मीका 5:14 - Sunuwar Bible

¹⁴ गो इन दा‍ते ङा मूर्ति पाइश्‍शो थाम तुल्‍शा बेरपाइक्‍नुङ। मिनु इन सहर आन कली प्रेत्‍नुङ।

मीका 5:14 ပူးပေါင်းရင်းမြစ်များ

२ राजा 17:10

मेकोपुकीम डांडा नेल्‍ल नु शुश गिग रवा आन पुंमी ख्रुक्‍शो फुल्‍लु नु मूर्ति पाइश्‍शो थामपुकी सेल्‍मे बाक्‍त। २राजा १६:४; १राजा १४:२३

भजन संग्रह 149:7

मेकोपुकीमी रागी रागी ङा मुर आन कली सजाइ गेशा, क्‍येक्‍क लेत्‍नीम।

भजन संग्रह 149:9

मिनु मेकोपुकीमी ब्रेक्‍शा अरेशो कोव़शा, मेको आन कली निसाफ पाइनीम। मेको परमप्रभु आ मुर आन रिम्‍शो बाक्‍ब। परमप्रभु यावे कली ठेयब सेलीन। यसैया ३४:-; यसैया ६३:४-६; योएल ४:२-२४

प्रस्‍थान 34:13

मेको आन चढ़ेतीकपुकी प्रेश्‍शा, आन पूजा पचा कली ख्रुक्‍शो फुल्‍लु प्रोल्‍शा, मूर्ति पाइश्‍शो थाम कली क्‍योरशा, तिम्‍चा माल्‍नीनी। प्रस्‍थान २३:२४

यसैया 17:8

मेकोपुकीम आंम आन गुइमी सेल्‍शो देवी देवता आन कली चढ़ेचा ममिम्‍नीम। आंमा आन सेल्‍शो मूर्ति पाइश्‍शो थाम नु धूप चोतीके कली मकोव़नीम।

यसैया 27:9

मोपतीके मेको रे पा याकूब आ मुर आन दोस क्‍याम्‍सीब। मेको आन पाप पशो आ पर्बम मो पचा पुंइसीशो बाक्‍तेक्‍म। मेकोमी चढ़ेतीके ङा फुल्‍लु खरी खोदेंशो पा फस सेल्‍ब। मिनु मूर्ति पाइश्‍शो थाम नु धूप चोशा चढ़ेतीक काइ मलीपाइक्‍ब। लेवी २६:३०

येरमीया 12:17

तन्‍न तेकोइ जात ङा मुरुम मेको लोव़ मनेंतेक्‍म हना, गो मेको आन कली तुल्‍शा ताइक्‍नुङमी” दे परमप्रभु यावेम देंशो बाक्‍ब।

बिलाप 2:2

परमप्रभुमी शिशी मपथु याकूब आ बाक्‍तीक नेल्‍ल खतम सेल्‍तु। मोपा चुरशा यहूदा आ तमी आ गारो हिरशो सहर नेल्‍ल खतम सेल्‍तु। मेकोमी मेको राज्‍य नु आ सासन पाइब आन कली मान मताइब, आइक्‍च सेल्‍तु।

नहुम 1:14

निनवे, परमप्रभु यावेमी इ पर्बम लोव़ का अरेशो बाक्‍ब। मेकोमी मार अरेशो बाक्‍ब देंशा हना “मुल रे इ नें वोइक्‍ब मुर सुइ मलीनीम। गो इ परमप्रभु आ खिं रे इ मुशा सेल्‍शो मूर्ति नु चेम्‍शा सेल्‍शो मूर्ति ग्रुंइनुङ। गो इ कली तुरस ठीक सेल्‍नुङ। मारदे हना गे काइ मरिम्‍शो पाइब बाक्‍नेवे” दे अरेशो बाक्‍ब।