मीका 1:16 - Sunuwar Bible

¹⁶ मिनु इन दाक्‍शो आल आन पर्बम इन चां प्रेक्‍कीन। चां नेल्‍ल प्रेक्‍शा, गिदद खोदेंशो दुमीन। मारदे हना इन आल नेल्‍ल ग्‍याइश्‍शा, मुर आन रागीम लाइक्‍चा पुंइसाक्‍म।

मीका 1:16 ပူးပေါင်းရင်းမြစ်များ

२ राजा 17:6

अस्‍सुर ङा पिपमी होशेआम सासन पशो ९ बर्स दुम्‍मेनु, सामरीया कली ग्रामाक्‍त। मेकोमी इस्राएल ङा मुर आन कली ग्‍याइश्‍शा अस्‍सुर लाइक्‍मी बाक्‍त। मिनु मेको आन कली हालाह सहर नु गोजान ङा खोला हाबोर आ नेक्‍था नु मादी आन सहरम वोइक्‍मी बाक्‍त।

अय्‍युब 1:20

मिनु अय्‍युब बोक्‍शा आ वा खाक्‍गा बाक्‍त। आ चां प्रेक्‍गा बाक्‍त। मिनु खुम्‍की पा बाप्‍शा,

यसैया 15:2

दीबोन ङा मुर देवी देवता आन थान लाम्‍तेक्‍म। डांडा ङा थानमी ङाक्‍थ लाम्‍तेक्‍म। मोआबीपुकीमी नेबो नु मेदेबा सहर आस पर्बम रोंका पाइनीम। मेको नेल्‍लेम आन चां नु आन गाल शोक्रे प्रेक्‍शो बाक्‍नीम।

यसैया 22:12

मेको नाक्‍ती परमप्रभु, मुर नेल्‍ल आन परमप्रभु यावेमी ङाक्‍चा, रोंका पचा, चां ख्रोइक्‍चा नु अरन्‍डी फेक्‍पाइक्‍चा कली इन कली ब्रेत्‍ताक्‍व। आमोस ८:१०

येरमीया 16:6

एको रागीम आइक्‍च नु ठेयब नेल्‍ल बेक्‍नीम। मेको आन कली सुइम मथिम्‍नीम। मेको आन पर्बम सुइम रोंका मपाइनीम। आंम रां रिक्‍सीब नु चां प्रेक्‍ब सुइ मबाक्‍नीम। येरमीया ४१:५; येरमीया ४७:५; येरमीया ४८:३७८; लेवी १९:२७-२८; ब्‍यवस्‍था १४:१

येरमीया 4:8

मोपतीके अरन्‍डी फेक्‍शा रोंका पने। मिनु ङाक्‍कीन” देंत। मारदे हना परमप्रभु यावे आ हिंचा ङा पा गाइश्‍शो इं रे मयाक्‍सीशो बाक्‍ब। येरमीया ६:२६

येरमीया 47:5

गाजाम रोंका पचा कली आ चां प्रेक्‍शो बाक्‍ब। अश्‍कलोन खतम दुम्‍शा, सिक्‍सी पाइब। गे लीशो अनाकीमपुकी गेना सम्‍म इन रां चेंइसीनीनी?” देंशो बाक्‍ब।

येरमीया 6:26

मिनु “आं श्‍येत जाइब मुरपुकी अरन्‍डी फेक्‍सीन। मिनु इन पिया तारी पुलु फुंइसीन। का ला बाक्‍शो आल बेक्‍शो आ पर्बम खोदेंशो पा रोंका पने। मारदे हना आंइ कली साइक्‍ब याम काम जाक्‍ब” देंत। येरमीया ४:८; आमोस ८:१०

येरमीया 7:29

गे इ चां प्रेक्‍शा ताइक्‍तो। मिनु गोरशो डांडा मेर रोंका पा गाक्‍को। मारदे हना परमप्रभु यावेमी आ कली गाइक्‍पाइक्‍ब आन पाला ङा मुर आन कली प्रोंइशा तिल्‍तु’ दे‍नो” देंत। मीका १:३६

बिलाप 2:19

बोक्‍को। नाक्‍दो ङाक्‍शा पुनो। खाल पाइब आन गेय पची ना यो मो पावो। इ थुं ङा श्‍येत परमप्रभु आ ङोंइती ब्‍वाक्‍कु खोदेंशो पा लुक्‍तो। लांमी बाक्‍ब इ शोव़लु बेक्‍शो आल आन पर्बम इ गुइ परमप्रभु गे पोक्‍शा पुनो।

आमोस 7:11

आमोसमी ‘येरोबाम तरवारम साइक्‍चा पुंइसीब। मिनु इस्राएल ङा मुर आन रागी रे ग्‍याइश्‍शा लाइक्‍चा पुंइसीनीम’ देंशो बाक्‍ब” दे आमोसमी देंत।

आमोस 7:17

मोपतीके परमप्रभु यावेमी इ कली ‘इ मीश सहरम तेल्‍लेम का दुम्‍ब। इ तमी तौ नेल्‍ल तरवारमी क्‍योरचा पुंइसीनीम। मिनु इ रागी पुक्‍शा योक्‍सीनीम। गे चहिं ग्रांग्रा दिशो रागी काम बेक्‍नेवे। मिनु इस्राएल थमा पा आ रागी रे ग्‍याइश्‍शा लाइक्‍चा पुंइसीब’ ” दे आमोसमी अमस्‍याह कली देंत।

आमोस 8:10

गो इन चाड कली रोंका पतीक सेल्‍नुङ। इन कुम्‍सो नेल्‍ल आन कली ङाक्‍तीक सेल्‍नुङ। गो नेल्‍ल इन कली अरन्‍डी फेक्‍पाइश्‍शा चां प्रेक्‍पाइक्‍नुङ। गो आंम का ला बाक्‍शो तौ आ पर्बम रोंका पशो खोदेंशो दुम्‍पाइक्‍नुङ। मेको चाड नुप्‍पतीक नाक्‍त कशो नाक्‍त दुम्‍ब” देंशो बाक्‍ब। येरमीया ६:२६

ब्‍यवस्‍था 28:41

गे तमी तौ थीनीनी, तन्‍न मेकोपुकी इन के मदुम्‍नीम। मेकोपुकी ग्‍याइश्‍शा अर्को रागी लाइक्‍चा पुंइसीनीम।