मीका 5:13 - Sunuwar Bible

¹³ गो इन दा‍ते ङा मूर्ति नेल्‍ल खतम पोक्‍नुङ। इन पूजा पचा कली ख्रुक्‍‍शो फुल्‍लु खतम पोक्‍नुङ। मिनु इन गुइमी सेल्‍शो थोव़क आन ङोंइती मबाप्‍नीनी।

मीका 5:13 ပူးပေါင်းရင်းမြစ်များ

यसैया 2:18

मेना मूर्ति नेल्‍ल जाम्‍नीम।

यसैया 2:8

मेको आन रागी मूर्तिम ब्रीशो बाक्‍ब। मेकोपुकी आंमा सेल्‍शो मूर्ति आ ङोंइती बाप्‍नीम। आंमा गुइमी सेल्‍शो मूर्ति आ ङोंइती पोक्‍च थेक्‍नीम।

यसैया 27:9

मोपतीके मेको रे पा याकूब आ मुर आन दोस क्‍याम्‍सीब। मेको आन पाप पशो आ पर्बम मो पचा पुंइसीशो बाक्‍तेक्‍म। मेकोमी चढ़ेतीके ङा फुल्‍लु खरी खोदेंशो पा फस सेल्‍ब। मिनु मूर्ति पाइश्‍शो थाम नु धूप चोशा चढ़ेतीक काइ मलीपाइक्‍ब। लेवी २६:३०

इजीकीएल 16:41

मेकोपुकीम इ खिंम मी सुइक्‍नीम। मिनु शुश मीश मुर आन ङोंइती इ कली सजाइ गेनीम। गो इ तेल्‍लेम पतीक तेक्‍नुङ। मिनु इ मुर आन कली गाल्‍च गेतीक तेक्‍नुङ। २राजा २५:९

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

इजीकीएल 37:23

मिनु मेकोपुकीम लेंशा गेनायो आन मूर्ति नु अरु ग्रांग्रा दिशो थोव़क नु हेंथे मपाइनीम। मारदे हना गो मेको आन कली नेल्‍ल आन हेंथे पतीक रे प्रोंइ‍नुङमी। मिनु मेको आन कली आं मुर सेल्‍नुङमी। मिनु मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। इजीकीएल ११:२०

इजीकीएल 6:9

मिनु मोदेंशो रागी रागीम ब्रोंइशा लीशोपुकी ग्‍याइश्‍शा लाइक्‍चा पुंइसीशो रागीम आं कली मिम्‍नीम। मिनु मेकोपुकीम आन दला दाक्‍स पशा, आं रे दिल्‍शा लशा, आन मूर्ति आन नोले खोइक्‍नी‍म। मेको आन पशो मरिम्‍शो नु ग्रांग्रा दिशो गेयम आंमा मुने दोक्‍नीम।

होसे 10:2

मेको आन थुं दूली बाक्‍ब। मुल मेकोपुकीमी आन मरिम्‍शो पशो आ सजाइ तचा माल्‍नीम। परमप्रभुमी मेको आन चढ़ेतीक नु आन ख्रुक्‍शो फुल्‍लु प्रेप्‍ब। मेको आन थाम ङा मूर्ति यो खतम सेल्‍ब।

होसे 14:3

अस्‍सुर ङा मुरपुकीमी आंइ कली प्रोंइने मचाप्‍नीम। गोपुकी लडाइ पथ शारा ङोइश्‍शा मगाक्‍नीकी। मिनु गो आंम सेल्‍शो थोव़क कली ‘इं परमप्रभु’ दे गेनायो मदेंनीकी। मारदे हना रोम रोइक्‍चपुकीमी इन शिशी ताइनीम” दे परमप्रभु कली देंनीन।

होसे 14:8

एफ्राइम ङा मुरपुकी, मूर्तिपुकी नु गो आं के मार गेय बाक्‍बा ङा? गो इन कली लोव़ लेत्‍नुङ। मिनु इन कली कोव़नुङ। गो तोव़शी रवा खोदेंशो पा गिग बाक्‍नुङ। इ फल फुल सित्‍चा आं सक्ति रे जाक्‍ब।

नहुम 1:14

निनवे, परमप्रभु यावेमी इ पर्बम लोव़ का अरेशो बाक्‍ब। मेकोमी मार अरेशो बाक्‍ब देंशा हना “मुल रे इ नें वोइक्‍ब मुर सुइ मलीनीम। गो इ परमप्रभु आ खिं रे इ मुशा सेल्‍शो मूर्ति नु चेम्‍शा सेल्‍शो मूर्ति ग्रुंइनुङ। गो इ कली तुरस ठीक सेल्‍नुङ। मारदे हना गे काइ मरिम्‍शो पाइब बाक्‍नेवे” दे अरेशो बाक्‍ब।

सेफन्‍याह 1:4

गो यहूदा रागी नु यरूसलेममी बाक्‍ब मुर नेल्‍ल आन पर्बम आं गुइ क्‍युक्‍नुङ। मिनु मेकेर बाल देवता कली पूजा पतीके नु मेको कली चढ़ेब आन नें मलीचा ङा पा क्‍याम्‍नुङ। २राजा २३:५; होसे १०:५

जकरिया 13:2

मुर नेल्‍ल आन परमप्रभु यावेमी मार देंत देंशा हना मेको नाक्‍ती “गो रागी रे मूर्ति आन नें क्‍याम्‍‍नुङ। मिनु सुइमी मेको आन कली ममिम्‍नीम। मिनु गो मेको रागी रे जोल पा नोले दुम्‍ब लोव़ पाइब नु ग्रांग्रा दिशो वोल आन कली ग्रुंइशा खेरनुङ। मीका ५:१२; येरमीया २९:८-९

प्रकाश 9:20

मिनु मबेक्‍थु लीशो मुरपुकीमी मेको आन मरिम्‍शो पचा मप्रोनेम। मार मरिम्‍शो पाम्‍तेक्‍म देंशा हना, वोल नु देवी देवता आन कली खुम्‍की पा सेउ पाम्‍तेक्‍म। मताइब, मनेंब, मगाक्‍ब सुन, चांदी, कांसा, फुल्‍लु नु शी के सेल्‍शो मूर्ति आन कली खुम्‍की पा सेउ पाम्‍तेक्‍म। प्रकाश १६:९

न्‍यायाधीस 18:17

मिनु ङोंइती क्‍यारी पथ जाक्‍शो ५ जना मुर खिं आगा ओव़मा बाक्‍त। मिनु मेकोपुकीमी मेको मुशा चांदीम गिल्‍शो मूर्ति, निसाफ पतीके ऊरीम नु थुम्‍मीम बाक्‍शो झोला नु खिं ङा देवता नेल्‍ल लदमे बाक्‍त। मेना चढ़ेब यो मेको ६ सहे मुर नु लाप्‍चोम राप्‍शा बाक्‍शो बाक्‍माक्‍त। न्‍यायाधीस १७:५