मीका 1:5 - Sunuwar Bible

⁵ मेको नेल्‍ल याकूब आ मरिम्‍शो पशो नु इस्राएल ङा मुर आन पाप आ पर्बम दुम्‍शो बाक्‍ब। याकूब आ मरिम्‍शो पशो मार बाक्‍बा? मेको सामरीया ममाइ ङा? यहूदा ङा लाइश्‍शो डांडा मार बाक्‍बा? मार, मेको यरूसलेम ममाइ ङा? येरमीया २३:१३-१४

मीका 1:5 ပူးပေါင်းရင်းမြစ်များ

१ राजा 11:7

मिनु सोलोमनम मोआब ङा ग्रांग्रा दिशो मूर्ति केमोश नु अम्‍मोनी आन ग्रांग्रा दिशो मूर्ति मोलेक आस कली यरूसलेम आ पूर्ब गे ङा डांडा काम पूजा पतीक थान सेला बाक्‍त। गन्‍ती २१:२९; २राजा २३:१३

१ राजा 13:32

मारदे हना मेको मुर आ देंशो, बेथेलम बाक्‍शो परमप्रभु यावे कली चढ़ेतीक नु सामरीया सहर ङा डांडा ङा थान आन पर्बम देंशो नेल्‍ल थमा पा गाप्‍ब” देंमाक्‍त।

१ राजा 16:24

मेकोम टलेन्‍ट निक्‍शी चांदीम शेमेर आ गुइ रे सामरीया ङा डांडा ग्‍याप्‍शा, मेकेर गारो हिरशो सहर का सेला बाक्‍त। मिनु मेको सहर ङा होव़प शेमेर आ नें रे पा मेको आ नें सामरीया वोदा बाक्‍त। टलेन्‍ट का ३४ किलो बाक्‍ब।

२ इतिहास 34:3

मेकोमी सासन पशो ८ बर्स दुम्‍मेनु, ठिटा बाक्‍ना बाक्‍ना आ किकी पिपी दाऊद आ परमप्रभु कली माल्‍चा गोवा बाक्‍त। मिनु सासन पशो १२ बर्समी यहूदा नु यरूसलेम डांडा ङा थानपुकी, मूर्ति पाइश्‍शो थामपुकी नु मुशा नु चेम्‍शा सेल्‍शो मूर्तिपुकी ताइक्‍चा गोवा बाक्‍त। लेवी २६:३०

२ इतिहास 34:4

मिनु पिप आ ङोंइती बाल देवता आन चढ़ेतीकपुकी प्रेप्‍पदा बाक्‍त। मिनु मेको इच्‍का इर बाक्‍शो धूप चोतीकपुकी नु चढ़ेतीक प्रोल्‍शा खतम पोक्‍गा बाक्‍त। मिनु मेकोमी मूर्ति पाइश्‍शो थाम, चेम्‍शा सेल्‍शो मूर्तिपुकी फस पोक्‍मी बाक्‍त। मिनु मेको कली चढ़ेब आन तुरस तारी फ्रवा बाक्‍त।

यसैया 7:9

एफ्राइम आ पिया सामरीया बाक्‍ब। सामरीया आ पिया रेमाल्‍याह आ तौ बाक्‍ब’ गे थमा मसुइक्‍तीनी हना, थमा पा मलीनीनी” दे परमप्रभु यावेमी देंत। २इतिहास २०:२०

येरमीया 2:17

इन कली लां कोंइब, इन परमप्रभु यावे कली प्रोंइशा, गे मोदेंशो श्‍येत आंमा इन कली मचाक्‍नी ङा?

येरमीया 2:19

इन परमप्रभु यावे आ अरेशो लोव़ मटि‍तीकेमी इन कली सजाइ गेब। इन प्रोंइशोमी इन कली हुइक्‍ब। गेपुकीम इन परमप्रभु यावे कली प्रोंइशो थम मरिम्‍शो नु इन थुं कशो दुम्‍शो बाक्‍ब, दे तुइक्‍तीन। मिनु आं कली मान पा हिंतीके गे नु मबाक्‍ब” दे परमप्रभु, मुर नेल्‍ल आन परमप्रभु यावेमी देंत।

येरमीया 23:13

गो सामरीया ङा आं लोव़ पाइब आन दातेमी ग्रांग्रा दिशो गेय ताता। मेकोपुकीमी बाल देवता आ नेंम नोले दुम्‍ब लोव़ पाम्‍तेक्‍म। मिनु आं मुर इस्राएली आन कली हेंथे लां खोइक्‍पाइक्‍तेक्‍म। ब्‍यवस्‍था १८:२०-२२; यसैया १:१०; इजीकीएल १३:२३

येरमीया 23:14

तन्‍न यरूसलेम ङा आं लोव़ पाइब आन दातेम सामरीया क्‍येङा यो ग्रांग्रा दिचा ङा गेय ताता। मेकोपुकीम तेल्‍लेम पशा जोल ला पाइनीम। मरिम्‍शो पाइब आन कली बोल्‍यो सेल्‍नी‍म। मोपतीके सुइ मुर परमप्रभु यावे आ अरेशो मटितीक रे मलेत्‍नीम। मेको नेल्‍ल आं कली सोदोम खोदेंशो नु यरूसलेम ङा मुरपुकी चहिं गोमोररा खोदेंशो दुम्‍तेक्‍म” दे परमप्रभु यावेमी देंत।

येरमीया 4:18

मिनु परमप्रभु यावेमी “इ दूली लां गाक्‍तीके नु इ पतीके इ कली मोदेंशो दुम्‍शो बाक्‍त। इ सजाइ मेकोन बाक्‍ब। मेको शुश कशो बाक्‍ब। मिनु मेकोमी इ थुं खाइक्‍पाइक्‍तु” देंत।

येरमीया 5:25

परमप्रभु यावेमी “इन मरिम्‍शो पशोम एको नेल्‍ल मरिम्‍शो दुम्‍त। इन पाप आ पर्बम गे मेको रिम्‍शो मताइनीनी। यसैया ५९:२

येरमीया 6:19

रागी नेल्‍ल नेनीन। गो एको मुर आन कली ठेयब श्‍येत चाक्‍नुङ। मेको श्‍येत आन पशो आ पा ङा बाक्‍ब। मारदे हना मेकोपुकीमी आं पचा देंशो लोव़ मपामे। मिनु आं शेंशो लोव़ काइ मटीम। यसैया १:२

बिलाप 5:16

सिरपेच आंइ पिया रे दोक्‍त। आबी, गो पाप पाइतक। येरमीया १३:१८

इजीकीएल 16:46

मिनु इ दिदी सामरीया बाक्‍ब। मेको इ उत्तर गे आ तमीपुकी नु बाक्‍शो बाक्‍त। इ लोक्‍ब नु आ तमी चहिं दक्‍खिन गे सोदोम सहरम बाक्‍नीम। मेको आ तमीपुकी नु बाक्‍शो बाक्‍ब।

होसे 7:1

“गो इस्राएल ङा मुर आन कली सापाइक्‍चा मिम्‍ताक्‍ङ हना, एफ्राइम आ मरिम्‍शो पशो नु सामरीया आ पाप तांइसीब। मेकोपुकी जोल पना पन बाक्‍नीम। खुइपुकी खिं ओव़शा खुइ पाइनीम। रोइक्‍बपुकीम लांमी मुर आन कली रोइक्‍नीम। योएल ४:१

आमोस 6:1

मिनु “आबी, सियोन ङा ठेयब मुर, मेकोपुकीमी सामरीया ङा डांडामी ‘गो रिम्‍शो बाक्‍नीकी’ दे मिम्‍नीम। इस्राएल ङा मुरपुकीमी मेको आन कली थमा सुइश्‍शा, जाक्‍नीम।

आमोस 7:9

इसहाक आ डांडा ङा थान खतम दुम्‍नीम। मिनु इस्राएल ङा थान नेल्‍ल ब्रेश्‍शा जाम्‍शा लाइनीम। मिनु गो तरवार शेशा येरोबाम आ खिं ङा मुर साइक्‍चा कली बोक्‍शा लाइनुङ” देंत।

आमोस 8:14

सु सु सामरीया ङा देवता अशीमाह आ नेंमी कसम जशा ‘ए दान, इ देवता ब्रोंइशा बाक्‍शो खोदेंशो पा’ नु ‘बेयर-शेबा ङा देवता ब्रोंइशा बाक्‍शो खोदेंशो पा’ देंशा कसम जाइब नेल्‍ल गेनायो मबोक्‍चा ङा पा गोल्‍नीम” दे परमप्रभु यावेमी देंत। न्‍यायाधीस १८:३०

मीका 1:13

लाकीश सहर ङा मुरपुकी, शारा आन कली बग्‍गीम फ्रेंशा लने। गे सियोन सहर ङा मुर आन कली पाप पपाइक्‍तीनी। मिनु मेको कली पाप पपाइक्‍ब, गे बाक्‍नीनी। इस्राएल आ मरिम्‍शो पतीके इन दातेम थीसीब।