मीका 4:4 - Sunuwar Bible

⁴ तन्‍न मुर नेल्‍ल आन अङगुर नु फोव़शी रवा आन पुंम नित्‍‍नीम। मिनु मेको आन कली सुइमी हिंच मकोंइनीम। मारदे हना मुर नेल्‍ल आन परमप्रभु यावेमी लोव़ प‍शो बाक्‍ब। १राजा ५:५; जकरिया ३:३०

मीका 4:4 ပူးပေါင်းရင်းမြစ်များ

१ राजा 4:25

सोलोमन बाक्‍म सम्‍म दान रे बेयर-शेबा सम्‍म यहूदा नु इस्राएल रिम्‍शो दुम्‍शा बाक्‍‍सा बाक्‍त। मुर नेल्‍ल आंम आंम अङगुर नु फोव़शी जशा बाक्‍मा बाक्‍त। लेवी २५:१८

१ राजा 5:5

मोपतीके मुल परमप्रभु यावेमी आं आफ दाऊद कली देंशो खोदेंशो पा, गो परमप्रभु यावे, आं परमप्रभु आ नें कली मान पा, खिं का सेलु दें‍ती। परमप्रभु यावेमी आं आफ दाऊद कली ‘गे इ पा ङा पिप दुम्‍‍ब इ तौमी आं कली मान पा खिं का सेल्‍ब’ देंशो बाक्‍त। २सामुएल ७:१३

अय्‍युब 11:19

गे सुइ आन क्‍येङा महिंथु इप्‍‍नीनी। मिनु शुश मुरुम इन शिशी तचा कली आस पाइनीम।

भजन संग्रह 72:3

मोदेंशो ठीक पतीके तशा, डांडा नु पहाड ङा रूपुकी अन्‍न ग्रेल्‍ब दुम्‍मल।

हितोपदेस 3:25

शुश हिंचा ङा दुम्‍मेनु, महिनो। फश पवानु, परमप्रभु यावे आ अरेशो मटीबपुकी खतम दुम्‍मानु, गे महिनो।

यसैया 1:20

तन्‍न आं लोव़ मनेंतीनी नु मटीतीनी हना, तरवारम क्‍योरचा पुंइसीनीनी” दे परमप्रभु यावेमी देंत। लेवी २६:२५

यसैया 17:2

आरोएर ङा सहरपुकी प्रोंइसीशो दुम्‍शा, क्‍यारश भेडा योव़तीके दुम्‍ब। मेको काइ महिक्सीशो नाइक्‍तीक दुम्‍ब।

यसैया 22:25

मेको नाक्‍ती मुर नेल्‍ल आन परमप्रभु यावेमी “मेको सारो खपीम ग्रुक्‍शो किला हिम्‍पाइक्‍ब। मेको कली क्‍योरशा ताइक्‍नीम। मिनु आ पतीक अधिकार नेल्‍ल जाम्‍ब” दे परमप्रभु यावेमी देंत।

यसैया 26:16

परमप्रभु यावे, मेको मुरपुकीमी श्‍येत जशा, इन कली माल्‍तेक्‍म। इन गेशो सजाइ तशा, आइक्‍च सेंदाम इन कली पुंइतेक्‍म। होसे ५:१५

यसैया 32:17

ठीक पतीकेम थुं नाइक्‍चा गे‍ब। ठीक पतीके आ सित्‍तीके सिक्‍सी पा बाक्‍चा नु गेना हना यो थमा सुइक्‍चा बाक्‍ब।

यसैया 36:16

हिज्‍कीयाह आ लोव़ मनेनीन, मारदे हना अस्‍सुर ङा पिपमी इन कली “गो नु गारीन। मेकेर रे ग्रूशा आं बाक्‍तीके जाक्‍कीन। मो पाइतीनी हना, गे नेल्‍ल इन रू ङा अङगुर बोट नु इन फोव़शी रवा ताइनीनी। मिनु इन आंम कुवा ङा ब्‍वाक्‍कु तूचा ताइनीनी। १राजा ५:५; मीका ४:४

यसैया 40:5

मेना परमप्रभु यावे आ छेङछेङ ग्रूब। मेको मुर नेल्‍लेम ताइनीम। मारदे हना परमप्रभु यावेमी एको लोव़ देंशो बाक्‍ब” दे लोव़ पाप्‍तु।

यसैया 54:14

मिनु ठीक पतीकेमी इ कली बोल्‍यो सेल्‍ब। गे श्‍येत गेब आन क्‍येङा ङोन बाक्‍नेवे। मिनु गे काइ महिंनेवे। मारदे हना हिंचा ङा श्‍येत इ नेक्‍था मजाक्‍ब।

यसैया 58:14

गेपुकी परमप्रभु यावे कली मिम्‍शा ग्‍येरसीनी वा। मिनु गो इन माल्‍शो नेल्‍ल गेन्‍नी वा। मिनु गो इन किकी याकूब आ शोंप जचा गेनन्‍नी वा” दे परमप्रभु यावे आ देंशो बाक्‍ब।

येरमीया 23:4

गो मेको आन कली योव़ब गोठलापुकी वोइक्‍नुङमी। मिनु मेको आन कली योव़नीम। मेना भेडा महिंनीम। सुर्ता मपाइनीम। मेको आन दाते ङा का यो मजाम्‍नीम” दे परमप्रभु यावेमी देंत। येरमीया ३:१५

येरमीया 30:10

गे आं गेय पाइब याकूब महिनो। गे इस्राएल सुर्ता मपावो। गो इ कली ङोन रागी रे चाक्‍नुङ। इ आल आन कली ग्‍याइश्‍शा लाइश्‍शो रागी रे प्रोंइशा चाक्‍नुङ। याकूब कली लेंशा थुं नाइश्‍शा, हेम्‍मा पा बाक्‍तीक दुम्‍ब। मेको कली सुइम हिंच कोंइने मचाप्‍नीम। येरमीया ४६:२७; यसैया ४३:५-६

इजीकीएल 34:25

मेकोमी “गो मेकोपुकी नु थुं नाइश्‍शा बाक्‍तीक कबल का पाइनुङ। मिनु गो रागी कली ब्‍वाकी ङा जन्‍तु रे प्रोंइनुङ। मिनु मेकोपुकी महिंथु थुं नाइश्‍शा गोरशो रागी नु ब्‍वाकीम इप्‍चा ताइनीम। इजीकीएल ३७:२६; लेवी २६:६; होसे २:२०

इजीकीएल 34:28

मिनु रागी रागी ङा मुरपुकीमी मेको आन कली रोइक्‍ने मचाप्‍‍नीम। ब्‍वाकी ङा जन्‍तुपुकीम यो मेको आन कली मब्‍वाइनीम। मेकोपुकी रिम्‍शो बाक्‍नीमी। मिनु सुइम मेको आन कली महिंपाइक्‍नीम। येरमीया ३०:१०

इजीकीएल 38:11

मिनु गेम ‘गो गारो महिरशो सहर कली लडाइ तोइ‍नुङ। गो सिक्‍सी पा रिम्‍शो पा गारो महिरशो, ठेयब लाप्‍चो मपाइश्‍शो नु आग्‍लो मपाइश्‍शो सहरम बाक्‍ब मुर आन रागी कली लडाइ तोइनुङ।

इजीकीएल 39:26

मेकोपुकी रिम्‍शो पा महिंथु आन रागीम बाक्‍ची ना, आन मुने नु आं कली मरिम्‍शो पशो नेल्‍ल प्रेंनी‍म।

लेवी 26:6

मिनु गो रागी ङा मुर आन कली थुं नाइश्‍शा बाक्‍चा गेनुङ। मिनु गेपुकी गोल्‍शा निन्‍द्रा पाइनीनी। सुइमी इन कली हिंच मकोंइब। गो इन रागी रे हिंचा ङा जन्‍तु आन कली खेरनुङमी। इन रागीमी लडाइ मदुम्‍ब। इजीकीएल ३४:२५

मीका 5:3

मिनु परमप्रभु यावेमी इस्राएली आन कली काइ मकोव़ब। मिनु मीश मुरुमी आल थिवा नोले ला कोव़ब। मेना लीशो मुरपुकी इस्राएल ङा मुर नु गारशा, लेत्‍चा पुंइसीनीम। इजीकीएल ३४:२३

सेफन्‍याह 3:13

इस्राएल ङा लीशोपुकीमी लेंशा दूली मपाइनीम। मेकोपुकीमी जोल मपाइनीम। हेंथे लोव़ मपाइनीम। मेकोपुकी जशा तूशा गोल्‍शा बाक्‍नीम। सुइम मेको आन कली हिंच मकोंइ‍नीम।

जकरिया 3:10

मेको नाक्‍ती गे नेल्‍लेमी आंम आंमा ब्रेम्‍मुशा अङगुर नु फोव़शी आ पुंमी ग्‍येरशा ग्रुम्‍नीनी’ दे मुर नेल्‍ल आन परमप्रभु यावेमी देंत” देंत। १राजा ५:५; मीका ४:४