मीका 4:2 - Sunuwar Bible

² मिनु रागी रागी ङा मुरपुकी मेकेर जाक्‍शा, मेकोपुकीमी “जाक्‍कीन। गोपुकी परमप्रभु यावे आ डांडा लय। याकूब आ परमप्रभु आ खिं लय। मेकोम इं कली आ लां कोंइब। मिनु गोपुकी मेको आ लांम गाक्‍ने चाप्‍यल। मारदे हना शेंतीके सियोन रे नु परमप्रभु यावे आ लोव़ यरूसलेम रे ग्रूब” देंत। लूका २४:४७

मीका 4:2 ပူးပေါင်းရင်းမြစ်များ

भजन संग्रह 110:2

परमप्रभु यावेमी सियोन रे पा इन सक्ति ङा राज दन्‍ड दिंब। मिनु गे इन जोरी सत्रु आन कली सासन पने” देंत। भजन संग्रह २:६

भजन संग्रह 119:1

सु सु रिम्‍शो पाइनीमी नु दोस मताइब बाक्‍नीमी, मेको ग्‍येरसीशो मुर बाक्‍नीम। मारदे हना मेकोपुकीमी परमप्रभु यावे आ अरेशो टिशो बाक्‍नीम। भजन संग्रह ११२:१-२

भजन संग्रह 119:171

गे आं कली इन फुल्‍लुम मुशा, ब्रेक्‍शो लोव़ शेंताक्‍यीनी। मोपतीके गो इन कली ठेयब सेल्‍ना सेल्‍न बाक्‍नुङ।

भजन संग्रह 122:1

मेकोपुकीमी आं कली “परमप्रभु यावे आ खिं लय” देंतेक्‍म। मिनु गो ग्‍येरसाक्‍यी। भजन संग्रह २६:८; इजीकीएल ४८:३५

भजन संग्रह 25:12

सु सुमी परमप्रभु यावे कली मान पा हिंनीमी, मेको आन कली तेको लां लचा माल्‍नीमी, मेको शेंब।

यसैया 2:3

रागी रागी ङा शुश मुर जाक्‍शा “जाक्‍कीन, गोपुकी परमप्रभु यावे आ डांडा ङोइश्‍शा, याकूब आ परमप्रभु आ खिं लय। मेकोमी इं कली आ लां शेंब। मिनु गोपुकी मेको आ लांम गाक्‍नय। मारदे हना परमप्रभु यावे आ शेंशो सियोन डांडा रे नु आ लोव़ यरूसलेम रे नेंसीब” देंनीम। ब्‍यवस्‍था ४:६; यूहन्‍ना ४:२२

यसैया 54:13

मिनु परमप्रभु यावेमी इ तमी तौ नेल्‍ल आन कली शेंब। मेको आन थुं नाइश्‍शा हेम्‍मा पा बाक्‍चा ताइनीम। यूहन्‍ना ६:४५

यसैया 56:7

मेको नेल्‍ल आन कली आं योव़शो डांडाम चाक्नुङमी। आं प्रार्थना पतीक खिं ओंइशा, ग्‍येरपाइक्‍नुङमी। मेको आन चोशा चढ़ेशो नु अरु चढ़ेशो आं कली चढ़ेतीकेम ब्राइनुङ। मारदे हना आं खिं रागी ङा मुर नेल्‍ल आन कली प्रार्थना पतीक खिं देंनीम” देंत। मर्कूस ११:१७

येरमीया 31:6

मेना एफ्राइम पहाड ङा खाल पाइबपुकीम जाक्‍कीन, गोपुकी सियोनम बाक्‍ब परमप्रभु यावे, इं परमप्रभु आ बाक्‍तीक लय’ दे ब्रेत्‍तीक नाक्‍त जाक्‍ब” देंत।

येरमीया 42:3

मिनु परमप्रभु यावे, इन परमप्रभुम गो ते लचा माल्‍नीकी, मार पचा माल्‍नीकी, मेको कोंइदल, दे पुनीन” देंतेक्‍म।

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

जकरिया 14:16

मिनु यरूसलेम कली लडाइ तोइब रागी रागी ङा मुर आन दाते ङा सु सु ब्रोंइशा लीमा, मेकोपुकी बर्स बर्समी यरूसलेम लशा पिप नु मुर नेल्‍ल आन परमप्रभु यावे कली मान पा ठेयब सेल्‍चा माल्‍नीम। मेकोपुकीमी गोठ सेल्‍शा मानेतीक चाड मानेचा कली यरूसलेम लचा माल्‍नी‍म। जकरिया १४:९

जकरिया 2:11

मेको नाक्‍त शुश रागी ङा मुरपुकी परमप्रभु यावे नु गारचा कली जाक्‍‍नी‍म। मेको नाक्‍ती मेको आं मुर दुम्‍नी‍म। मिनु गो गे इन दातेमी बाक्‍नुङ। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍‍शो बाक्‍ब, दे तुइक्‍नी‍नी” दे परमप्रभु यावेमी देंत। यसैया ११:१०

जकरिया 9:10

गो एफ्राइम रे पा बग्‍गीपुकी नु यरूसलेम रे पा लडाइ पाइब शारा लाइक्‍नुङ। लडाइ पाइब आन लिब्रा जिक्‍ब। मेकोमी रागी रागी ङा मुर आन कली थुं नाइश्‍शा बाक्‍चा गेब। मेकोमी समुन्‍द्र का रे अर्को समुन्‍द्र सम्‍म नु युफ्रेटीस खोला रे रागी ङा सुर सम्‍म सासन पाइब। मीका ५:९

मर्कूस 16:20

मिनु येसु कली थमा सुइक्‍बपुकी लशा, ग्‍येरपाइक्‍ब लोव़ तेइ तेइ नेंपाइक्‍ना पाइक्‍न गाक्‍‍मा बाक्‍त। प्रभु यो मेकोपुकी नु काथा बाक्‍शा, चिन्‍ड कोंइना कोंइन मेको आन लोव़ थमा बाक्‍ब दें‍बाक्‍माक्‍त। प्रेरित १४:३; हिब्रू २:४

लूका 24:47

मिनु यरूसलेम रे पा रागी नेल्‍ल ङा मुर आन कली ‘गे इन थुं परमप्रभु यावे गे लेत्‍चा माल्‍नीनी। मिनु येसु ख्रीस्‍त आ नेंमी पाप क्‍याम्‍चा तांइसीब’ दे नेंपाइक्‍चा माल्‍ब” देंमाक्‍त। प्रेरित २:३८ प्रेरित १७:३०

यूहन्‍ना 6:45

मिनु परमप्रभु यावे आ लोव़ पाइब आन किताबमी ‘परमप्रभु यावेमी नेल्‍ल आन कली शेंब’ दे ब्रेक्‍शो बाक्‍त। तेकोमी आं आफ आ लोव़ नेंशा शेंसीबा, मेको आं गे पीब। यसैया ५४:१३

यूहन्‍ना 7:17

सु मुरुमी परमप्रभु यावे आ दाक्‍शो पाइबा, मेकोमी आं शेंतीके लोव़ परमप्रभु यावे के बाक्‍बा कों, आंम के बाक्‍बा, दे तुइक्‍ब।

प्रेरित 1:8

मार चहिं तुइक्‍चा माल्‍नीनी देंशा हना, परमप्रभु यावे आ सोक्‍त आ सक्ति ताइनीनी। सक्ति तशा यरूसलेम, यहूदीया, सामरीया नु रागी नेल्‍लेमी हिरशा, आं लोव़ शेंशा, आं सांकछी दुम्‍नीनी” दे माइक्‍मी बाक्‍त। लूका २४:४८; प्रेरित ८:१

प्रेरित 13:42

मिनु ग्रुम्‍तीक खिं रे ग्रूशा गाक्‍चाम्‍सेनु, आस लोव़ नेंबपुकीमी “मुल जाक्‍शो नाइक्‍तीक नाक्‍ती लेंशा शेंचा नकी” दे पुन्‍मे बाक्‍त।

रोमी 15:19

परमप्रभु यावे आ सोक्‍तीम गेशो सक्तिमी चिन्‍ड नु छक लाक्‍चा ङा गेय कोंइताक्‍ङमी। यरूसलेम सहर रे लशा, इल्‍लीरीकुम रागी सम्‍म जाक्‍दीश्‍शा, सहर सहर, गाउं गाउंमी ख्रीस्‍त आ ग्‍येरपाइक्‍ब लोव़ नेल्‍ल शेंना शेंन गाक्‍ती। मर्कूस १६:१७; २कोरिन्‍थी १२:१२

ब्‍यवस्‍था 6:1

मिनु मोसामी “परमप्रभु यावेमी इन कली माइश्‍शो फुल्‍लुम मुशा ब्रेक्‍शो लोव़ नु निसाफ पतीक लोव़ बाक्‍ब। मिनु गो इन कली शेंचा माल्‍नुङ, दे आं कली माइक्‍ती। गेपुकी मुल इन लशा, इन के सेल्‍चा चिक्‍शो रागीम बाक्‍नीनु, मेको पचा माल्‍नीनी।