मीका 1:12 - Sunuwar Bible

¹² मिनु मारोथ सहर ङा मुरपुकीम हिंना हिंन रिम्‍शो दुम्‍तीके रिम्‍ना रिम्‍न बाक्‍नीम। परमप्रभु यावे रे हिंचा ङा श्‍येत यित। मिनु मेको यरूसलेम ङा ठेयब लाप्‍चो सम्‍म जाक्‍शो बाक्‍त।

मीका 1:12 ပူးပေါင်းရင်းမြစ်များ

अय्‍युब 30:26

मो हना यो गो रिम्‍शो दुम्‍तीक आस पाता। तन्‍न मरिम्‍शो कका जाक्‍त। छेङछेङ रिम्‍शा बाक्‍ती। तन्‍न छिङछिङ कका जाक्‍त।

यसैया 45:7

गो छेङछेङ नु छिङछिङ सेल्‍ब नङ। गो थुं नाइक्‍पाइक्‍ब नु श्‍येत जपाइक्‍ब सेल्‍ब नङ। गो, परमप्रभु यावेमी, मेको नेल्‍ल पाइनुङ। आमोस ३:६

येरमीया 14:19

मिनु गो “मार, गे यहूदा कली थमा पा प्रोंइने थुम्‍शो बाक्‍नीनी? मार, गे सियोन कली ग्रांग्रा दिश्‍शो बाक्‍नीनी? गे आंइ कली मारदे मसापाइक्‍चा ङा पा तुप्‍नी? गोपुकी थुं नाइश्‍शा बाक्‍तीक आस पाइतक, तन्‍न मारेइ रिम्‍शो मदुम। सानीकी कों दे आंस पाइतक, तन्‍न हिंतीक कका जाक्‍त। येरमीया ८:१५

येरमीया 8:15

गोपुकीम थुं नाइश्‍शा बाक्‍तीक आस पाइतय। तन्‍न मारेइ रिम्‍शो मदुम। साचा आ पर्बम रिम्‍ताक्‍य। तन्‍न शुश हिंतीक ला दुम्‍त” देंतेक्‍म। येरमीया १४:१९

आमोस 3:6

मार, तेकोइ सहरमी तुराही ताप्‍शोनु, मुर महिंनीमी ङा? मार, सहरम श्‍येत दुम्‍मेनु, मेको परमप्रभु यावे आ सोइश्‍शो ममाइ ङा? यसैया ४५:७; बिलाप ३:३७

मीका 1:9

मारदे हना मेको आ गार मसाब। मेको यहूदा सम्‍म जाक्‍शो बाक्‍ब। मेको आं मुर आन बाक्‍तीक यरूसलेम सहर ङा ठेयब लाप्‍चो सम्‍म जाक्‍दीश्‍शो बाक्‍ब।

रूथ 1:20

मिनु नाओमीमी “आं कली नाओमी मदेनीन। मारा देनीन। मारदे हना नेल्‍ल क्‍येङा सक्ति पाइश्‍शो परमप्रभु यावेमी आं कली मरिम्‍शो पाइश्‍शा, श्‍येत जपाइक्‍ती। नाओमी देंशो दारशो रुम्‍सीब, मारा चहिं कशो रुम्‍सीब।

१ सामुएल 4:13

मेको जाक्‍मेनु, एली आ नित्‍तीकेम निश्‍शा, लां कोव़शा बाक्‍शो बाक्‍माक्‍त। मारदे हना परमप्रभु आ कबल पशो सन्‍दोस आ पर्बम थाम्‍पा सुर्ता पवा बाक्‍त। मिनु मेको मुर दोरशा, जाक्‍शा सहर ङा मुर नेल्‍ल आन कली मार दुम्‍मे, मेको नेल्‍ल शेंदा बाक्‍त। मिनु सहर ङा मुर नेल्‍ल ग्रीशा वाइ ब्रेम्‍मा बाक्‍त।