मीका 1:4 - Sunuwar Bible

⁴ मी आ नेक्‍था मयीन यशो खोदेंशो पा, लुक्‍च लतीकेमी ब्‍वाक्‍कु शाइश्‍शो खोदेंशो पा, मेको आ थेक्‍शो डांडापुकी याइनीम। मिनु दिंमपुकी ब्रोल्‍नीम।

मीका 1:4 ပူးပေါင်းရင်းမြစ်များ

भजन संग्रह 46:6

मिनु रागी रागी ङा मुरपुकी जिशा खेशा पाइनीम। राज्‍यपुकी क्‍याम्‍चा पुंइसीनीम। परमप्रभुमी आ सेंदा नेंपाइक्‍तु हना, रागी नेल्‍ल याइनीम।

भजन संग्रह 68:2

दोपा फशेमी कुन बेरपाइश्‍शा योल्‍बा, मोपा मेको आन कली बेरपाइश्‍शा योल्‍पतीन। मी आ नेक्‍था मयीन यशो खोदेंशो पा परमप्रभु आ अरेशो मटीबपुकी मेको आ ङोंइती जाम्‍शा लाइनीम।

भजन संग्रह 97:5

परमप्रभु यावे आ ङोंइती डांडा मयीन खोदेंशो पा याइनीम। रागी नेल्‍ल परमप्रभु यावे आ ङोंइती मोदेंशो दुम्‍ब। यहोसु ३:१३

आमोस 9:5

मिनु मुर नेल्‍ल आन परमप्रभु यावेमी रागी कली थिप्‍तु हना, रागी याइब। मिनु मेकेर बाक्‍ब नेल्‍ल रोंका पाइनीम। मिनु रागी नेल्‍ल नील खोला खोदेंशो पा बारब। मिनु इजीप्‍त ङा नील खोला खोदेंशो पा सोव़ब। आमोस ८:८

नहुम 1:5

मेको आ ङोंइती डांडा नेल्‍ल ख्रिंख्रि पाइनीम। मिनु पहाड दिंम दुम्‍नीम। रागी नु रागीम बाक्‍ब नेल्‍ल हिम्‍सीनीम। भजन संग्रह ९७:५

हबकुक 3:10

मिनु डांडापुकी इन कली तशा रोम्‍सीनीम। ठेयब रेउ यित। ठेयब समुन्‍द्र आ रेयके नेंसाक्‍व। भजन संग्रह ७७:१७

हबकुक 3:6

मेको गाक्‍‍शा नाइश्‍शा, रागी हिम्‍पाइक्‍तु। मेकोमी कोव़ङानु, रागी रागी ङा मुर आन कली ख्रिंख्रि पपाइक्‍तु। गेना हना यो बाक्‍ब डांडा ब्रेत्‍नीम। मेको गेना हना यो लीब पहाड नेल्‍ल यशो खोदेंशो पा दिंम दुम्‍तेक्‍म। मेकोमी साइ ङोंइती रे मोदेंशो पशो बाक्‍त। भजन संग्रह १०४:३२

जकरिया 14:4

मेको नाक्‍त आ खोइलीमी यरूसलेम आ ङोंइती पूर्ब गे बाक्‍शो जैतून डांडा कली थेक्‍ब। मिनु जैतून डांडा आ पूर्ब रे पच्‍छिम सम्‍म ठेयब पा जेप्‍ब। मिनु डांडा उइक्‍थ उत्तर गे नु उइक्‍थ दक्‍खिन गे दुम्‍शा बाक्‍ब। मिनु दातेमी ठेयब बेंसी का दुम्‍ब।

प्रकाश 20:11

मिनु नोले गो ठेयब बुश नित्‍तीके का नु मेकेर निप्‍ब कली ताता। रागी नु स्‍वर्ग मेको कली तशा प्रोक्‍ताक्‍स। मिनु मेको आस कली बाक्‍तीके मबा। मत्ती २५:३१-४६; २पत्रुस ३:७,१०,१२

न्‍यायाधीस 5:4

परमप्रभु यावे, सेइर रे पा गाक्‍नी ना, एदोम रागी रे लाइतीनी, मेना रागी नेल्‍ल ख्रिंख्रि पाप्‍तु। रेउ यित। गोस्‍सुमी रेउ यिपाइक्‍तु। ब्‍यवस्‍था ३३:२; हबकुक ३:३-६