मीका 1:8 - Sunuwar Bible

⁸ मिनु गो मेको आ पर्बम रोंका पा ङाक्‍ना ङाक्‍न बाक्‍नुङ। श्‍येत्‍थ खोइल नु भेत्रे गाक्‍नुङ। गो सिवार खोदेंशो पा ग्रीनुङ। मिनु बुक्‍स खोदेंशो पा ग्रीनुङ।

मीका 1:8 ပူးပေါင်းရင်းမြစ်များ

२ राजा 18:13

पिप हिज्‍कीयाहमी सासन पशो १४ बर्स दुम्‍मेनु, अस्‍सुर ङा पिप सन्‍हेरीबमी यहूदा ङा गारो हिरशो सहर नेल्‍ल कली लडाइ तोशा ग्रामाक्‍त।

एस्‍तर 4:1

मिनु मोरदेकैमी मेको लोव़ नेल्‍ल तुइश्‍शा, आ वा खाक्‍तु। मिनु अरन्‍डी फेक्‍शा, पुलु मोंइसीशा, ठेयब सेंदामी रोंका पना पन सहरम हिरसाक्‍व।

अय्‍युब 30:29

गो सिवार आन लोक्‍ब दुम्‍शो बाक्‍नुङ। हुहुचील आन वारच दुम्‍शो बाक्‍नुङ।

भजन संग्रह 102:6

गो गोरशो रागी ङा हुहुचील खोदेंशो दुम्‍शो बाक्‍नुङ। गो ब्रेश्‍शो खिं आन दातेम बाक्‍ब बुक्‍स खोदेंशो दुम्‍शो बाक्‍नुङ।

यसैया 13:21

तन्‍न मेको ब्‍वाकी ङा जन्‍तु आन बाक्‍तीक दुम्‍ब। मेको आन खिंम बुक्‍स ब्रीशो बाक्‍नीम। मेकेर ब्‍वा‍की ङा ग्रीब जन्‍तु, ठेयब चिक्‍ब बाक्‍नीम। मिनु ब्‍वाकी ङा क्‍यारश सिल पाइनीम। यसैया २३:१३

यसैया 13:22

मेको आन श्‍येत्‍थ खिंम फर ग्रीनीम। आन दारशो दरवारमी सिवार ग्रीनीम। मोदेंशो दुम्‍तीक नाक्‍ती जाक्‍चशो बाक्‍ब। मुल रीब पा जाक्‍ब” देंत।

यसैया 16:9

मोपतीके गो सिब्‍मा ङा अङगुर बोट आ पर्बम याजेर खोदेंब पा ङाक्‍नुङ। गो इस कली आं प्रेक्‍कुम जिप्‍पाइक्‍नुङ। मारदे हना हेश्‍‍बोन नु एलेआले, इस अङगुर नु अन्‍न ओंइची नाक्‍त मजाक्‍ब। यसैया १५:४-९

यसैया 21:3

मोपतीके आं पोक्‍च ख्रिंख्रि पाइनीम। गो सुत्‍केरी रोइ पशो आल थिचशो मीश मुर खोदेंशो दुम्‍ती। गो राप्‍ने मचाप्‍थु, नेंने नु तने मचाप्‍चा ङा श्‍येत जशो बाक्‍नुङ।

यसैया 22:4

मोपतीके गो आं कली मकोव़यीनी। गो हुइ हुइ पा ङाक्‍नुङ। आं कली लेम्‍चा थुं मपने। मारदे हना आं दाक्‍शो मुर खतम दुम्‍तेक्‍म” देंत। येरमीया ८:२३

यसैया 32:11

गे ठेयब लेश्‍शो मीश मुर ख्रिंख्रि पने। गे काइ महिंबपुकी ख्रिंख्रि पा हिनीन। इन वा प्रुइश्‍शा अरन्‍डी फेक्‍सीन।

येरमीया 4:19

मिनु गो हिंती, हिंती। गो श्‍येत जशा हुकयी पाइनुङ। आं लुङगीर खाइश्‍शा, तुक तुक पाप्‍तु। गो सिक्‍सी पा बाक्‍ने मचाप्‍नुङ। मारदे हना गो तुराही ताप्‍शो नें‍ता। मेको लडाइ ङा रेयके बाक्‍ब।

येरमीया 9:1

परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१

येरमीया 9:10

गे डांडा आन पर्बम ङाक्‍शा रोंका पने। मिनु गोरशो रागी ङा योव़तीक आन पर्बम बिलाना पने। मेको गोरशो सेल्‍शो बाक्‍नीम। मेकेर सुइ मगाक्‍नीम। मिनु मेकेर बी ब्‍यफ क्‍‍यारश भेडा आन ग्रीशो मनेंसीब। सरीङ ङा चिक्‍ब नु जन्‍तु नेल्‍ल प्रोक्‍शा लाम्‍तेक्‍म। येरमीया ४:२५; येरमीया १२:४

येरमीया 9:19

सियोन रे रोंका पशो नेंसाक्‍व। गोपुकी खतम दुम्‍तय। गोपुकी मुनेम सुम्‍सीशो बाक्‍नय। गोपुकीम आंइ रागी प्रोंइचा माल्‍नीकी। मारदे हना मेकोपुकीम आंइ खिं प्रेत्‍तेक्‍म” देंतेक्‍म।

इजीकीएल 32:18

मार लोव़ पाप्‍तु देंशा हना “ए मुर, इजीप्‍त रागी ङा लडाइ पाइब आन पर्बम रोंका पावो। मिनु मेको आन कली तुरसुम सोइक्‍तो। मिनु इजीप्‍त नु सक्ति पाइश्‍शो रागी रागी ङा मुर आन तमी आन कली बेक्‍शो मुर आन बाक्‍तीक सोइक्‍तो। तुरसुम लाइबपुकी नु सोइक्‍तो। इजीकीएल ३१:१६

मीका 2:4

मेको नाक्‍ती मुरपुकीमी इन पर्बम शुक्‍शी पा कुम्‍सो पाइनीम। मिनु इन पर्बम रोंका पा ङाक्‍नीम। मिनु मुरपुकीमी ‘गोपुकी थमा पा खतम दुम्‍तक। आंइ मुर आन थेरशो रू अर्को मुरुम लाइक्‍नीम। आंइ रू आंइ जोरी सत्रु आन दातेमी योक्‍सीनीम’ देंनीम” देंत।

१ सामुएल 19:24

मेकोमी यो आ वा प्रुइश्‍शा, सामुएल आ ङोंइती परमप्रभु यावे आ सोक्‍तीम लोव़ पना पन नाक्‍त रे नु नाक्‍दो रे शिश्रा बाक्‍माक्‍त। मोपतीके मुरपुकीम “मार, सावल यो परमप्रभु यावे आ लोव़ पाइब आन दातेमी बाक्‍मे?” देंबाक्‍मा बाक्‍त।