मीका 5:2 - Sunuwar Bible

² तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

मीका 5:2 ပူးပေါင်းရင်းမြစ်များ

उत्पत्ती 35:16

मिनु बेथेल रे एफ्राथ जाक्‍दीत्‍चा कली गाक्‍शो बाक्‍मा बाक्‍त। मेना राहेल आल थिचा चिक्‍शो बाक्‍माक्‍त।

उत्पत्ती 35:19

मिनु राहेल बेक्‍माक्‍त। मिनु एफ्राथ लतीक लांमी थिम्‍मे बाक्‍त। एफ्राथ बेथलेहेम सहरम बाक्‍ब। उत्‍पत्ती ४८:७; १सामुएल १०:२; येरमीया ३१:१५; मत्ती २:१८

उत्पत्ती 48:7

गो पदान रे गाक्‍ङानु, कनान रागी ङा एफ्राथ आ ङोंइती राहेल बेक्‍त। मिनु गो मेको कली एफ्राथ माइश्‍शो बेथलेहेम सहर लतीक लांमी थिम्‍ता” देंमाक्‍त। उत्‍पत्ती ३५:१९

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

१ इतिहास 2:54

साल्‍मा आ तौ बेथलेहेम, नेतोफाह अत्रोथ-बेथ-योआब नु मानाहाथ सहर ङा आधा मुर नु सोराह सहर ङा मुर बाक्‍मा बाक्‍त। १इतिहास ९:१६

१ इतिहास 4:4

पेनुएल गेदोर आ आफ बाक्‍माक्‍त। एजेर हुशाह आ आफ बाक्‍माक्‍त। मिनु कालेब आ मीश एफ्राथाह आ ङोंइती थिशो तौ हुर बाक्‍माक्‍त। मेको आ तौ चच युइ बेथलेहेम ङा मुर बाक्‍मा बाक्‍त। १इतिहास २:१९,५०

१ इतिहास 5:2

मिनु यहूदा आ लोक्‍ब आन दातेमी नेल्‍ल क्‍येङा ठेयब दुम्‍त हना यो, मेको रे पा सासन पाइब का ग्रूत हना यो, ङोंइती थिशो तौ आ अधिकार योसेफ केन दुम्‍शो बाक्‍माक्‍त। उत्‍पत्ती ४९:८,१०; ब्‍यवस्‍था ३३:७; उत्‍पत्ती ४९:२२; ब्‍यवस्‍था ३३:१३-१७

भजन संग्रह 132:6

गोपुकीमी एफ्राथाहमी परमप्रभु यावे आ कबल पशो सन्‍दोस आ पर्बम नेंतय। मिनु गोपुकीमी मेको यार सहर ङा दिंमम थित्‍तय। १सामुएल ७:१; १इतिहास १३:५-६

भजन संग्रह 90:2

मिनु पहाड दुम्‍चा क्‍येङा ङोंइती नु रागी सेल्‍चा क्‍येङा ङोंइती गे गेना हना यो बाक्‍ब परमप्रभु बाक्‍तीनी।

प्रस्‍थान 18:21

गे मुर नेल्‍ल आन दाते रे रिम्‍शो गेय पने चाप्‍ब परमप्रभु कली मान पा हिंब, थमा सुइक्‍चा पुंइसीब नु ख्रुइश्‍शा मार मार ताक्‍शा मजाइब मुरपुकी योव़चा माल्‍नेवे। नोले मेको मुर आन कली कोव़ब ठेयब मुर वोतो। मेको आन कली १० जना मुर आन कली कोव़ब, ३० जना मुर आन कली कोव़ब, सहे सहे जना मुर आन कली कोव़ब नु हजार हजार जना मुर आन कली कोव़ब ठेयब मुर आन कली योव़ङो।

प्रस्‍थान 18:25

मिनु इस्राएली आन दाते रे रिम्‍शो गेय पाइब आन कली योव़शा, मुर आन कली कोव़ब वोइक्‍तु। १०, १०, ३०, ३०, सहे सहे नु हजार हजार जना मुर आन कली कोव़ब वोतो।

यसैया 11:1

येस्‍से आ ठुटा रे ठोसा का दाप्‍ब। मेको आ शाक्‍श रे वाशो राशीम फल फुल सिप्‍ब।

यसैया 53:2

मेको आ ङोंइती बिरवा खोदेंशो पा कोल्‍त। सोव़शो खपीम शाक्‍श खोदेंशो पा कोल्‍‍त। मिनु मुरुम मेको कली कोव़चा थुं मपाम। मेको दारशो नु मान ताइब खोदेंशो काइ मतांइसीशो बाक्‍त। मेको मदारशो ममाल्‍चा ङा मुर खोदेंशो बाक्‍त। यसैया ११:१

यसैया 55:4

नेनीन, गो मेको कली जात जात ङा मुर आन कली सांकछी सेल्‍ता। जात जात ङा मुर आन कली ठेयब मुर नु हुकुम पाइब सेल्‍ता।

यसैया 7:14

मोपतीके परमप्रभुमी इन कली चिन्‍ड का गेब। मेको चिन्‍ड मार बाक्‍ब देंशा हना, कन्‍ने मीश आलम कोव़ज कुरशा तौ का थीब। मेको आ नें इम्‍मानुएल वोइक्‍नीम। मत्ती १:२३

येरमीया 30:21

मेको आन कली हुकुम पाइब मेको आन दाते ङा का दुम्‍ब। मेको आन कली सासन पाइब आंम आन मुर बाक्‍ब। गो मेको कली आं नेक्‍था चाक्‍नुङ। मिनु मेको आं नेक्‍था जाक्‍ब। मारदे हना आं नेक्‍था आंमा सु जाक्‍बा ङा?” दे परमप्रभु यावेमी देंत। येरमीया ३०:९

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७

मीका 4:10

सियोन आ तमी, आल थितीक रोइ पशो मीश मुर खोदेंशो पा वाइ ब्रेश्‍शा ग्रीङो। मारदे हना मुल गे एको सहर प्रोंइचा माल्‍नेवे। मिनु खिं मबाक्‍तीकेमी बाक्‍तीक सेल्‍चा माल्‍नेवे। गे बेबीलोनम लचा माल्‍नेवे। मिनु मेकेर रे प्रोंइचा पुंइसीनेवे। मेकेर परमप्रभु यावेमी इ कली इ जोरी सत्रु आन गुइ रे प्रोंइब।

जकरिया 13:7

मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

मत्ती 2:1

येसु यहूदीया रागी ङा बेथलेहेम सहरमी जरमेसे बाक्‍त। मेना मेकेर हेरोद पिप बाक्‍माक्‍त। मिनु येसु जरमेसेनु, सोरुल कोव़शा, जोक्‍ब तुइक्‍ब नां दाप्‍तीक रे यरूसलेममी जाक्‍मा बाक्‍त। लूका २:१-७

मत्ती 2:6

‘ए यहूदीया ङा बेथलेहेम सहर, यहूदीया ङा सहर नेल्‍ल क्‍येङा आइक्‍च महिक्‍सीशो सहर मनवे। मारदे हना इं इस्राएली आन कली सासन पाइब बेथलेहेममी जरमेसीब’ दे ब्रेक्‍शो बाक्‍ब” दे शेंदमे बाक्‍त। मीका ५:२

मत्ती 28:18

मिनु येसु नेल्‍ल आन नेक्‍था जाक्‍शा “स्‍वर्ग नु रागी ङा अधिकार नेल्‍ल आं कली गेशो बाक्‍ब। मत्ती ११:२७; एफिसी १:२०-२२

लूका 23:2

मिनु पिलातस आ ङोंइती राप्‍पाइश्‍शा “हजुर, एको मुरुमी मुर आन थुं क्‍याल्‍ब। ‘सिजर कली ममानेचा। तिरो थाप्‍चा ममाल्‍ब। गो ख्रीस्‍त नङ। मिनु गोन पिप नङ’ दे शेंना शेंन गाक्‍त” दे दोस गेमे बाक्‍त। प्रेरित २४:५; लूका २०:२५

लूका 23:38

येसु कली क्‍याइश्‍शो शीमी “यहूदी आन पिप बाक्‍ब” दे ब्रेक्‍शा वोदमे बाक्‍त।

यूहन्‍ना 7:42

परमप्रभु यावे आ लोव़मी ‘ख्रीस्‍त दाऊद आ खिं ङा मुर रे नु दाऊद आ गाउं बेथलेहेम रे जाक्‍ब’ मदेंम ङा?” देंतेक्‍म। मत्ती २२:४२; मीका ५:१; मत्ती २:५-६

ब्‍यवस्‍था 1:15

मोपतीके गो इन थर ङा निप्‍स पाइश्‍शो, तुइक्‍ब नु ठेयब मुरपुकी योव़शा, इन कली कोव़ब सेल्‍ता। मिनु इन थर थर ङा हजार का, सहे का, ५० नु १० जना मुर आन कली का का पा कोव़ब ठेयब मुरपुकी सेल्‍ताक्‍मी। आंम इन थर थर ङा मुरपुकी यो योव़ताक्‍मी। प्रस्‍थान १८:२५

कलस्‍सी 1:17

मोपा मेको नेल्‍ल आन क्‍येङा ङोंइती ङा बाक्‍ब। मिनु नेल्‍ल आन कली बाक्‍चा गेब यो बाक्‍ब।

हिब्रू 13:8

साइ ङोंइती, मुल नु गेना हना यो येसु ख्रीस्‍त मफांइसीथु बाक्‍ब, दे तुइक्‍तीन। यसैया ४१:४; १कोरिन्‍थी ३:११; प्रकाश १:१७-१८; प्रकाश २२:१३

हिब्रू 7:14

इं प्रभु यहूदा थर ङा बाक्‍माक्‍त, दे गो नेल्‍लेमी तुइक्‍नय। यहूदा थर ङा मुरपुकीम गेनायो चढ़ेतीक गेय मपशो बाक्‍मा बाक्‍त। इं किकी पिपी मोसामी यहूदा थर ङा मुर चढ़ेब बाक्‍नीम, दे गेनायो मदेंमाक्‍त। उत्‍पत्ती ४९:१०; मत्ती १:१-३

१ यूहन्‍ना 1:1

नेल्‍ल क्‍येङा ङोंइती रे बाक्‍शो, सु बाक्‍त देंशा हना, ब्रोंइचा गेब लोव़ माइश्‍शो बाक्‍त। गोपुकीमी मेको आ लोव़ नेंतक। आंइ मिक्‍चीमी ताइतक। आंइ मिक्‍चीमी कोव़तक। आंइ गुइमी थीतक। यूहन्‍ना १:१; यूहन्‍ना १:१४; यूहन्‍ना १:४

प्रकाश 19:16

मिनु मेको ङोंइती ङा शारा ङोइक्‍ब आ वा नु आ फिलामी नें का ब्रेक्‍शो बाक्‍त। मार नें ब्रेक्‍शो बाक्‍त देंशा हना, पिप आन पिप नु प्रभु आन प्रभु, दे ब्रेक्‍शो बाक्‍त। प्रकाश १:५; १तिमोथी ६:१५

प्रकाश 2:8

मिनु येसु ख्रीस्‍तमी आं कली स्‍मिरना सहर ङा थमा सुइक्‍ब आन शेंब कली ब्रेक्‍पाइक्‍ती। मेकोमी “गो नेल्‍ल क्‍येङा ङोंइती नु नेल्‍ल क्‍येङा नोले नङ। गो बेक्‍शा यो ब्रोंइती” देंत। प्रकाश १:११; प्रकाश १:१८

प्रकाश 21:6

मिनु मेकोमी लेंशा आं कली “गो आल्‍फा नु ओमेगा नङ। नेल्‍ल क्‍येङा ङोंइती नु नेल्‍ल क्‍येङा नोले ङा गो नङ। सु सुमी तूतू दाक्‍नीमी, मेको आन कली ब्रोंइचा गेब ब्‍वाक्‍कु बुक्‍तीक रे मोशा तूचा गेनुङ। प्रकाश १:८; प्रकाश २२:१३

न्‍यायाधीस 17:7

मिनु यहूदा ङा बेथलेहेम रे पा जाक्‍शो यहूदा आ थर ङा रागीम बाक्‍ब लेवी ठिटा का बाक्‍माक्‍त। न्‍यायाधीस १८:३; ब्‍यवस्‍था १८:६-८

रूथ 1:1

निसाफ पाइबपुकीमी इस्राएली आन कली हुकुम पची ना, अन्‍काल दुम्‍माक्‍त। मोपतीके यहूदा रागी ङा बेथलेहेम रे मुर का, आ मीश नु आ तौ निक्‍शी लाइश्‍शा, मोआबी आन रागीम बाक्‍थ लमाक्‍त। गन्‍ती २५:१-५; १सामुएल २२:३-४

रूथ 4:11

मिनु ठेयब लाप्‍चोम बाक्‍ब नु खाल्‍पा नेल्‍लेमी “गो सांकछी दुम्‍तक। परमप्रभु यावेम एको इ खिंम जाक्‍शो मीश मुर कली राहेल नु लेआ खोदेंशो सेलल। मेको निक्‍शीमी इस्राएल आ खिं सेल्‍शो बाक्‍ताक्‍से। बेथलेहेम एफ्राथाहम इ नें ठेयब दुम्‍ल।

१ सामुएल 10:19

तन्‍न मुलाक्‍ती गे इन कली हिंचा ङा श्‍येत नु मरिम्‍शो रे प्रोंइब इन परमप्रभु कली प्रोंइतीनी। मिनु गेपुकीमी ‘आंइ कली पिप का योव़शा गेने’ देंतीनी। मोपतीके मुल परमप्रभु यावे आ ङोंइती इन थर थर नु खिं खिं ङा मुर पा रपीन” दे माइक्‍मी बाक्‍त। १सामुएल ८:७

१ सामुएल 17:12

दाऊद बेथलेहेम, एफ्राथाह सहर ङा यहूदा ङा येस्‍से माइश्‍शो आ तौ बाक्‍माक्‍त। मेको येस्‍से के ८ जना तौ बाक्‍मा बाक्‍त। सावल आ पालाम मेको खाल्‍पा बाक्‍माक्‍त। १सामुएल १६:१-११

१ सामुएल 17:18

एको १० ओटा दूध के सेल्‍शो जचा थोव़क चहिं आन हजार का मुर आन कप्‍तान कली लतो। इ लोक्‍बपुकी दोदेंशो पा बाक्‍मा कोव़ङो। मिनु मेको आन रे मारेइ चिनु कुरशा जाक्‍को” दे मदा बाक्‍त।

१ सामुएल 23:23

मेको तेको ख्रुइक्‍तीकेम बाक्‍मे, रिम्‍शो पा रु‍पीन। मिनु आं बाक्‍तीक जाक्‍शा शेंदीनी। मिनु गो गेपुकी नु लाइ‍नुङ। मेको एको रागीम बाक्‍त हना, गो यहूदा आ खिं खिं ङा मुर आन दाते रे माल्‍शा ग्रुंइनुङ” देंमाक्‍त।

१ सामुएल 8:12

मिनु का निक्‍शी आन कली हजार का जना आन ठेयब मुर सेल्‍ब। का निक्‍शी आन कली ५० जना आन ठेयब मुर सेल्‍ब। मेको आ रू वाक्‍शा, आ बाली नाली रुप्‍ब सेल्‍ब। मिनु मेको आन लडाइ पतीक या नु बग्‍गी सेल्‍पाइक्‍ब।