मीका 3:12 - Sunuwar Bible

¹² मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८

मीका 3:12 ပူးပေါင်းရင်းမြစ်များ

भजन संग्रह 107:34

मेकोमी ग्रेल्‍ब रू कली हिक्‍सी रू सेल्‍ब। मारदे हना मेकेर बाक्‍ब मुर आ अरेशो मटीब बाक्‍नीम। उत्‍पत्ती १९:२४-२५

भजन संग्रह 79:1

परमप्रभु, रागी रागी ङा मुरपुकी इन योव़शो रागीम जाक्‍तेक्‍म। मेकोपुकीमी इन खिं कली ग्रांग्रा दिशो सेल्‍तेक्‍म। यरूसलेम कली प्रेश्‍शा, फुल्‍लु देल्‍शो खोदेंशो सेल्‍तेक्‍म।

यसैया 32:14

मारदे हना दरवार ङा मुर नेल्‍ल प्रोक्‍नीम। शुश मुर बाक्‍शो सहर श्‍येत्‍थ दुम्‍ब। ओफेल माइश्‍शो ग्‍येत्‍थ लुक्‍च गाक्‍तीक लां नु मेकेर खाल पाइब मुर आन बाक्‍तीक गेना हना यो पुक्‍खी दुम्‍नीम। मेकेर ब्‍वाकी ङा गधा ग्‍येरसीशा बाक्‍नीम। मिनु क्‍यारश भेडा आन जोतीक दुम्‍ब।

येरमीया 17:3

मेको डांडा तार नु रूम बाक्‍तेक्‍म। मिनु इन रागी ङा शोंप नु इन रिम्‍शो मारेइ मारेइ थोव़क नेल्‍ल इन पाप पतीकेम रोइक्‍पाइक्‍नुङ। येरमीया १५:१३

येरमीया 22:5

तन्‍न गेपुकीम एको आं लोव़ मपाइतीनी हना, परमप्रभु यावेम “गो आं नेंमी कसम जशा, एको दरवार क्‍याम्‍नुङ” दे मतो’ ” देंत। १राजा ९:८

येरमीया 22:6

मारदे हना यहूदा ङा पिप आ दरवार आ पर्बम परमप्रभु यावेमी “गे आं कली गिलाद नु लेबानोन ङा डांडा खोदेंशो बाक्‍नेवे। गो इ कली गोरशो रागी नु मुर मबाक्‍शो सहर खोदेंशो सेल्‍नुङ, दे कसम जाता।

येरमीया 26:18

“यहूदा ङा पिप हिज्‍कीयाह आ पालाम मोरेशेथ ङा मीकाहम परमप्रभु यावे आ लोव़ पशो बाक्‍त। मेकोमी यहूदा ङा मुर नेल्‍ल आन कली ‘मुर नेल्‍ल आन परमप्रभु यावेम सियोन कली रू खोदेंशो पा वाक्‍सीब। यरूसलेम चहिं फुल्‍लु तेल्‍शो खोदेंशो दुम्‍ब। परमप्रभु यावे आ खिं चहिं रवापुकी वाशा सुम्‍शो डांडा खोदेंशो दुम्‍ब’ देंशो बाक्‍त” देंतेक्‍म। मीका १:१; मीका ३:१२; येरमीया ९:१०

येरमीया 35:17

मोपतीके मुर नेल्‍ल आन परमप्रभु यावे, इस्राएली आन परमप्रभुमी “नेनीन, गो यहूदा नु यरूसलेमम बाक्‍ब मुर आन कली आं देंशो ठेयब श्‍येत नेल्‍ल चाक्‍‍नुङ। मारदे हना गो मेको आन कली लोव़ पाता, तन्‍न मेकोपुकीमी मनेनेम। गो मेको आन कली ब्रेत्‍ताक्‍ङमी, तन्‍न मेकोपुकीमी लोव़ मलेत्‍तीमी” देंत। येरमीया ७:१३-१५

येरमीया 44:2

मुर नेल्‍ल आन परमप्रभु यावे, इस्राएली आन परमप्रभुमी मार लोव़ पाप्‍तु देंशा हना “गो यरूसलेम नु यहूदा ङा सहर नेल्‍ल आन कली शुश श्‍येत गेता। गेपुकीमी मेको आंमा ताइतीनी। मेको सहर कोव़ङीन। मुर मबाक्‍तीके श्येत्‍थ दुम्‍शो बाक्‍नीम।

येरमीया 52:13

मिनु मेकोमी परमप्रभु यावे आ खिं, पिप आ दरवार नु यरूसलेम ङा खिं नेल्‍लेम मी सुइक्‍ताक्‍व। मेकोमी ठेयब खिं नेल्‍लेम मी सुइक्‍ताक्‍व।

येरमीया 9:10

गे डांडा आन पर्बम ङाक्‍शा रोंका पने। मिनु गोरशो रागी ङा योव़तीक आन पर्बम बिलाना पने। मेको गोरशो सेल्‍शो बाक्‍नीम। मेकेर सुइ मगाक्‍नीम। मिनु मेकेर बी ब्‍यफ क्‍‍यारश भेडा आन ग्रीशो मनेंसीब। सरीङ ङा चिक्‍ब नु जन्‍तु नेल्‍ल प्रोक्‍शा लाम्‍तेक्‍म। येरमीया ४:२५; येरमीया १२:४

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

बिलाप 5:18

सियोन डांडाम श्‍येत दुम्‍त। मेको सिवार आन बाक्‍तीके दुम्‍त।

मीका 1:6

मोपतीके गो सामरीया कली फुल्‍लु तेल्‍तीक सेल्‍नुङ। मेको अङगुर ख्रुम्‍तीक रू दुम्‍ने चाप्‍ब। गो मेकेर ङा फुल्‍लु दिंमम ताइक्‍नुङ। मिनु मेको आ खिं प्रेश्‍शा, आ जग ग्रुंइनुङ। १राजा १६:२४; होसे १४:१

मत्ती 24:2

मिनु येसुमी “मुल ओमो ठेयब नु दारपा सेल्‍शो ताइतीनी। नोफा दाइश्‍शा नेनीने, नोले ब्रेश्‍शा, फुल्‍लु का यो ख्रोप्‍शा मलीब” देंत। लूका १९:४४