मीका 3:6 - Sunuwar Bible

⁶ मोपतीके इन कली मारेइ मततीक नाक्‍दो दुम्‍ब। परमप्रभु रे मारेइ मतुइक्‍चा ङा पा छिङछिङ दुम्‍नीनी। आं लोव़ पाइब आन कली नां रिक्‍ब। मिनु नाक्‍त मेको आन कली छिङछिङ दुम्‍ब।

मीका 3:6 ပူးပေါင်းရင်းမြစ်များ

भजन संग्रह 74:9

गोपुकीमी मारेइ छक लाक्‍चा ङा गेय मतक। मुल परमप्रभु आ लोव़ पाइब सुइ मलीम। गेना सम्‍म एको ओदेंशो दुम्‍बा, गो सुइम मतुइक्‍नीकी।

यसैया 29:10

मारदे हना परमप्रभु यावेमी इन तार शुश निन्‍द्रा पपाइक्‍ब सोक्‍ती मोइश्‍शो बाक्‍ब। मेकोमी गे परमप्रभु यावे आ लोव़ पाइब इन कली मिक्‍च मताइब सेल्‍तु। मिनु इन पिया सुम्‍तु।

यसैया 59:10

मिक्‍च मताइब खोदेंशो पा गारो सुल्‍शा गाक्‍नीकी। मिक्‍च मपाइश्‍शो मुर खोदेंशो पा सुल्‍‍नीकी। नाक्‍दो खोदेंशो पा नाक्‍ती यो दाइल पांइ‍सीनीकी। गो बोल्‍यो मुर आन दातेम बेक्‍शो मुर खोदेंशो दुम्‍तक। ब्‍यवस्‍था २८:२९

येरमीया 13:16

मिनु “गे परमप्रभु यावे, इन परमप्रभुम छिङछिङ चाक्‍चा क्‍येङा ङोंइती मेको कली ‘ठेयब सेलीन’। नां रिक्‍चा क्‍‍येङा ङोंइती डांडा मेर इन खोइल दाइल पाइक्‍चा क्‍येङा ङोंइती मेको कली ‘परमप्रभु यावे ठेयब बाक्‍ब’ देनीन। गे हाम्‍सो आस पाइनीनी, तन्‍न मेकोमी छिङछिङ सेल्‍शा थम क्‍येर सेल्‍ब।

येरमीया 15:9

मिनु ७ जना बेक्‍शो तौ आन ममा थत। नाक्‍ती बाक्‍ना बाक्‍न मेको आ नां लाक्‍तु। मिनु मेको मुने दोक्‍शा शुक्‍शी पाइक्‍चा पुंइसाक्‍व। मेको क्‍येङा यो ब्रोंइशो आन कली आन जोरी सत्रुम तरवारम क्‍योरपाइश्‍शा, साइक्‍पाइक्‍नुङमी” दे परमप्रभु यावेम देंत। आमोस ८:९

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

इजीकीएल 13:9

‘मेको दूली पा कोंइतीक लोव़ पाइब आन पर्बम नु जोल पा लिंक्‍‍यु कोव़ब आन पर्बम, गो आं गुइ इन गे क्‍युक्‍नुङ। मेकोपुकी आं मुर आन दातेमी बाक्‍चा मताइनीम। मेको आन नें इस्राएली आन खिं ङा मुर आन नें ब्रेक्‍तीकेम ब्रेक्‍चा मताइनीम। मेकोपुकी इस्राएल रागीम ओव़चा मताइनीम। मिनु गेपुकीम गोन परमप्रभु यावे नङ, दे तुइक्‍नीनी, देंशो बाक्‍ब’ दे माइक्‍मी” देंत। इजीकीएल १४:९

इजीकीएल 7:26

हिंचा ङा श्‍येत क्‍येङा हिंचा ङा श्‍येत जाक्‍ब। हिंचा ङा लोव़ क्‍येङा हिंचा ङा लोव़ नेंसीब। मेकोपुकीम परमप्रभु यावे आ लोव़ पाइबपुकी रे ‘मुल मार दुम्‍बा’ दे तुइक्‍चा माल्‍नीम। चढ़ेबपुकीमी मुर आन कली मशेंनीम। खाल्‍पा आन अर्ती गेतीक जाम्‍शा लने थुम्‍शो बाक्‍ब।

आमोस 8:11

मिनु परमप्रभु यावेमी “गोम अन्‍काल सोइक्‍ची ना, थमा पा श्‍येत जतीक नाक्‍त जाक्‍ब। मेको अन्‍काल जचा नु तूचा के अन्‍काल ममाइ, तन्‍न परमप्रभु यावे आ लोव़ नेंतीक अन्‍काल बाक्‍ब। १सामुएल ३:१

मीका 2:6

मेकोपुकीम “परमप्रभु यावे आ लोव़ मपने” देंनीम। तन्‍न लोव़ पाइनीम। मिनु मेकोपुकीमी “मोदेंशो श्‍‍येत आंइ कली मदुम्‍ब” देंनीम। आमोस ७:१६