मीका 1:1 - Sunuwar Bible

¹ परमप्रभु यावेमी मोरेशेथ ङा मीकाह कली लोव़ पाप्‍तु। मेना यहूदा रागीमी योथाम पिप बाक्‍त। मेको आ नोले आहाज नु मेको आ नोले हिज्‍कीयाह पिप दुम्‍ताक्‍स। मिनु मेको परमप्रभु यावे आ लोव़ नु आ कोंइतीके सामरीया नु यरूसलेम आस पर्बम बाक्‍त। येरमीया २६:१८; यसैया १:१

मीका 1:1 ပူးပေါင်းရင်းမြစ်များ

२ राजा 15:32

मिनु उज्‍जीयाह आ तौ योथाम यहूदा ङा पिप दुम्‍माक्‍त। मेना रेमाल्‍याह आ तौ पेकाह इस्राएल ङा पिप दुम्‍शो बर्स निक्‍शी दुम्‍शो बाक्‍माक्‍त। २इतिहास २७:१-७

२ राजा 15:5

मिनु परमप्रभु यावेमी पिप कली कोव़र मुपदा बाक्‍त। मिनु मेको मबेक्म सम्‍म आ कान खिं काम बाक्‍चा माल्‍दा बाक्‍त। मिनु पिप आ तौ योथाममी पिप आ दरवार ङा मारेइ मारेइ गेय पशा, राज्‍य ङा मुर आन कली सासन पवा बाक्‍त। लेवी १३:४६

२ राजा 16:1

मिनु योथाम आ तौ आहाज यहूदा ङा पिप दुम्‍माक्‍त। मेना रेमाल्‍याह आ तौ पेकाह इस्राएल ङा पिप दुम्‍शो १७ बर्स दुम्‍शो बाक्‍माक्‍त। २इतिहास २८:१-६

२ राजा 18:1

आहाज आ तौ हिज्‍कीयाह यहूदा ङा पिप दुम्‍माक्‍त। मेना एलाह आ तौ होशेआ इस्राएल ङा पिप दुम्‍शो बर्स सां दुम्‍शो बाक्‍माक्‍त। २राजा १६:२०

२ इतिहास 28:1

आहाज पिप दुम्‍मेनु, २० बर्स दुम्‍शो बाक्‍माक्‍त। मेकोमी यरूसलेमम १६ बर्स सासन पवा बाक्‍त। मेकोमी आ किकी पिपी दाऊद खोदेंशो पा परमप्रभु यावे आ ङोंइती मार ठीक बाक्‍मे, मेको मपवा बाक्‍त।

२ इतिहास 29:1

हिज्‍कीयाह पिप दुम्‍मेनु २५ बर्स दुम्‍शो बाक्‍माक्‍त। मेकोमी यरूसलेमम २९ बर्स सासन पवा बाक्‍त। मेको आ ममा आ नें अबीयाह बाक्‍माक्‍त। मेको जकरिया आ तमी बाक्‍माक्‍त।

यसैया 1:1

परमप्रभुमी आमोज आ तौ यसैया कली कोंइशो लोव़ एको बाक्‍ब। मार लोव़ कोंइशो बाक्‍त देंशा हना, यहूदा नु यरूसलेम आस पर्बम तशो कोंइताक्‍व। मेना पिप उज्‍जीयाह, योथाम, आहाज नु हिज्‍कीयाहमी सासन पशो बाक्‍तेक्‍म। २इतिहास २६:२२

यसैया 1:2

सरीङ नु रागीम बाक्‍बपुकी नोफा दाइश्‍शा नेनीन। मारदे हना परमप्रभु यावेमी “गो आं आल आन कली थुल्‍शा, कोल्‍पाइक्‍तामी। मेकोपुकीम चहिं आं कली मटीयीमी। ब्‍यवस्‍था ३२:१; ब्‍यवस्‍था ३२:५-६

यसैया 7:1

आहाज यहूदा ङा पिप बाक्‍त। मेको योथाम आ तौ नु उज्‍जीयाह आ चच बाक्‍त। आहाज आ सासन पची ना अराम ङा पिप रेसीन नु इस्राएल ङा पिप रेमाल्‍याह आ तौ पेकाह लडाइ पथ यरूसलेम जाक्‍ताक्‍स। तन्‍न ग्राने मचाप्‍बेम। २राजा १६:५

यसैया 7:9

एफ्राइम आ पिया सामरीया बाक्‍ब। सामरीया आ पिया रेमाल्‍याह आ तौ बाक्‍ब’ गे थमा मसुइक्‍तीनी हना, थमा पा मलीनीनी” दे परमप्रभु यावेमी देंत। २इतिहास २०:२०

येरमीया 26:18

“यहूदा ङा पिप हिज्‍कीयाह आ पालाम मोरेशेथ ङा मीकाहम परमप्रभु यावे आ लोव़ पशो बाक्‍त। मेकोमी यहूदा ङा मुर नेल्‍ल आन कली ‘मुर नेल्‍ल आन परमप्रभु यावेम सियोन कली रू खोदेंशो पा वाक्‍सीब। यरूसलेम चहिं फुल्‍लु तेल्‍शो खोदेंशो दुम्‍ब। परमप्रभु यावे आ खिं चहिं रवापुकी वाशा सुम्‍शो डांडा खोदेंशो दुम्‍ब’ देंशो बाक्‍त” देंतेक्‍म। मीका १:१; मीका ३:१२; येरमीया ९:१०

होसे 1:1

परमप्रभु यावेमी बेयरी आ तौ होसे नु लोव़ पाप्‍तु। मेना यहूदा ङा पिप उज्‍जीयाह, योथाम, आहाज नु हिज्‍कीयाह बाक्‍तेक्‍म। मिनु इस्राएल ङा पिप योआश आ तौ येरोबाम बाक्‍त। यसैया १:१; २राजा १४:२३; आमोस १:१

होसे 4:15

गे इस्राएलीपुकी, तेल्‍लेम पाइतीनी हना यो, यहूदा ङा मुर आन कली हेंथे मगाक्‍पतीन। गेपुकी गिल्‍गालमी नु बेथ-आवेनमी मलन। मिनु ‘परमप्रभु यावे ब्रोंइशा बाक्‍शो खोदेंशो पा’ दे कसम मजने” दे परमप्रभुमी देंत। आमोस ५:५; होसे १०:५; आमोस ८:१४

होसे 8:14

इस्राएलीपुकीमी आंम कली सेल्‍ब कली प्रेंशा, ठेयब दरवार सेल्‍शो बाक्‍नीम। यहूदा ङा मुरपुकीमी शुश सहर एर ओंथ गारो सेल्‍शो बाक्‍नीम। तन्‍न गो मेको आन सहरमी मी सुइश्‍शा दरवार नेल्‍ल क्रोइक्‍नुङ” दे परमप्रभुम देंत। येरमीया १७:२७; आमोस २:५

आमोस 1:1

एको आमोस आ लोव़ बाक्‍ब। आमोस तेकोहा सहरमी बाक्‍ब गोठला आन दाते ङा का बाक्‍त। परमप्रभु यावेमी मेको कली इस्राएल आ पर्बम लोव़ कोंइताक्‍व। मेना यहूदा ङा पिप उज्‍जीयाह नु इस्राएल ङा पिप योआश आ तौ येरोबाम बाक्‍ताक्‍स। एको ख्रिनु कुचा क्‍येङा बर्स निक्‍शी ङोंइती ङा लोव़ बाक्‍ब। आमोस ७:१४; २राजा १५:१; जकरिया १४:५; २राजा १४:२३

आमोस 6:1

मिनु “आबी, सियोन ङा ठेयब मुर, मेकोपुकीमी सामरीया ङा डांडामी ‘गो रिम्‍शो बाक्‍नीकी’ दे मिम्‍नीम। इस्राएल ङा मुरपुकीमी मेको आन कली थमा सुइश्‍शा, जाक्‍नीम।

मीका 1:5

मेको नेल्‍ल याकूब आ मरिम्‍शो पशो नु इस्राएल ङा मुर आन पाप आ पर्बम दुम्‍शो बाक्‍ब। याकूब आ मरिम्‍शो पशो मार बाक्‍बा? मेको सामरीया ममाइ ङा? यहूदा ङा लाइश्‍शो डांडा मार बाक्‍बा? मार, मेको यरूसलेम ममाइ ङा? येरमीया २३:१३-१४

मीका 3:9

याकूब आ खिं ङा ठेयब मुरपुकी नु इस्राएल ङा खिं खिं ङा हुकुम पाइबपुकी एको लोव़ नेनीन। गेपुकीमी ठीक निसाफ पतीक कली ग्रांग्रा दीनीनी। मिनु ठीक लोव़ नेल्‍ल दूली सेल्‍‍नीनी।

हबकुक 1:1

एको परमप्रभु यावे आ लोव़ पाइब हबकुकमी परमप्रभु यावे रे पा नोले दुम्‍ब ततीक तशो बाक्‍ब।

२ पत्रुस 1:21

मुर आन थुं रे मपीब। तन्‍न परमप्रभु यावे आ सोक्‍तीम आ मुर आन कली सुम्‍शा, परमप्रभु यावे आ लोव़ ब्रेक्‍पाइश्‍शो बाक्‍ब, दे रुप्‍चा माल्‍नीनी। १तिमोथी ३:१६-१७