मीका 2:2 - Sunuwar Bible

² मेकोपुकीम रिम्‍शो रू तशा वाल्‍शा, रोइक्‍नीम। रिम्‍शो खिं रोइक्‍नीम। मोपा मेकोपुकीमी मुर आन खिं नु आन थेरशो रू आंम के सेल्‍नीम। ब्‍यवस्‍था ५:२१; हितोपदेस २४:१५; यसैया ५:८

मीका 2:2 ပူးပေါင်းရင်းမြစ်များ

१ राजा 21:1

इच्‍का नाक्‍त नोले मार दुम्‍माक्‍त देंशा हना, येज्रेल सहर ङा नाबोथ माइश्‍शो मुर का बाक्‍माक्‍त। मेको के अङगुर रू का बाक्‍माक्‍त। मेको अङगुर रू येज्रेल सहर सामरीया ङा पिप आहाब आ दरवार आ नेक्‍था बाक्‍माक्‍त।

२ राजा 9:26

परमप्रभु यावेमी ‘गो सिनाक्‍ती नाबोथ नु मेको आ आल आन हुश ताता। मिनु गो थमा पा इ कली एको रूमी क्‍येक्‍क लेत्‍नुङ’ देंशो बाक्‍त। मोपतीके मेरे कली पोक्‍शा परमप्रभु यावे आ देंशो खोदेंशो पा मेको रूमीन ताइक्‍तो” दे मदा बाक्‍त।

अय्‍युब 31:38

आं रू आं कली दोस गेशा ग्रीशो बाक्‍त हना, मेकेर ङा खप नेल्‍ल ङाक्‍शो नम हना,

प्रस्‍थान 20:17

इन नेक्‍था बाक्‍ब मुर आ खिं, आ मीश आ वाइलीम वाइल, आ बी ब्‍यफ नु आ गधा, मेको के मार बाक्‍त हना यो, मेको तशा मबाल्‍दीन। एको परमप्रभु यावे आ अरेशो लोव़ बाक्‍ब” दे मोसामी इस्राएली आन कली देंत। रोमी ७:७; रोमी १३:९

यसैया 3:14

मिनु परमप्रभु यावेमी आ मुर आन दाते ङा खाल्‍पापुकी नु हुकुम पाइब आन कली निसाफ पाइब। मेकोमी “गे अङगुर रू नेल्‍ल आंम के सेल्‍तीनी। प्रुङग आन के रोइश्‍शो मार मार इन खिंम बाक्‍नीम। यसैया ५:७

यसैया 5:8

आबी, गे शुश खिं नु रू ग्‍याप्‍ब। नोले सुइ मुर इ नेक्‍था मबाक्‍नीम। मारदे हना रू नु खिं नेल्‍ल इ के बाक्‍नीम। ब्‍यवस्‍था ५:२१

येरमीया 22:17

तन्‍न इ मिक्‍च नु इ थुंम ठीक पा मचेम्‍शो क्‍येट ला बाक्‍ब। गे दोस मताइब आन हुश शाइक्‍पाइक्‍नेवे। गे मुर आन कली दिप्‍शा हुश ख्राक्‍श पोक्‍नेवे। मरिम्‍शो पचा नु रोइक्‍चा ला दाक्‍नेवे।

इजीकीएल 18:12

प्रुङग नु मारेइ मथीब आन कली दिप्‍ब, मुर आन मार मार रोइक्‍ब। जाकटी वोइश्‍शो थोव़क मलेप्‍ब, मूर्ति आन कली पूजा पाइब नु ग्रांग्रा दिशो गेय पाइब।

इजीकीएल 22:12

मेकेर मुरपुकीम मुर साइक्‍चा कली घूस ताक्‍नीम। गे मुर आन कली जेर गेशा आ चाइक्‍ब के यो चाइक्‍ब ताक्‍नेवे। आंम नेक्‍था ङा मुर आन कली दिप्‍शा आंम कली रिम्‍शो दुम्‍तीक गेय पाइनेवे। गे आं कली प्रेंताक्‍यी” ’ दे परमप्रभु, परमप्रभु यावेमी” देंत। प्रस्‍थान २२:२४

इजीकीएल 22:13

मिनु मेकोमी “गे जोल पा मरिम्‍शो पा क्‍येट चेम्‍शो तशा नु इ दातेम मुर साइश्‍शा हुश ख्राक्‍श पोक्‍शो आ पर्बम गो छक लाक्‍शा थाम्‍पा ग्रांग्रा दीती।

इजीकीएल 33:26

गे इन तरवार कली थमा सुइक्‍नीनी। गेपुकीम मूर्ति पूजा पाइनीनी। गे नेल्‍लेम इन नेक्‍था ङा मुर आन मीश कली ग्रांग्रा दिशो सेल्‍नीनी। मिनु मार, एको रागी इन के दुम्‍बा ङा?’ देनो” देंत। इजीकीएल ११:१४-२१

इजीकीएल 45:9

मिनु परमप्रभु, परमप्रभु यावेमी “ए इस्राएल ङा सासन पाइबपुकी। गेपुकीम हुश ख्राक्‍श पोक्‍तीनी। दिप्‍चा प्रोनीन। गेपुकीम थम रिम्‍शो नु ठीक गेय पने। आं मुर आन कली आन खिं रू रे मखेरीन। १राजा १२:४,११; १राजा २१; येरमीया २१:११-१२; मीका ३:१-३

इजीकीएल 46:18

सासन पाइबमी मुर आन थेरशो रू रे ग्रुंइशा आ शोंप सेल्‍‍ने मचाप्‍ब। मेकोम आ तौ आन कली रू गेचा दाक्‍ब हना, आ शोंप रे गेचा माल्‍ब। मोपा सुइ आं मुर रू रोइक्‍चा मपुंइसीनीम” देंत। इजीकीएल ४५:८-९

इजीकीएल 8:17

मिनु मेकोम आं कली “ए मुर, गे मेको तवी? मार, यहूदा आ खिं ङा मुर आन ग्रांग्रा दिशो गेय एकेर पचा माल्‍नीमी? मार, मेकोपुकीम रागी कली हुश ख्राक्‍श पोक्‍तीकेम प्रिंशा, आं कली मेको क्‍येङा गाइक्‍पाइक्‍चा माल्‍नीमी? कोव़ङो, मेको आन नेंम राशी वोइक्‍नीम। आन नेंम राशी वोइक्‍तीके थम मरिम्‍शो पतीके बाक्‍ब।

आमोस 2:7

मिनु प्रुङग आन पिया फुरकुम खोल्‍शा दिम्‍नीम। श्‍येत जाइब आन कली नेप्‍शा ग्रुंइनीम। पोबु निम्‍फा मीश आल का नु बाक्‍शा, आं नें ग्रांग्रा दिशो सेल्‍नीम। आमोस ८:४

आमोस 4:1

सामरीया ङा डांडाम बाक्‍ब, बाशान ङा बी खोदेंशो दोम्‍शो मीश मुर, गे प्रुङग आन कली दिप्‍नीनी। मारेइ मथीब आन कली फस पोक्‍नीनी। मिनु इन वोंइश आन कली “आंइ कली तूचा कली मार मार चाक्‍कीन” देंनीनी।

आमोस 8:4

मिनु परमप्रभु यावेमी “गे मारेइ मथीब आन कली दिम्‍बपुकी नु रागी ङा प्रुङग आन कली खतम सेल्‍बपुकी, नेनीन। आमोस २:७

मीका 3:9

याकूब आ खिं ङा ठेयब मुरपुकी नु इस्राएल ङा खिं खिं ङा हुकुम पाइबपुकी एको लोव़ नेनीन। गेपुकीमी ठीक निसाफ पतीक कली ग्रांग्रा दीनीनी। मिनु ठीक लोव़ नेल्‍ल दूली सेल्‍‍नीनी।

मीका 6:12

मेको आ शोंप पाइश्‍शो मुरपुकी हुश ख्राक्‍श पोक्‍तीकेम ब्रीशो बाक्‍नीम। मेको सहर ङा मुरपुकी जोल पाइनीम। मेको आन शोव़ जोल पतीकेमी ब्रीशो बाक्‍ब।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

मत्ती 23:13

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।

१ तिमोथी 6:10

क्‍येट कली दाक्‍ब मरिम्‍शो आन क्‍येङा यो मरिम्‍शो बाक्‍ब। मोपा क्‍येट दाक्‍ब का निक्‍शीमी थमा सुइक्‍तीके प्रोंइशा, आंम थुं कली तूशो खोदेंशो पा शुश खाइक्‍पाइक्‍तेक्‍म। एफिसी ५:५; १तिमोथी १:१९