मीका 4:5 - Sunuwar Bible

⁵ मिनु “जात जात ङा मुर नेल्‍ल आन देवी देवता आन नेंम गाक्‍नीम। तन्‍न गोपुकी चहिं गेना हना यो परमप्रभु यावे, इं परमप्रभु आ नेंम गाक्‍नय” देंतेक्‍म।

मीका 4:5 ပူးပေါင်းရင်းမြစ်များ

उत्पत्ती 17:1

मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२

२ राजा 17:29

मो हना यो रागी रागी ङा मुरपुकीम आंम आन बाक्‍तीके सहर सहरम आन देवी देवता सेल्‍शा, मेको डांडा ङा थानम वोदमे बाक्‍त। मोपा आन बाक्‍शो सहर नेल्‍लेमी सामरीया ङा मुर आन सेल्‍शो डांडा ङा थान यो बाक्‍मा बाक्‍त।

२ राजा 17:34

मेकोपुकीमी मुलाक्‍त सम्‍म मोदेंशो पना पन बाक्‍नीम। मिनु मेकोपुकीमी परमप्रभु यावे कली मान पा महिंनीम। मेको आ फुल्‍लुम मुशा ब्रेक्‍शो लोव़, आ निसाफ पतीक लोव़, आ अरेशो नु आ शेंशो मपामे बाक्‍त। परमप्रभु यावेमी मोदेंशो पचा माल्‍नीनी, दे इस्राएल माइश्‍शो याकूब आ आल आन कली अरेशो बाक्‍माक्‍त। उत्‍पत्ती ३२:२९

भजन संग्रह 20:6

परमप्रभु यावेमी आ तेल लुक्‍शो पिप कली प्रोंइब, दे मुल तुइक्‍ताक्‍ङ। आ स्‍वर्ग ङा बाक्‍तीकेमी यो इन लोव़ नेंशा, आ सक्ति पाइश्‍शो ग्‍युरा गुइमी वारच पाइब। प्रस्‍थान १५:६

भजन संग्रह 48:14

मारदे हना मेको परमप्रभु, आंइ परमप्रभु बाक्‍ब। मेकोमी गेना हना यो आंइ कली लां कोंइब। यसैया २५:९

भजन संग्रह 71:16

परमप्रभु, गो इन सक्ति पाइश्‍शो गेय आ पर्बम शेंना शेंन गाक्‍नुङ। मिनु इन ठीक पतीके आ पर्बम इन कली ठेयब सेल्‍नुङ।

यसैया 2:5

याकूब आ खिं ङा मुर जाक्‍कीन। गोपुकी परमप्रभु यावे आ छेङछेङम गाक्‍य।

यसैया 26:13

आंइ परमप्रभु यावे अरु ठेयब मुरुम आंइ कली हुकुम पाम्‍तेक्‍म। तन्‍न गे का ला आंइ कली अरेब बाक्‍नीनी।

यसैया 26:8

परमप्रभु यावे, गो इन निसाफ पतीके कली रिम्‍नीकी। आंइ थुं नेल्‍लेमी इन नें नु इन कली मिम्‍शा बाक्‍नीकी।

येरमीया 32:40

गो मेकोपुकी नु गेना हना यो लीब कबल का पाइनुङ। गो मेको आन कली रिम्‍शो पचा कली गेनायो मप्रोंइनुङ। मिनु गो मेको आन थुंमी आं कली मान पा हिंतीके वोइक्‍नुङ। मोपा मेकोपुकीम आं कली मप्रोंइनीम। येरमीया ३१:३१-३४

जकरिया 10:12

गो मेको आन कली परमप्रभु यावे कली थमा सुइक्‍तीकेम बोल्‍यो सेल्‍नुङ। मिनु मेकोपुकी मेको आं नेंम गाक्‍नीम” दे परमप्रभु यावेमी देंत।

प्रेरित 14:16

साइ ङोंइती रे मुल सम्‍म परमप्रभु यावेमी रागी नेल्‍ल आन कली आन दला दाक्‍स पचा गेशो बाक्‍त। प्रेरित १७:३०

ब्‍यवस्‍था 27:10

मोपतीके परमप्रभु यावे, इन परमप्रभु आ देंशो टिने। मुलाक्‍ती गो इन कली माइश्‍शो आ शेंशो लोव़ नु आ फुल्‍लुम मुशा ब्रेक्‍शो लोव़ नेल्‍ल टिने” देंतेक्‍म।

कलस्‍सी 2:6

गेपुकी दोपा ङोंइती प्रभु ख्रीस्‍त येसु कली ओव़चा गेनी, मोपा मेको नु बाक्‍कीन।

कलस्‍सी 3:17

मार मार लोव़पुकी, गेयपुकी, मारेइ मारेइ पनीनु, नेल्‍ल प्रभु येसु आ नेंमी पने। इं आफ परमप्रभु यावे कली “गे रिम्‍शो पाइतीनी” दे येसु आ नेंमी देनीन। १कोरिन्‍थी १०:३१

यहोसु 24:15

तन्‍न परमप्रभु यावे आ नें ठेयब सेल्‍चा मदाक्‍नीनी हना, सु कली ठेयब सेल्‍नीनी? मुलाक्‍ती योव़ङीन। गे इन किकी पिपीमी खोला आइक्‍ची हांबुम पूजा पशो देवी देवता आन कली ठेयब सेल्‍नीनी देय मुल बाक्‍शो एमोरी आन रागी ङा देवी देवता आन कली ठेयब सेल्‍नीनी? योव़ङीन। तन्‍न गो नु आ खिं ङा मुरुमी परमप्रभु यावे कली ला ठेयब सेल्‍नीकी” देंत। ब्‍यवस्‍था ६:१३-१४