मीका 5:6 - Sunuwar Bible

⁶ मेकोपुकीमी अस्‍सुर रागी कली तरवारम हुकुम पाइनीम। निम्रोद रागी कली शोइश्‍शो तरवारमी हुकुम पाइनीम। मिनु मेकोपुकीमी इं कली “अस्‍सुरी इं रागी ओव़तेक्‍म हना यो, इं कली प्रोंइनीम। इ रागी ङा सांदम जाक्‍तेक्‍म हना यो, इं कली प्रोंइनीम” देंनीम। भजन संग्रह ११०:३

मीका 5:6 ပူးပေါင်းရင်းမြစ်များ

२ राजा 15:29

इस्राएल ङा पिप पेकाहमी सासन पवा ना अस्‍सुर ङा पिप तिग्‍लात-पिलेसेरमी लडाइ तोशा, इयोन, आबेल-बेथ-माकाह, यानोह, केदेश, हासोर, गिलाद, गालील रागी नु नाप्‍ताली आ रागी नेल्‍ल आ के सेल्‍शा, मेकेर ङा मुर आन कली ग्‍याइश्‍शा अस्‍सुर लाइक्‍मी बाक्‍त। १इतिहास ५:२६

१ इतिहास 1:10

कूश निम्रोद आ आफ बाक्‍माक्‍त। निम्रोद रागी आ ङोंइती सक्ति पाइश्‍शो मुर का बाक्‍माक्‍त।

२ इतिहास 33:11

मोपतीके परमप्रभु यावेम मेकोपुकी नु लडाइ पपाइक्‍चा कली अस्‍सुर ङा पिप आ लडाइ पाइब आन कप्‍तान आन कली चाक्‍मी बाक्‍त। मिनु मेकोपुकीम मनस्‍से कली ग्‍याइश्‍शा मेको आ शोव़म बोल्‍सी ब्‍वेक्‍तमे बाक्‍त। मिनु मेको कली कांसा के साङलोम पाइश्‍शा बेबीलोन लदमे बाक्‍त।

अय्‍युब 29:22

गो आं लोव़ थुमु नोले सुइमी अरु लोव़ तेम्‍चा ममाल्‍देम। आं लोव़ मेको आन थुंमी सीत खोदेंशो पा जिन्‍ना जिन्‍न लत।

भजन संग्रह 110:3

गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।

भजन संग्रह 72:6

मिनु मेको घांस रिक्‍शो दिंममी रेउ यिशो खोदेंशो दुम्‍ल। रेउमी रागी कली जिप्‍पाइश्‍शो खोदेंशो दुम्‍ल।

यसैया 14:2

मेना रागी रागी ङा मुरपुकीमी इस्राएली आन कली आन रागी चोव़दीनीम। इस्राएलीपुकीमी मेको रागी ङा मुर आन कली परमप्रभु यावे आ रागीमी बाक्‍शा, आन वाइलीम वाइल सेल्‍नीम। ङोंइती आन कली ग्‍याइश्‍शा चोक्‍ब आन कली ग्‍याइश्‍शा चोक्‍नीम। मिनु आन कली दिप्‍ब आन कली हुकुम पाइनीम। यसैया ४९:२२; लेवी २५:२३

यसैया 14:25

गो अस्‍सुर ङा मुर आन कली आं रागीम साइश्‍शा, आं डांडा दिम्‍पाइक्‍नुङमी। मोपा आं जुवा ग्रुंइनुङ। मिनु आन श्‍येत आन बला रे फेत्‍नुङ।

यसैया 33:1

आबी, गे खतम पोक्‍ब, मुल सम्‍म गे खतम पोक्‍चा मपुंइसीशो बाक्‍नेवे। गे रोइक्‍ब बाक्‍नेवे। तन्‍न सुइमी मारेइ मरोइक्‍थु, गे खतम पोक्‍चा पुंइसीनेवे। मिनु इ रोइक्‍चा नुप्‍‍त हना, इ मारेइ मारेइ रोइक्‍चा पुंइसीनेवे। मत्ती ७:२

यसैया 37:36

मिनु परमप्रभु यावे आ स्‍वर्ग ङा गेय पाइब का अस्‍सुर ङा मुर आन बाक्‍तीकेम लशा, लाख का ८५ हजार जना मुर सदा बाक्‍त। मिनु मुरपुकी सुनी बोक्‍शा कोव़ङमेनु, बेक्‍शो मुर ला ताम्‍तेक्‍म। यसैया १७:१४; यसैया ३१:८

यसैया 37:37

मो दुम्‍मेनु अस्‍सुर ङा पिप सन्‍हेरीब लेश्‍शा लशा निनवे सहरम बाक्‍त।

यसैया 6:13

मिनु १० भागम भाग का मुर लीतेक्‍म हना, मेकोपुकी यो चोचा पुंइसीनीम। ठेयब नु बोल्‍यो रवा तिम्‍शा हना यो, आन ठुटा लीब। मेको लीशो ठुटा आं मुर, इस्राएल आ वांचेर बाक्‍नीम” देंत। आमोस ५:३; यसैया ७:३; यसैया १०:२०-२१

येरमीया 14:22

रागी रागी ङा मुर आन देवी देवता आन दाते ङा तेकोइमी रेउ यिपाइक्‍ने चाप्‍नीमी ङा? मार, सरीङ आमा रेउ यिपाइक्‍ने चाप्‍बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइ‍नीकी। मारदे हना गे ला एको नेल्‍ल पने चाप्‍नीनी” देंती।

नहुम 2:11

निनवे सहर ङा गुप्‍स खोदेंशो ठेयब मुर आ दरवार मार दुम्मे? मेको आ गाक्‍तीक नु आ तमी तौ आन बाक्‍तीके मार दुम्‍मे? आ आल मेकेर बाक्‍शो बाक्‍तेक्‍म। मिनु सुइमी मेको आन कली श्‍येत मगेम। यसैया १३:७-८

सेफन्‍याह 2:13

मेकोमी उत्तर गे आ गुइ दिंशा अस्‍सुर कली खतम पोक्‍ब। निनवे कली कोक्‍त नु गोरशो रागी खोदेंशो सेल्‍ब। नहुम १:१

सेफन्‍याह 3:12

गो इ दातेमी ब्रेम्‍शो नु प्रुङग मुर लीचा गेनुङमी। मेकोपुकीम ‘परमप्रभु यावे आंइ कली वारच पाइब बाक्‍ब’ दे थमा सुइक्‍नीम। इजीकीएल ६:८

लूका 1:71

‘परमप्रभु यावेमी गो इस्राएल ङा मुर आंइ कली आंइ जोरी सत्रु आन गुइ रे नु आंइ कली काइ मदाक्‍ब रे प्रोंइब’ देंमा बाक्‍त।

लूका 1:74

‘गो इं जोरी सत्रु आन गुइ रे प्रोंइचा पुंइसीनय। मिनु गो महिंथु परमप्रभु यावे कली ठेयब सेल्‍ने चाप्‍नय।

लूका 24:27

साइ नेसी मोसा नु परमप्रभु यावे आ लोव़ पाइबपुकीमी ख्रीस्‍त आ पर्बम मार मार ब्रेक्‍शो बाक्‍मा, मेको नेल्‍ल शेंदीम्‍सी बाक्‍त। ब्‍यवस्‍था १८:१५; भजन संग्रह २२:-; यसैया ५२:१३-५३

ब्‍यवस्‍था 32:2

आं अरेशो लोव़ रेउ खोदेंशो पा यीब। आं अरेशो लोव़ सीत खोदेंशो पा दोक्‍ब। कल्‍लो घांस तार भूस भुसे रेउ खोदेंशो पा नु सुवा आन तार ठेयब रेउ खोदेंशो पा यीब। यसैया ५५:१०-११