मीका 6:15 - Sunuwar Bible

¹⁵ गे मार मार शोक्‍चा दा शोक्‍‍नेवे। तन्‍न खुप्‍‍चा मताइनेवे। तेल रवा आ फल ख्राक्‍चा दा ख्राक्‍नेवे, तन्‍न इ रांम तेल ख्रेक्‍चा मताइनेवे। गे अङगुर ख्राक्‍चा दा ख्राक्‍नेवे, तन्‍न अङगुर शांबु तूचा मताइनेवे। ब्‍यवस्‍था २८:३८-४०; आमोस ५:११

मीका 6:15 ပူးပေါင်းရင်းမြစ်များ

अय्‍युब 31:8

आं ख्रुम्‍शो अन्‍न अरुम जामेक्‍ल। मिनु आं शोक्‍शो मारेइ मारेइ तुल्‍सीमल। उत्‍पत्ती २६:१६

येरमीया 12:13

मेकोपुकीमी चेरब शोक्‍नीम। मिनु चू सिप्‍पाइक्‍नीम। मेकोपुकीमी श्‍येत पा गेय पाइनीम, तन्‍न नेल्‍ल शोर गाक्‍ब। मोपतीके मेको आन ख्रुम्‍शा मुने दोक्‍शो आंमा फाल्‍मेक्‍ल। मारदे हना परमप्रभु यावे आ ठेयब पा गाइश्‍शो इन तार जुक्‍शो बाक्‍ब। होसे ८:७

लेवी 26:16

गो इन कली मार पाइनुङ देंशा हना, गो इन दातेमी शुश हिंतीके सेल्‍नुङ। मिनु इन रां सोव़ना सोव़न बाक्‍नीम। मिनु जरो पा इन मिक्‍च ततीके जाम्‍ना जाम्‍न लाइब। मिनु गे ओंखां पा बेक्‍नीनी। इन शोक्‍शो अन्‍न मोशा दुम्‍नीम। मारदे हना इन जोरी सत्रुम नेक्‍नीम।

लेवी 26:20

मिनु इन सक्ति मोशा दुम्‍शा मारेइ पने मचाप्‍नीनी। इन रूम मारेइ मवाब। मिनु इन रागी ङा रवापुकीम फल मसित्‍नीम।

आमोस 5:11

मारदे हना गे प्रुङग आन कली दिम्‍‍नीनी। मेको आन कली गेन कि गेन, दे शुश अन्‍न थाप्‍पाइक्‍नीनी। गे ख्रोइश्‍शो फुल्‍लु के खिं सेल्‍तीनी। तन्‍न मेकेर बाक्‍चा मताइनीनी। रिम्‍शो अङगुर रू सेल्‍तीनी। तन्‍न अङगुर शांबु तूचा मताइनीनी। सेफन्‍याह १:१३

हबकुक 3:17

फोव़शी रवा मबोइक्‍ब। अङगुर बोट मसिप्‍ब। तेल रवाम फल काइ मसिप्‍ब। रूमी अन्‍न मसिप्‍ब। गोठीम बी ब्‍यफ नु क्‍यारश भेडा मबाक्‍त हना यो,

सेफन्‍याह 1:13

मेको आन शोंप नेल्‍ल रोइक्‍चा पुंइसीनीम। मेको आन खिं ब्रेत्‍नीम। मेकोपुकीमी खिं सेल्‍तेक्‍म हना यो, मेकेर बाक्‍चा मताइनीम। मेकोपुकीम अङगुर ख्रुम्‍तेक्‍म हना यो, अङगुर शांबु तूचा मताइनीम। ब्‍यवस्‍था २८:३०,३९; आमोस ५:११

हाग्‍गै 1:6

गे शुश शोक्‍तीनी, तन्‍न इच्‍का ला खुप्‍ताक्‍नी। गे जाइनीनी, तन्‍न मरूनीनी। गे तूनीनी, तन्‍न इन तूतू दाक्‍तीके मबेक्‍ब। गे फेक्‍नीनी, तन्‍न इन रां महोइब। गे शुश गेय पा क्‍येट चेम्‍नीनी, तन्‍न होइश्‍शो थैलीम कुर पा वोइक्‍नीनी” देंत। ब्‍यवस्‍था २८:३८

यूहन्‍ना 4:37

मारदे हना ‘का निक्‍शीमी शोक्‍नीम, का निक्‍शीमी रुप्‍‍नीम’ देंशो लोव़ थमा बाक्‍ब, दे तुंइ‍सीब।

न्‍यायाधीस 6:4

मेको आन ताम्‍बु कीशा बाक्‍शा, गाजा सम्‍म ङा बाली नाली कली खतम पोक्‍गमे बाक्‍त। मेकोपुकीमी इस्राएल ङा मुर आन कली जचा थोव़क काइ महेंदमे बाक्‍त। आन भेडा, ब्‍यफ नु गधा नेल्‍ल रोइश्‍शा लदमे बाक्‍त।