मीका 5:1 - Sunuwar Bible

¹ गे गारो हिरशो सहर बाक्‍नेवे। लडाइ पाइबपुकीमी इ कली पुम्‍नीम। मिनु इस्राएल कली सासन पाइब कली कोक्‍केम चोव़चोम तुप्‍नीम। उत्‍पत्ती ३५:१९; मत्ती २:५-६; यूहन्‍ना १:१-२

मीका 5:1 ပူးပေါင်းရင်းမြစ်များ

उत्पत्ती 35:19

मिनु राहेल बेक्‍माक्‍त। मिनु एफ्राथ लतीक लांमी थिम्‍मे बाक्‍त। एफ्राथ बेथलेहेम सहरम बाक्‍ब। उत्‍पत्ती ४८:७; १सामुएल १०:२; येरमीया ३१:१५; मत्ती २:१८

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

१ राजा 22:24

मिनु केनानाह आ तौ सिदकीयाह, इर ङोइश्‍शा मीकाया आ चोव़चो रबा बाक्‍त। मिनु मेको कली “दोपा परमप्रभु यावे आ सोक्‍त आं रे पा इ थुंम ब्‍वाक्‍थ जाक्‍मे?” देंमाक्‍त।

२ राजा 24:2

मिनु परमप्रभु यावेमी यहूदा नु लडाइ पचा कली कल्‍दी, अरामी, मोआबी नु अम्‍मोनी आन कली सोइक्‍तीमी बाक्‍त। परमप्रभु यावेमी आ गेय पा आ लोव़ पाइब आन देंशो खोदेंशो दुम्‍पाइश्‍शा यहूदा कली खतम पोक्‍पाइक्‍चा कली मेको आन कली सोइक्‍तीमी बाक्‍त।

अय्‍युब 16:10

मुरपुकीम आं कली शुक्‍शी पशो बाक्‍तेक्‍म। मेकोपुकीम आं चोव़चो शुश राप्‍शो बाक्‍तेक्‍म। आं कली मरिम्‍शो पाइक्‍चा कली बुक्‍तेक्‍म।

हितोपदेस 8:23

नेल्‍ल क्‍येङा ङोंइती ङा गो नङ। रागी क्‍येङा ङोंइती यो गो नङ।

यसैया 10:6

गो अस्‍सुर कली आं कली मटीब रागी कली लडाइ पथ सोइक्‍नुङ। अस्‍सुर कली आं कली गाइक्‍पाइक्‍ब मुर नु सोइक्‍नुङ। मारेइ मारेइ रोइक्‍पाइक्‍चा कली सोइक्‍नुङ। मिनु मेको आन कली लांम दिम्‍पाइक्‍चा कली सोइक्‍नुङ।

यसैया 33:22

मारदे हना परमप्रभु यावे आंइ कली निसाफ पाइब बाक्‍ब। परमप्रभु यावे आंइ कली सासन पाइब बाक्‍ब। परमप्रभु यावे आंइ पिप बाक्‍ब। मेकोमी आंइ कली श्‍येत रे प्रोंइब।

यसैया 8:9

गे रागी रागी ङा मुर गारशा सुर्ता पने। गे खतम दुम्‍पाइक्‍चा पुंइसीनीनी। गे ङोन रागी ङा मुर नोफा दाइश्‍शा नेनीने। लडाइ पचा कली किप्‍शुर किम्‍सीन। मिनु हिनीन। लडाइ पचा कली ठीक दुमीन। मिनु सुर्ता पने।

यसैया 9:5

मारदे हना लडाइ पाइब आन जुत्ता नु आन फेक्‍तीक वा नेल्‍ल हुश लुम्‍सीशो बाक्‍नीम। मेको मीम चोतीक दुम्‍नीम।

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 4:7

गुप्‍स का आ पुक्‍खी रे ग्रूशा, जाक्‍शो बाक्‍ब। रागी रागी कली खतम पोक्‍ब का ग्रूब। मेको आ बाक्‍तीक रे ग्रूशा, इन रागी कली मुर मबाक्‍तीके सेल्‍ब। इन सहर ङा खिं नेल्‍ल ब्रेत्‍‍नीम। मेकेर मुर बाक्‍ने मचाप्‍नीम। येरमीया २:१५; येरमीया ५:६; येरमीया २५:३८; येरमीया ४९:१९; येरमीया ५०:४४

बिलाप 3:30

मेको आ चोव़चो राप्‍चा गेशा, शुश शुक्‍शी पाइक्‍चा पुंइसीब दुम्‍ब। मत्ती ५:३९

इजीकीएल 21:32

गे मी कली शी दुम्‍नीनी। इन हुश खपीम शाइक्‍ब। इन कली लेंशा गेनायो ममिम्‍नीम। मारदे हना गो, परमप्रभु यावेमी एको लोव़ पाता” देंत।

इजीकीएल 24:2

मार लोव़ पाप्‍तु देंशा हना “ए मुर, मुलाक्‍ती तेको बर्स नु तेको नाक्‍ती बाक्‍बा, मेको ब्रेक्‍शा वोतो। मारदे हना मुलाक्‍ती बेबीलोन ङा पिपम यरूसलेम कली पुम्‍शो बाक्‍ब।

दानीएल 9:25

मोपतीके यरूसलेम लेंशा सेल्‍तीक लोव़ तेल लुक्‍शो पिप मजाक्‍म सम्‍म ७ हप्‍ता बाक्‍नीम। मिनु ६२ हप्‍ता लां नु खिं आ एर ओंथ लेंशा सेल्‍चा कली माल्‍ब, दे रुप्‍शा तुइक्‍तो। मेना श्‍येत जतीक ना बाक्‍ब।

योएल 3:9

मिनु परमप्रभुमी “एको लोव़ रागी रागी ङा मुर आन दातेम नेंपतीन। लडाइ पचा कली ठीक दुमीन। लडाइ पाइब आन कली ब्रेत्‍तीन। बुक्‍तीक आ नेक्‍था जाक्‍चा माल्‍नीम।

आमोस 2:3

गो मेको आ सासन पाइब नु मेको आ ठेयब गेय पाइब नेल्‍ल आन कली मेको नु काथा साइक्‍नुङमी” दे परमप्रभु यावेमी देंत। गन्‍ती २४:१७

हबकुक 1:6

गो कल्‍दी ङा मुर आन कली पोक्‍‍नुङमी। मेको हिंचा ङा नु शिशी मपाइक्ब बाक्‍नीम। मेकोपुकीमी रागी नेल्‍ल कली ग्राशा, मुर आन खिं नु बाक्‍तीके रोइक्‍नीम।

हबकुक 3:16

गो इन सेंदा नेंनुनु, ख्रिंख्रि पाता। आं शोव़ यो ख्रिंख्रि पाप्‍तु। आं रुश आगा नेल्‍ल मुक्‍ताक्‍मे। खोइल ख्रिंख्रि पाप्‍तु। मो हना यो आंइ कली मरिम्‍शो पाइब मुर आन कली श्‍येत दुम नाक्‍ती कली रिम्‍शा बाक्‍ती।

मत्ती 26:67

मिनु साइक्‍चा पुंइसीब देंमानु, का निक्‍शीमी आ कुल तोक्‍तमे बाक्‍त, का निक्‍शीमी तुप्‍मे बाक्‍त, का निक्‍शीमी चोव़चो राप्‍शा यसैया ५०:६

मत्ती 27:30

मिनु आ कुलम तोक्‍तमे बाक्‍त। मेको किन्‍दा रोइश्‍शा, आ पियामी तेत्‍मे बाक्‍त। यसैया ५०:६

मत्ती 5:39

गो मार देंनुङ देंशा हना, सुइमी इन कली मरिम्‍शो पाम्‍तेक्‍म हना यो, मेको आन कली आन क्‍येक्‍क मलेत्‍तीने। इन ग्‍युरा चोव़चो राप्‍तेक्‍म हना, पेरा यो राप्‍चा गेने। बिलाप ३:३०; यूहन्‍ना १८:२२-२३; रोमी १२:१९,२१; १पत्रुस २:२०-२३

यूहन्‍ना 18:22

मिनु मो देंमेनु, येसु आ नेक्‍था बाक्‍ब मुरुमी येसु कली चोव़चो राप्‍शा “गे नेल्‍ल क्‍येङा ठेयब चढ़ेब कली मोदेंशो लोव़ पाइनेवे?” दे हुइक्‍ताक्‍व।

यूहन्‍ना 19:3

मिनु आ नेक्‍था जाक्‍शा “जय, यहूदी आन पिप” देंशा, आ चोव़चो राप्‍तेक्‍म।

प्रेरित 23:2

हनानीया माइश्‍शो ठेयब चढ़ेबमी पावल आ नेक्‍था बाक्‍ब आन कली “मेरे आ शोव़ रोप्‍तीने” देंमाक्‍त।

२ कोरिन्‍थी 11:20

सुइ मुरुमी इन कली वाइलीम वाइल सेल्‍तेक्‍म हना, रोइक्‍ताक्‍म हना, जोल पाम्‍तेक्‍म हना, बोरशा कोंइताक्‍म हना नु इन चोचो राप्‍तेक्‍म हना यो फाल्‍शा बाक्‍बाक्‍तीनी।

ब्‍यवस्‍था 28:49

मिनु परमप्रभु यावेमी नेल्‍ल क्‍येङा ङोन बाक्‍शो रागी रे मरुप्‍शो लोव़ पाइब मुरपुकी बेरशो ककाकुली खोदेंशो पा इन तारी जुक्‍पाइक्‍ब। हबकुक १:८; यसैया ३३:१९; येरमीया ५:१५

ब्‍यवस्‍था 33:27

साइ नेसी ङा परमप्रभु ख्रुइश्‍शा बाक्‍तीक बाक्‍ब। इन ङोंइती इन जोरी सत्रु आन हुल कली खेरतु। मिनु मेको आन पर्बम खतम सेलीन, देंत।

न्‍यायाधीस 17:7

मिनु यहूदा ङा बेथलेहेम रे पा जाक्‍शो यहूदा आ थर ङा रागीम बाक्‍ब लेवी ठिटा का बाक्‍माक्‍त। न्‍यायाधीस १८:३; ब्‍यवस्‍था १८:६-८