मीका 3:8 - Sunuwar Bible

⁸ तन्‍न गो सक्ति पाइश्‍शो बाक्‍नुङ। गो परमप्रभु यावे आ सोक्‍ती, ठीक निसाफ पतीके नु आ सक्तिम ब्रीशो बाक्‍नुङ। गो याकूब आ हेंथे पशो नु इस्राएल ङा मुर आन पाप शेंचा कली मोदेंशो दुम्‍शो बाक्‍नुङ। यसैया ५८:१

मीका 3:8 ပူးပေါင်းရင်းမြစ်များ

अय्‍युब 32:18

मारदे हना गो शुश लोव़ पचा माल्‍शो बाक्‍नुङ। आं आगा ङा सोक्‍तीमी आं कली लोव़ पपाइक्‍ब।

यसैया 58:1

मिनु परमप्रभु यावेमी “ठेयब सेंदा पा ग्रीङो। तुराही खोदेंशो पा ठेयब सेंदा पावो। आं मुर आन काइ मटिशो नु याकूब आ खिं ङा मुर आन पाप तुइक्‍पाइक्‍मी। मीका ३:८

यसैया 61:1

“परमप्रभु, परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, थुं जिक्‍शो आन कली आन थुं बारपाइक्‍चा कली, चोक्‍चा पुंइसीशो मुर आन कली प्रोंइ‍चा कली नु जेल्‍खान बाक्‍ब आन कली ग्रुंइचा कली सोइक्‍ताक्‍यी। यसैया १:२; मत्ती ११:५; लूका ४:१८-१९

यसैया 61:2

मिनु आं कली परमप्रभु यावे आ शिशी पाइब बर्स नु आंइ परमप्रभु आ क्‍येक्‍क लेत्‍तीक नाक्‍त नु रोंका पाइब आन थुं बारपाइक्‍तीक नाक्‍त बाक्‍ब, दे तुइक्‍पाइक्‍चा कली यो सोइक्‍ताक्‍यी। लेवी २५:१०,१३; यसैया ६३:४

येरमीया 1:18

मुलाक्‍ती गो इ कली गारो हिरशो बोल्‍यो सहर, फलाम के थाम नु कांसा के थरपु खोदेंशो सेल्‍तन। मोपा गे यहूदा ङा पिपी, हुकुम पाइबपुकी, चढ़ेबपुकी नु रागी ङा मुर नेल्‍ले आन मरिम्‍शो पशो आ पर्बम लोव़ पने चाप्‍नेवे। येरमीया १५:२०; इजीकीएल ३:८-९

येरमीया 20:9

गो मेको आ पर्बम लोव़ मपाइनुङ। आ नें थिशा लेंशा लोव़ मपाइनुङ देंती हना यो, आ थुंमी ब्रशो मी खोदेंशो दुम्‍त। आं रुशपुकीम तेक्‍शा वोदुनु, मी खोदेंशो दुम्‍त। गो मेको कली तेक्‍शा दती। गो थमा पा, मेको कली तेक्‍ने मचाप्‍नुङ। १कोरिन्‍थी ९:१६

येरमीया 6:11

तन्‍न गो परमप्रभु यावे आ गाइक्‍तीकेम ब्रीशो बाक्‍नुङ। गो मेको हेरा तेक्‍‍ने मचाप्‍नुङ। मिनु मेकोमी “मेको लां मेर गाक्‍ब आल आन तार मोतो। बुक्‍शा बाक्‍शो ठिटा आन तार मोतो। मीश वोंइश निम्‍फा लाइक्‍चा पुंइसीनीस। खाल्‍पा नु खूशो लाइक्‍चा पुंइसीनीम।

बिलाप 2:14

इ परमप्रभु यावे आ लोव़ पाइब आन लोव़ नेल्‍ल जोल नु शोर गाक्‍शो बाक्‍तेक्‍म। मेकोपुकीमी इ कली रिम्‍शो दुम्‍ल, दे इ मरिम्‍शो पशो आ पर्बम लोव़ मपाम। तन्‍न मेकोपुकीमी इ पर्बम पशो लोव़ नेल्‍ल जोल नु दूली लां कोंइब बाक्‍त। येरमीया १४:१४-१६; येरमीया २३:१६-२२

इजीकीएल 16:2

मार लोव़ पाप्‍तु देंशा हना “ए मुर, यरूसलेम कली मूर्ति पूजा पचा मदुम्‍ब, दे तुइक्‍पतो।

इजीकीएल 20:4

ए मुर, गे मेको आन कली निसाफ पाइनेवे? गे मेको आन कली निसाफ पाइनेवे? मो हना मेको आन किकी पिपी आन ग्रांग्रा दिशो गेय आन पर्बम मेको आन कली तुइक्‍पतो। इजीकीएल २२:२; इजीकीएल २३:३६

इजीकीएल 22:2

मार लोव़ पाप्‍तु देंशा हना “ए मुर, मार गे मेको निसाफ पाइनेवे? गे मेको हुश ख्राक्‍श पोक्‍ब सहर कली निसाफ पाइनेवे? मो हना मेको आ ग्रांग्रा दिशो गेय नेल्‍ल आन पर्बम मेको कली शेंदो। इजीकीएल २४:६; इजीकीएल २०:४

इजीकीएल 23:36

मिनु परमप्रभु यावेमी आं कली “ए मुर, गे ओहोला नु ओहोलीबा आस कली निसाफ पाइनेवे? मो हना मेको निक्‍शी आस पशो ग्रांग्रा दिशो गेय आन पर्बम मेको आस कली तुइक्‍पतो। इजीकीएल २०:४ इजीकीएल २०:४

इजीकीएल 3:14

मिनु सोक्‍तीम आं कली क्‍युक्‍शा लाइक्‍ती। मिनु गो कशो थुं दुम्‍शा, गाइश्‍शा लती। मेना परमप्रभु यावे आ बोल्‍यो गुइम आं कली दिप्‍ती।

इजीकीएल 43:10

ए मुर, इस्राएल आ खिं ङा मुर आन कली आं खिं आ पर्बम शेंदीमी। मिनु मेको दोपा सेल्‍सीशो बाक्‍मे, मेको पुक्‍पतो। मिनु मेको आन मरिम्‍शो पशो आ पर्बम मुने दोक्‍मल। इजीकीएल ३६:३२

मत्ती 7:29

मारदे हना सास्‍त्रीपुकीमी शेंशो खोदेंशो ममाइ, तन्‍न सक्ति पाइश्‍शो मुर बुदी शेंदा बाक्‍त। यूहन्‍ना ७:१६-४६

मर्कूस 3:17

जब्‍दी आ तौ याकूब नु आ लोक्‍ब यूहन्‍ना, मेको आस कली बोअनेरगेस नें वोदा बाक्‍त। बोअनेरगेस देंशो “बुंबु आ तौ नस” दे रुम्‍सीब। लूका ९:५४

१ कोरिन्‍थी 2:4

मुर आन कली जोक्‍तीक तुइक्‍तीक कोंइशा, ठेयब लोव़ मपङ। तन्‍न परमप्रभु यावे आ सोक्‍तीम कोंइशो सक्ति रे पा शेंताक्‍न्‍नी। मत्ती १०:२०