मीका 4:10 - Sunuwar Bible

¹⁰ सियोन आ तमी, आल थितीक रोइ पशो मीश मुर खोदेंशो पा वाइ ब्रेश्‍शा ग्रीङो। मारदे हना मुल गे एको सहर प्रोंइचा माल्‍नेवे। मिनु खिं मबाक्‍तीकेमी बाक्‍तीक सेल्‍चा माल्‍नेवे। गे बेबीलोनम लचा माल्‍नेवे। मिनु मेकेर रे प्रोंइचा पुंइसीनेवे। मेकेर परमप्रभु यावेमी इ कली इ जोरी सत्रु आन गुइ रे प्रोंइब।

मीका 4:10 ပူးပေါင်းရင်းမြစ်များ

२ राजा 20:18

मेकोपुकीम इन तौ का निक्‍शी यो लाइक्‍नीम। मिनु मेकोपुकी बेबीलोन ङा पिप आ दरवारमी गेय पाइब दुम्‍नीम’ दे परमप्रभु यावे देंत” देंमाक्‍त। दानीएल १:३-४

२ राजा 25:4

मेना पिप नु लडाइ पाइब नेल्‍ल गारो होइश्‍शा, नाक्‍दो प्रोक्‍मा बाक्‍त। मेको पिप आ रू रे गारो निक्‍शी आस दाते ङा लाप्‍चो रे कल्‍दीपुकी सहर आ एर ओंथ बाक्‍तेक्‍म हना यो, प्रोक्‍मा बाक्‍त। मोपा मेकोपुकी अराबाह गे प्रोक्‍मा बाक्‍त।

२ इतिहास 33:11

मोपतीके परमप्रभु यावेम मेकोपुकी नु लडाइ पपाइक्‍चा कली अस्‍सुर ङा पिप आ लडाइ पाइब आन कप्‍तान आन कली चाक्‍मी बाक्‍त। मिनु मेकोपुकीम मनस्‍से कली ग्‍याइश्‍शा मेको आ शोव़म बोल्‍सी ब्‍वेक्‍तमे बाक्‍त। मिनु मेको कली कांसा के साङलोम पाइश्‍शा बेबीलोन लदमे बाक्‍त।

२ इतिहास 36:20

मिनु मेकोमी तरवार रे ब्रोंइशो नेल्‍ल आन कली फ्रेंशा बेबीलोन लदमे बाक्‍त। मिनु पारसी आ राज्‍य मजाक्‍म सम्‍म मेकोपुकीम, मेको ग्‍याइक्‍चा पुंइसीब आन तमी तौ आन कली वाइलीम वाइल सेल्‍मे बाक्‍त।

२ इतिहास 36:23

फारसी ङा पिप कोरेसम मार उरदी पपदा बाक्‍त। देंशा हना “परमप्रभु यावे, स्‍वर्ग ङा परमप्रभुम रागी ङा राज्‍य नेल्‍ल आं कली गेशो बाक्‍ब। मिनु मेकोमी आं कली यहूदा ङा यरूसलेमम आ कली खिं का सेल्‍चा कली अरेशो बाक्‍ब। इन दातेम बाक्‍शो मेको आ मुर बाक्‍‍तेक्‍म हना ‘परमप्रभु यावे, आ परमप्रभु मेको नु बाक्‍ल। मिनु मेको यरूसलेम लमल’ देंनुङ” देंमाक्‍त।

भजन संग्रह 106:10

मिनु मेको आन कली आन जोरी सत्रु आन गुइ रे प्रोंइशो बाक्‍त। मोपा आ प्रोंइशो मुर दुम्‍शो बाक्‍तेक्‍म।

यसैया 43:14

मिनु परमप्रभु यावे, इन कली पाप रे प्रोंइब, इस्राएली आन का ला बाक्‍शो परमप्रभुमी “इन पा ङा गो बेबीलोन सहर कली लडाइ पाइब सोइक्नुङ। मेको आन ठेयब लाप्‍चो ङा आग्‍लो जिक्‍नुङ। गो कल्‍दी आन ग्रीतीक कली रोंका पपाइक्‍नुङ।

यसैया 45:13

गो कोरेस कली ठीक पचा कली पोक्‍ता। गो मेको आ लां नेल्‍ल दिंम सेल्‍नुङ। मेकोमी आं सहर सेल्‍चा माल्‍ब। मिनु मेकोमी ग्‍याइश्‍शा लाइश्‍शो मुर आन कली प्रोंइब। मेकोम क्‍येट नु मारेइ कोसेली मताक्‍ब” दे मुर नेल्‍ल आन परमप्रभु यावेमी देंत। यसैया ४१:२

यसैया 48:20

‘बेबीलोन रे ग्रूङीन। कल्‍दी आन रागी रे प्रोक्‍कीन’ दे ठेयब सेंदा पा नेल्‍ल आन कली नेंपतीन। रागी ङा सुर सम्‍म नेंपतीन। गेपुकीमी ‘परमप्रभु यावेमी आ गेय पाइब याकूब कली पाप रे प्रोंइतु’ दे नेंपतीन” देंत। येरमीया ५१:६; प्रकाश १८:४

येरमीया 13:4

“बोक्‍को, इ ग्‍याप्‍शा पांइसीशो धोती कुरशा मुल युफ्रेटीस लावो। मिनु सेरथे फुल्‍लु आ आगाम बाक्‍शो जेश्‍शो फुल्‍लुम मेको ख्रुइश्‍शा वोतो” दे माइक्‍ती।

येरमीया 15:21

गो इ कली आं अरेशो मटीब आन गुइ रे प्रोंइनन। मिनु शिशी मपाइक्‍ब आन गुइ रे यो प्रोंइनन” दे परमप्रभु यावेमी देंत।

येरमीया 29:20

मोपतीके गे यरूसलेम रे बेबीलोनम सोइश्‍शो ग्‍याइश्‍शा लाइक्‍चा पुंइसीशो मुल परमप्रभु यावे आ लोव़ नेनीन।

येरमीया 4:31

गो सुत्‍केरी रोइ पशो मीश मुर आ सेंदा खोदेंशो नेंता। मेको ङोंइती ङा आल थिचा चिक्‍शो मीश मुर आ सेंदा खोदेंशो बाक्‍त। सियोन आ तमीमी आ गुइ दिंशा आ सास कीशा ‘आबी, आं कली साइक्‍ब आन ङोंइती थाइनुङ’ देंत” दे परमप्रभु देंत।

येरमीया 48:41

केरयोथ नु अरु सहर ब्रुइनीम। आन जोरी सत्रुमी मेको आन हिरशो सहर आन के सेल्‍नीम। मेको नाक्‍ती मोआब ङा लडाइ पाइब आन थुं सुत्‍केरी रोइ प‍शो मीश मुर आन थुं खोदेंशो दुम्‍नीम।

येरमीया 52:27

मिनु बेबीलोन ङा पिपम मेको आन कली हमाथ रागी रिब्‍ला सहरम साइक्‍तु। मोपा मेकोपुकी यहूदा आ रागी रे ग्‍याइश्‍शा लाइक्‍चा पुंइसाक्‍म।

होसे 1:10

इस्राएलीपुकी समुन्‍द्र ङा बाल्‍वा खोदेंशो पा शुश दुम्‍नीम। मिनु सुइमी मेको आन कली पुक्‍ने नु हिक्‍ने मचाप्‍नीम। ते मेको आन कली ‘गेपुकी आं मुर मननी’ देंशो बाक्‍मे मेकेर मेको आन कली ‘गेना हना यो ब्रोंइशा बाक्‍ब परमप्रभु आ मुर’ देंनीम। उत्‍पत्ती २२:१७; रोमी ९:२६

होसे 13:13

मीश मुर आल थितीक रोइ पशो खोदेंशो पा मेको कली श्‍येत दुम्‍ब। तन्‍न मेको मारेइ यो मतुइक्‍ब आल खोदेंशो बाक्‍ब। मेको दूली पा जरमेशो बाक्‍ब।

होसे 2:14

मोपतीके मुल गो मेको कली लेम्‍शा, गोरशो रागीमी लाइक्‍नुङ। मिनु मेको नु आ दाक्‍शो लोव़ पाइनुङ। यसैया ४०:२

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

मीका 5:3

मिनु परमप्रभु यावेमी इस्राएली आन कली काइ मकोव़ब। मिनु मीश मुरुमी आल थिवा नोले ला कोव़ब। मेना लीशो मुरपुकी इस्राएल ङा मुर नु गारशा, लेत्‍चा पुंइसीनीम। इजीकीएल ३४:२३

प्रकाश 12:14

मिनु मेको मीश मुरुमी ठेयब ककाकुली आ फ्रां निक्‍शी ताक्‍तु। मारदे ताक्‍तु देंशा हना, मेको ठेयब बुस्‍स रे ब्रोंइशा, गोरशो रागीमी बेरशा, प्रोक्‍चा कली ताक्‍तु। मेको गोरशो रागीमी परमप्रभु यावेमी आ दाक्‍ची ना सम्‍म मेकेर थुल्‍शो बाक्‍त।