मीका 2:10 - Sunuwar Bible

¹⁰ बोक्‍शा लने। मारदे हना एकेर इन नाइक्‍तीक ममाइ। मारदे हना एको ग्रांग्रा दितीकेमी मुर आन कली मरिम्‍शो सेल्‍ब। मेको मारेइ पने मचाप्‍चा ङा पा खतम सेल्‍शो बाक्‍ब।

मीका 2:10 ပူးပေါင်းရင်းမြစ်များ

१ राजा 9:7

गो इस्राएली आन कली आं गेशो रागी रे खेरनुङमी। मिनु एको आं कली सेल्‍शो खिं कली प्रोंइशा मकोव़नुङ। मिनु इस्राएली चहिं मुर नेल्‍ल आन दातेमी मुने दोक्‍शा, ग्रांग्रा दित्‍तीक दुम्‍नीम। ब्‍यवस्‍था ४:२६; ब्‍यवस्‍था ८:१९-२०; मत्ती २३:३८

२ राजा 15:29

इस्राएल ङा पिप पेकाहमी सासन पवा ना अस्‍सुर ङा पिप तिग्‍लात-पिलेसेरमी लडाइ तोशा, इयोन, आबेल-बेथ-माकाह, यानोह, केदेश, हासोर, गिलाद, गालील रागी नु नाप्‍ताली आ रागी नेल्‍ल आ के सेल्‍शा, मेकेर ङा मुर आन कली ग्‍याइश्‍शा अस्‍सुर लाइक्‍मी बाक्‍त। १इतिहास ५:२६

२ राजा 17:6

अस्‍सुर ङा पिपमी होशेआम सासन पशो ९ बर्स दुम्‍मेनु, सामरीया कली ग्रामाक्‍त। मेकोमी इस्राएल ङा मुर आन कली ग्‍याइश्‍शा अस्‍सुर लाइक्‍मी बाक्‍त। मिनु मेको आन कली हालाह सहर नु गोजान ङा खोला हाबोर आ नेक्‍था नु मादी आन सहरम वोइक्‍मी बाक्‍त।

२ इतिहास 7:20

गो इन कली गेशो रागी रे ग्रुंइनुङ। मिनु गो आं नें बाक्‍शो खिं प्रोंइनुङ, काइ मकोव़नुङ। मिनु गो एको कली जात जात ङा मुर आन दातेमी खि‍सी नु शुक्‍शी पाइक्‍तीक सेल्‍नुङ। ब्‍यवस्‍था २८:६३; १राजा १४:१५

भजन संग्रह 106:38

मेकोपुकीमी आन पाप मपशो तमी तौ आन कली कनानी आन मूर्ति कली चढ़ेशा, आन हुश जारदमे बाक्‍त। मेको आन हुशेमी मेको रागी ग्रांग्रा दिशो दुम्‍माक्‍त।

भजन संग्रह 95:11

मोपतीके गो आं गाइक्‍तीकेमी ‘एको आन कली आं थुं नाइक्‍पाइक्‍तीके मगेनुङ’ दे कसम जाता” दे परमप्रभुम देंत। गन्‍ती १४:२२-२३; हिब्रू ४:३

येरमीया 10:18

मारदे हना परमप्रभु यावेम “गो मेको रागी ङा मुर आन कली ताइक्‍नुङमी। मेको आन कली शुश श्‍येत गेनुङमी। मिनु मेकोपुकीम तुइक्‍नीम” देंत।

येरमीया 3:2

परमप्रभु यावेम “इर कोव़ङो। गोरशो डांडा मेर कोव़ङो। गे सु नु मइ‍मे? गे मुर मबाक्‍तीके अराब खोदेंशो पा लांमी बाक्‍शा, गे नु इप्‍ब मुर आन कली रिम्‍ना रिम्‍न बाक्‍ते। गे इ तेल्‍लेम पतीके नु आं अरेशो मटितीकेम मेको रागी ग्रांग्रा दिशो सेल्‍तीवी। होसे ४:१३

येरमीया 9:19

सियोन रे रोंका पशो नेंसाक्‍व। गोपुकी खतम दुम्‍तय। गोपुकी मुनेम सुम्‍सीशो बाक्‍नय। गोपुकीम आंइ रागी प्रोंइचा माल्‍नीकी। मारदे हना मेकोपुकीम आंइ खिं प्रेत्‍तेक्‍म” देंतेक्‍म।

इजीकीएल 36:17

मार लोव़ पाप्‍तु देंशा हना “ए मुर, इस्राएली आंम आन रागीमी बाक्‍शो बाक्‍मानु, मेकोपुकीम मेको रागी कली आन पतीक नु आन गेयम ग्रांग्रा दिशो सेल्‍तेक्‍म। मेको आन मरिम्‍शो पशो मीश मुर आ रां ब्रोल्‍शो ग्रांग्रा खोदेंशो बाक्‍त। मेकोपुकीम रागीम हुश शाइक्‍पाइक्‍तीके नु आन मूर्तिम मेको रागी ग्रांग्रा दिशो सेल्‍तेक्‍म। मेको आन पतीके आं ङोंइती रां ब्रोल्‍शो मीश मुर खोदेंशो ग्रांग्रा बाक्‍त। लेवी १८:२४-२५

इजीकीएल 36:19

गो मेको आन कली रागी रागी ङा मुर आन दातेम ब्रपाइक्‍तामी। मिनु मेकोपुकी राज्‍य राज्‍यम एर ओंथ दुम्‍शा ब्राम्‍तेक्‍म। गो मेको आन पतीक नु मेको आन गेय खोदेंशो पा निसाफ पाता।

ब्‍यवस्‍था 12:9

मारदे हना गेपुकी मुल सम्‍म परमप्रभु यावे, इन परमप्रभुमी गेशो नाइक्‍तीके नु रागी मजाक्‍दीश्‍शो बाक्‍नीनी।

ब्‍यवस्‍था 30:18

गो इन कली मुलाक्‍ती “गेपुकी थमा पा बेक्‍नीनी। मिनु यर्दन आइक्‍ची हांबु इन के सेल्‍शो रागीमी गे शुश नाक्‍ती मब्रोंइनीनी” देंनुङ। ब्‍यवस्‍था ८:१९

ब्‍यवस्‍था 4:26

गो मुलाक्‍ती सरीङ नु रागी कली इन दूली पशो आ पर्बम सांकछी वोइक्‍नुङ। गे यर्दन आइक्‍ची हांबु ङा इन के सेल्‍चा चिक्‍शो रागीम रीब पा खतम दुम्‍नीनी। गे शुश नाक्‍त मेकेर बाक्‍चा मताइनीनी। गे क्‍याम्‍चा पुंइसीनीनी। ब्‍यवस्‍था ३०:१९; ब्‍यवस्‍था ३१:२८; ब्‍यवस्‍था ३२:१;