माल्‍नुङा?

मीका 6:7 ပူးပေါင်းရင်းမြစ်များ

२ राजा 16:3

मेको इस्राएल ङा पिप आन लांम गाक्‍माक्‍त। मेकोमी आ तौ कली चोशा चढ़ेवा बाक्‍त। मोदेंशो ग्रांग्रा दि‍शो गेय पशो आ पर्बम परमप्रभु यावेमी ङोंइती रागी रागी ङा मुर आन कली इस्राएल रे ग्रुंइशो बाक्‍माक्‍त। लेवी १८:२१

२ राजा 21:6

मेकोमी आ तौ कली चोशा चढ़ेवा बाक्‍त। मिनु मन्‍तर तन्‍तर, टुना मुना पा, बेक्‍शो मुर रे लोव़ पचा गेशा, लिंक्‍यु कोव़ङा बाक्‍त। मेकोम परमप्रभु यावे आ ङोंइती शुश मरिम्‍शो पवा बाक्‍त। मिनु मेको कली थाम्‍पा गाइक्‍पदा बाक्‍त। २राजा १६:३; लेवी १८:२१

२ राजा 23:10

मिनु पिप योसीयाहम मोलेक कली आन तमी तौ क्‍योरशा चढ़ेथ मजाक्‍मल, दे बेन-हिन्‍नोम बेंसीम बाक्‍शो तोफेथ थान कली ग्रांग्रा दिशो सेल्‍पदा बाक्‍त। २राजा १७:१७; लेवी १८:२१

२ राजा 3:27

मिनु मेकोमी आ पा ङा पिप दुम्‍ब आ ङोंइती जरमेशो तौ कली गारोम क्‍योरशा चोशा चढ़ेवा बाक्‍त। मिनु इस्राएली छक लाक्‍शा लेश्‍शा आन रागी लमा बाक्‍त।

अय्‍युब 29:6

मेना आं लांम दूध शाइश्‍शो बाक्‍‍त। मिनु सेरथे फुल्‍लु रे तेल के खोला शाइश्‍शो बाक्‍‍त।

भजन संग्रह 50:9

गो इन खिं ङा ब्‍यफ नु इन गोठ ङा बोकापुकी ममाल्‍नुङ।

भजन संग्रह 51:16

गे मार मार क्‍योरशा, चढ़ेशोमी मग्‍येरनीनी। ग्‍येरसीनी हना, गो क्‍योरशा चढ़ेङ वा। गे चोशा चढ़ेशोम मग्‍येरसीनीनी। भजन संग्रह ४०:७

भजन संग्रह 51:18

इन दाक्‍शो खोदेंशो पा सियोन कली रिम्‍शो दुम्‍तीक गेने। यरूसलेम ङा गारो लेंशा सेलीने।

हितोपदेस 15:8

परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४

हितोपदेस 21:3

परमप्रभु यावे आ ङोंइती मार मार चढ़ेचा क्‍येङा ठीक पतीके नु रिम्‍शो निसाफ पतीके आ दाक्‍शा ब्रतीक बाक्‍ब। १सामुएल १५:२२; होसे ६:६

यसैया 1:1

परमप्रभुमी आमोज आ तौ यसैया कली कोंइशो लोव़ एको बाक्‍ब। मार लोव़ कोंइशो बाक्‍त देंशा हना, यहूदा नु यरूसलेम आस पर्बम तशो कोंइताक्‍व। मेना पिप उज्‍जीयाह, योथाम, आहाज नु हिज्‍कीयाहमी सासन पशो बाक्‍तेक्‍म। २इतिहास २६:२२

यसैया 40:16

लेबानोन ङा ब्‍वाकी ङा शी मी मुइक्‍चा कली मगार‍ब। मेकेर ङा जन्‍तुपुकी चोशा चढ़ेचा कली मजाक्‍दीत्‍नीम।

येरमीया 19:5

मेकोपुकीमी आंम आल आन कली बाल देवता कली मीम चोशा चढ़ेचा कली डांडाम थान सेल्‍ना सेल्‍न बाक्‍तेक्‍म। मेको मो पन, दे गो मअरेङमी। गो मेको मशेंदुमी। मोदेंशो गेनायो ममिम्‍तु। येरमीया ७:३१-३३; लेवी १८:२१

येरमीया 6:20

गो शेबा रे चाक्‍शो धूप ममाल्‍नुङ। ङोन रागी रे चाक्‍शो बिक्‍च यो ममाल्‍नुङ। गो इन चोशा चढ़ेशो मब्राइ‍नुङ। गो इन क्‍योरशा चढ़ेशोम मग्‍येरनुङ” देंत। भजन संग्रह ४०:७; यसैया १:११-१५

येरमीया 7:31

मिनु मेकोपुकीमी तोफेथम आन थान सेल्‍तेक्‍म। मेको हिन्‍नोम आ तौ आ बेंसी बाक्‍ब। मेकेर आंम तमी तौ आन कली मीम चोशा चढ़ेम्‍तेक्‍म। गो मोदेंशो गेनायो ममिम्‍तु, मेको आन कली यो मअरेङमी। येरमीया १९:५-७; येरमीया ३२:३६; लेवी १८:२१

इजीकीएल 23:37

मारदे हना मेको निक्‍शीम हेंथे पाम्‍ताक्‍स। मिनु मेको आस गुइम हुश ख्राक्‍श पोक्‍ताक्‍स। मेकोमी आस मूर्ति नु हेंथे पाम्‍ताक्‍स। मेको निक्‍शीम आं कली जरमेशो आस तमी तौ आन कली, मूर्ति आन कली ब्‍वचा गेचा कली क्‍योरशा चढ़ेम्‍ताक्‍स। इजीकीएल १६:२०

होसे 5:6

मिनु मेको आन क्‍यारश भेडा नु बी ब्‍यफ लाइश्‍शा, परमप्रभु यावे कली माल्‍थ लाइनीमी। तन्‍न मेकोपुकीमी मेको कली मथित्‍नीम। मारदे हना मेको आन क्‍येङा ङोन लत। यसैया १:११-१५

होसे 6:6

मारदे हना गो क्‍योरशा चढ़ेशो क्‍येङा दाक्‍मुतीक दाक्‍नुङ। मिनु चोशा चढ़ेशो क्‍येङा आं कली तुइश्‍शा ठेयब सेल्‍शो दाक्‍नुङ। १सामुएल १५:२२; हितोपदेस २१:३; मत्ती ९:१३; १२:७

लेवी 18:21

गे मोलेक कली आंम तमी तौपुकी चढ़ेशा, आंम परमप्रभु यावे, इन परमप्रभु आ नें ग्रांग्रा मसेलीन। गो परमप्रभु यावे नङ।

लेवी 20:1

मिनु परमप्रभु यावेमी मोसा कली

आमोस 5:22

गे आं कली चोशा चढ़ेतीक नु अन्‍न चढ़ेतीक चढ़ेतीनी हना यो, गो मेको मब्राइनुङ। मिनु इन नेल्‍ल क्‍येङा दोम्‍शो बस्‍तु दुशा बाक्‍चा आ पर्बम चढ़ेशो यो मकोव़नुङ। मीका ६:६-७

फिलेमोन 1:12

मेको कली सोइश्‍शो ला ममाइ, पावलन जाक्‍शो मिम्‍तो।

न्‍यायाधीस 11:31

गो अम्‍मोनी रे रिम्‍शो पा आं खिं लेत्‍ती हना, सु आं खिंमी नेल्‍ल क्‍येङा ङोंइती गो नु ग्रुम्‍थ जाक्‍बा, मेको इन के दुम्‍ब। गो मेको कली चोशा चढ़ेनुङ” दे कसम जवा बाक्‍त। २राजा ३:२७

न्‍यायाधीस 11:39

मिनु महिना निक्‍शी नोले मेको लेश्‍शा जाक्‍माक्‍त। मिनु येफ्‍तामी परमप्रभु कली आ पशो कसम खबा बाक्‍त। मिनु मेको मीश आल कन्‍नेन बेक्‍माक्‍त। न्‍यायाधीस ११:३१; ब्‍यवस्‍था १२:२९-३१

१ सामुएल 15:22

मिनु सामुएलमी “परमप्रभु यावेमी चोशा चढ़ेशो नु अरु चढ़ेशो क्‍येङा आ देंशो टिशो दाक्‍ब। थमा पा, चढ़ेशो क्‍येङा आ देंशो टिचा रिम्‍शो बाक्‍ब। मिनु सांड आ बोंसो चढ़ेचा क्‍येङा आ देंशो टिचा रिम्‍शो बाक्‍ब। यसैया १:११-१७; येरमीया ७:२२; होसे ६:६; आमोस ५:२१-२२; मीका ६:६-८; जकरिया ७:५-७; मत्ती ९:१३; मत्ती १२:७