मीका 2:6 - Sunuwar Bible

⁶ मेकोपुकीम “परमप्रभु यावे आ लोव़ मपने” देंनीम। तन्‍न लोव़ पाइनीम। मिनु मेकोपुकीमी “मोदेंशो श्‍‍येत आंइ कली मदुम्‍ब” देंनीम। आमोस ७:१६

मीका 2:6 ပူးပေါင်းရင်းမြစ်များ

भजन संग्रह 74:9

गोपुकीमी मारेइ छक लाक्‍चा ङा गेय मतक। मुल परमप्रभु आ लोव़ पाइब सुइ मलीम। गेना सम्‍म एको ओदेंशो दुम्‍बा, गो सुइम मतुइक्‍नीकी।

यसैया 29:10

मारदे हना परमप्रभु यावेमी इन तार शुश निन्‍द्रा पपाइक्‍ब सोक्‍ती मोइश्‍शो बाक्‍ब। मेकोमी गे परमप्रभु यावे आ लोव़ पाइब इन कली मिक्‍च मताइब सेल्‍तु। मिनु इन पिया सुम्‍तु।

यसैया 30:10

मेकोपुकीमी नोले दुम्‍ब लोव़ ताइब आन कली ‘मतने। मकोव़ङीन’ देंनीम। मिनु परमप्रभु यावे आ लोव़ पाइब आन कली ‘ठीक पचा आ पर्बम आंइ कली लोव़ मपने। जोल पा हना यो, आंइ दाक्‍शो लोव़ ला पने। आमोस २:१२

इजीकीएल 20:46

मार लोव़ पाप्‍तु देंशा हना “ए मुर, दक्‍खिन गे कोव़शा दक्‍खिन आ पर्बम आं लोव़ पावो। मेको दक्‍खिन नेगेब ङा ब्‍वाकी आ पर्बम आं लोव़ पावो।

इजीकीएल 21:2

मार लोव़ पाप्‍तु देंशा हना “ए मुर, यरूसलेम गे कोव़शा, आं बाक्‍तीक आ पर्बम आं लोव़ पावो। इस्राएल रागी आ पर्बम आं लोव़ पावो।

इजीकीएल 3:26

मिनु गो इ लें इ कुंकुम खोक्‍पाइक्‍नुङ। मिनु गे मब्‍वाक्‍ब दुम्‍शा, मेको आन कली हुइक्‍ने मचाप्‍नेवे। मारदे हना मेकोपुकी मटीब आन खिं ङा मुर बाक्‍नीम।

आमोस 2:12

मिनु परमप्रभु यावेमी “तन्‍न गे मेको नाजिरी दुम्‍शो मुर आन कली अङगुर शांबु तूपाइक्‍तीनी। आं लोव़ पाइब आन कली ‘परमप्रभु यावे आ लोव़ मपने’ दे माइक्‍तीनी। आमोस ७:१३,१६; येरमीया ११:२१

आमोस 7:13

बेथेलमी लेंशा गेनायो परमप्रभु यावे आ लोव़ मपावो। मारदे हना मेको पिप आ देवी देवता थान नु राज्‍य ङा पूजा पतीके बाक्‍ब” देंत। १राजा १२:२८-२९

आमोस 7:16

मोपतीके मुल परमप्रभु यावे आ लोव़ नेनीन। गे आं कली ‘इस्राएल आ पर्बम परमप्रभु यावे आ लोव़ मपावो। मिनु इसहाक आ खिं ङा मुर आन पर्बम लोव़ मपावो’ देंतीनी। आमोस २:१२

मीका 3:6

मोपतीके इन कली मारेइ मततीक नाक्‍दो दुम्‍ब। परमप्रभु रे मारेइ मतुइक्‍चा ङा पा छिङछिङ दुम्‍नीनी। आं लोव़ पाइब आन कली नां रिक्‍ब। मिनु नाक्‍त मेको आन कली छिङछिङ दुम्‍ब।

मीका 6:16

गे ओम्री आ अरेशो लोव़ पाप्‍तीवी। मिनु आहाब आ खिं ङा मुर आन पशो नेल्‍ल पाप्‍तीवी। मिनु मेको आन गेशो अर्ती टिप्‍तीवी। मोपतीके गो इ कली खतम पोक्‍नुङ। मिनु इ मुर आन कली शुक्‍शी पतीक सेल्‍नुङ। गे आं मुर आन गाइश्‍शो ताइनेवे” दे ब्रेन्‍न ब्रेन्‍न बाक्‍ब। १राजा १६:२९-३३

प्रेरित 4:17

तन्‍न मोदेंशो लेंशा मदुम्‍ल, दे मेको आस कली मार पचा देंशा हना, मुल ङा मेरे येसु आ नें सुइ कली मतुइक्‍पाइक्‍चा नमी, आ नें ब्रशा सुइ कली मसापाइक्‍चा नम, दे माइक्‍चा नसी” दे सल्‍ला पामे बाक्‍त।

प्रेरित 5:28

मिनु ठेयब चढ़ेबमी “येसु आ नें मशेंचा, मुर आन कली मतुइक्‍पाइक्‍चा देंतक। गेपुकीमी चहिं यरूसलेम नेल्‍ल मेको लोव़ फ्रनी बाक्‍त। लोव़ फ्रशो ला ममाइ। मेको येसु कली गोपुकीमी साइश्‍शो, दे आंइ कली दोस गेनी बाक्‍त” दे हुइक्‍तीमी बाक्‍त। प्रेरित ४:१८; मत्ती २७:२५

प्रेरित 5:40

मिनु गमालीएल आ लोव़ नेंशा, बिस्‍समा बाक्‍त। मिनु लाङगाम सोइश्‍शो आन कली खिं गा ब्रेश्‍शा, का का पा युक्‍पदमे बाक्‍त। मिनु “मुल ङा मेरे येसु आ नेंमी शेंशा मगाक्‍कीने” दे प्रोंइशा सोइक्‍तमे बाक्‍त। मत्ती १०:१७

प्रेरित 7:51

“ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९