मीका 1:6 - Sunuwar Bible

⁶ मोपतीके गो सामरीया कली फुल्‍लु तेल्‍तीक सेल्‍नुङ। मेको अङगुर ख्रुम्‍तीक रू दुम्‍ने चाप्‍ब। गो मेकेर ङा फुल्‍लु दिंमम ताइक्‍नुङ। मिनु मेको आ खिं प्रेश्‍शा, आ जग ग्रुंइनुङ। १राजा १६:२४; होसे १४:१

मीका 1:6 ပူးပေါင်းရင်းမြစ်များ

२ सामुएल 17:13

मेको प्रोक्‍शा सहर लशा, बाक्‍तीक पुंइशा बाक्‍त हना यो गो इस्राएली नेल्‍ल मेकेर लशा मेको सहर कली डोरीम कीशा फुल्‍लु का यो ख्रोप्‍शा मलीपाइक्‍थु, दिंमम चाक्‍नय” दे हुशाइमी देंमाक्‍त।

२ राजा 18:10

मिनु अस्‍सुरीपुकीमी मेको सहर कली बर्स सां सम्‍म पुम्‍शा, आन के सेल्‍मे बाक्‍त। मेना हिज्‍कीयाह पिप दुम्‍शो ६ बर्स नु इस्राएल ङा पिप होशेआ पिप दुम्‍शो ९ बर्स दुम्‍शो बाक्‍माक्‍त। मिनु अस्‍सुर ङा पिपमी सामरीया ग्रामाक्‍त।

२ राजा 18:9

हिज्‍कीयाहमी सासन पशो ४ बर्स दुम्‍माक्‍त। इस्राएल ङा पिप एलाह आ तौ होशेआम सासन पशो ७ बर्स दुम्‍मेनु, अस्‍सुर ङा पिप शाल्‍मानेसेरमी सामरीया कली लडाइ तोशा पुम्‍दा बाक्‍त। २राजा १७:३-६

२ राजा 19:25

गे ‘गो साइ ङोंइती रे मेको नेल्‍ल देंशो नङ। गो मेको साइ रे मो पाइनुङ देंशो नङ। मुल गो मेको थुम्‍ता। मार, मेको मनेंशो बाक्‍नीनी? गे गारो हिरशो सहर आन कली प्रेश्‍शा, फुल्‍लु तेल्‍शो खोदेंशो सेल्‍शो बाक्‍‍‍नेवे।

यसैया 17:1

मिनु परमप्रभु यावेम दमस्‍कस आ पर्बम यसैया कली “दमस्‍कस सहर खतम दुम्‍शा मलीब। मेकेर ब्रेश्‍शो खिं ला बाक्‍नीम।

यसैया 25:12

मिनु आ बोल्‍यो नु लाइश्‍शो गारो प्रेश्‍शा, आइक्‍च सेल्‍शा, खप नु उइक्‍थ सेल्‍ब। मिनु फुरक दुम्‍पाइक्‍ब” देंनीम।

यसैया 25:2

मारदे हना गे सहर कली फुल्‍लु तेल्‍तीके खोदेंशो सेल्‍तीनी। गारो हिरशो सहर कली प्रेत्‍तीनी। अर्को रागी ङा मुर आन दरवार मुल मली। मिनु मेको गेनायो मसेल्‍नीम।

येरमीया 31:5

गे सामरीया ङा डांडा मेर लेंशा अङगुर ख्रुम्‍नेवे। मेको रू ङा गेय पाइबपुकीम ख्रुम्‍नीम। मिनु मेको आ फल जशा ग्‍येरसीनीम।

येरमीया 51:25

परमप्रभु यावेमी “गे मारेइ मारेइ आन कली साइक्‍ब डांडा, गो इ कली काइ मदाक्‍नुङ। गे रागी नेल्‍ल खतम सेल्‍नेवे। गो आं गुइ दिशा, इ कली रोंगु रे उइ तोक्‍नन। मिनु कोक्‍त जेश्‍शो डांडा सेल्‍नन।

येरमीया 51:37

मिनु बेबीलोन खिं ब्रेश्‍शा देल्‍शो, सिवार आन बाक्‍तीके, हिंचा ङा नु शुक्‍शी पाइक्‍चा पुंइसीतीके नु मुर मबाक्‍तीक दुम्‍ब। येरमीया ५०:१३

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

बिलाप 4:1

सुनमी आं दारस नेल्‍ल साम्‍तु। क्‍येख सुन मदारशो दुम्‍त। शुश क्‍येट लाइब हीरा नेल्‍ल लां मेर फ्राइसीशो बाक्‍नीम।

इजीकीएल 13:14

मिनु मेकोमी इन बुलु ब्रुइश्‍शो गारो नेल्‍ल ब्रेप्‍पाइक्‍ब। आ जग यो तांइसीब। मेको प्रेदुनु, गे गारो आगाम बेक्‍नी‍नी। मिनु गेपुकीम ‘गोन परमप्रभु यावे नङ’ दे तुइक्‍नीनी।

होसे 13:16

सामरीया ङा मुरपुकीमी आन पाप पशो ङा श्‍येत जचा माल्‍नीम। मारदे हना मेकोपुकीम आंम परमप्रभु कली मटीम। मेकोपुकी तरवारमी साइक्‍चा पुंइसीनीम। मेको आन आलपुकी खपीमी ताइश्‍शा साइक्‍चा पुंइसीनीम। मेको आन कोव़ज कुरशो मीश मुर आन कोव़ज चेत्‍चा पुंइसीनीम” देंत। २राजा १५:१६

आमोस 5:11

मारदे हना गे प्रुङग आन कली दिम्‍‍नीनी। मेको आन कली गेन कि गेन, दे शुश अन्‍न थाप्‍पाइक्‍नीनी। गे ख्रोइश्‍शो फुल्‍लु के खिं सेल्‍तीनी। तन्‍न मेकेर बाक्‍चा मताइनीनी। रिम्‍शो अङगुर रू सेल्‍तीनी। तन्‍न अङगुर शांबु तूचा मताइनीनी। सेफन्‍याह १:१३

आमोस 6:8

परमप्रभु यावेमी आ नेंमी कसम जशो बाक्‍ब। मिनु मुर नेल्‍ल आन परमप्रभु यावेमी “गो याकूब आ ठेयब लेश्‍शो तशा ग्रांग्रा दीनुङ। मेको आ बोल्‍यो दरवार आन कली काइ मदाक्‍नुङ। गो एको सहर नु आ मार मार नेल्‍ल आन जोरी सत्रु आन गुइमी गेनुङमी” देंशो बाक्‍ब।

मीका 3:12

मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८

हबकुक 3:13

गे इन आंम योव़शो मुर आन कली प्रोंइचा, दे जाक्‍तीनी। इन तेल लुक्‍शो मुर कली प्रोंइथ जाक्‍तीनी। तन्‍न गे इन अरेशो मटीब रागी ङा ठेयब मुर आ खिं तला तारी रे जग सम्‍म प्रेत्‍तीनी। भजन संग्रह १८:८,१६

मत्ती 24:2

मिनु येसुमी “मुल ओमो ठेयब नु दारपा सेल्‍शो ताइतीनी। नोफा दाइश्‍शा नेनीने, नोले ब्रेश्‍शा, फुल्‍लु का यो ख्रोप्‍शा मलीब” देंत। लूका १९:४४