मत्ती 9:36 - Sunuwar Bible

³⁶ शुश मुर आन कली तशा, शिशी पाइक्‍तीमी। मारदे हना गोठला मबाक्‍शो भेडापुकी खोदेंशो पा दशो बाक्‍मा बाक्‍त। १राजा २२:१७; इजीकीएल ३४:५; मर्कूस ६:३४

मत्ती 9:36 ပူးပေါင်းရင်းမြစ်များ

१ राजा 22:17

मिनु मीकायामी “गो इस्राएली नेल्‍ल आन कली गोठला मबाक्‍शो भेडा खोदेंशो पा, डांडा मेर ब्रशो तातामी। मिनु परमप्रभु यावेमी ‘मेको मुर आन ठेयब मुर मबाक्‍ब। मेको नेल्‍ल आन थुं नाइश्‍शा आन खिं लमल’ देंशो बाक्‍ब” देंमाक्‍त। गन्‍ती २७:१७; मत्ती ९:३६

२ इतिहास 18:16

मिनु नोले मीकायाम “गो इस्राएली नेल्‍ल आन कली गोठला मबाक्‍शो भेडा खोदेंशो पा पहाडम ब्रशो ताता। मिनु परमप्रभु यावेमी ‘मेको मुर आन के होव़प मबा। मेको नेल्‍ल थुं नाइश्‍शा आन खिं लेम्‍मल’ देंशो नेंता” देंमाक्‍त। मत्ती ९:३६

यसैया 13:14

मुरपुकी खेदा पचा पुंइसीशो किश्‍श नु गोठला मबाक्‍शो भेडा खोदेंशो दुम्‍नीम। मेकोपुकी आंम आंम मुर बाक्‍तीके लाइनीम। आंम आंम रागी मेर प्रोक्‍नीम।

येरमीया 50:6

आं मुरपुकी जाम्‍शो भेडा खोदेंशो बाक्‍तेक्‍म। मेको आन गोठलापुकीम मेको आन कली हेंथे गाक्‍पाइश्‍शो बाक्‍तेक्‍म। मिनु मेको आन कली डांडा मेर हिरपाइश्‍शो बाक्‍तेक्‍म। मेकोपुकी डांडा पहाड सम्‍म हिरसाक्‍म। मिनु आन गोठ प्रेंताक्‍मे। येरमीया २३:१

जकरिया 10:2

खिं ङा देवी देवतामी फश लोव़ पाइनीम। लिंक्‍यु कोव़बपुकीमी जोल तशा, ङोमु ङोशा, हेंथे लोव़ पाइनीम। मिनु मुर आन कली फश लोव़ पा लेम्‍नीम। मोपतीके मुरपुकी गोठला मबाक्‍शो भेडा खोदेंशो पा श्‍येत जशा प्रोक्‍नीम। मत्ती ९:३७

जकरिया 11:16

मारदे हना मुल गो मेको रागीमी गोठला का सेल्‍नुङ। मेकोमी बेक्‍‍शा लाइब आन कली मकोव़ब। ब्रशा गाक्‍शो आन कली मखुप्‍‍ब। रोइ पशो आन कली मसापाइक्‍ब नु रिम्‍शो भेडा आन कली मयोव़ब। तन्‍न मेकोमी दोम्‍शो भेडा आन श्‍ये ब्‍वशा, आन गेंग्रे यो चेश्‍शा ब्‍वाइ‍ब।

गन्‍ती 27:17

मिनु मेको मुर आन ङोंइती गाक्‍ल। मिनु मेको आन कली लतीक नु जाक्‍तीक लां कोंइदल। मोपा परमप्रभु यावे आ मुर गोठला मबाक्‍शो भेडा खोदेंशो मदुम्‍मल” देंत। मीका ५:३; मत्ती ९:३६

मत्ती 10:6

तन्‍न गोठला मबाक्‍शो, लां जाम्‍शो भेडा खोदेंशो, इं इस्राएली आन बाक्‍तीके लने। मत्ती १५:२४; प्रेरित १३:४६

मत्ती 14:14

मिनु येसु डोंगा रे तोइश्‍शा, शुश मुर देल्‍शो तशा, मेको आन कली शिशी पा रोइ पाइब आन कली सापाइक्‍तीमी।

मत्ती 15:24

मिनु येसुमी “लां जाम्‍शो भेडा खोदेंशो दुम्‍शो इं इस्राएल ङा मुर आन कली ला वारच पथ, सोंइसीशो नङ” देंत। मत्ती १०:५-६; रोमी १५:८

मत्ती 15:32

मिनु येसुमी आ शेंसीब आन कली ब्रेश्‍शा “एको शुश मुर आन कली शिशी पाइनुङमी। मारदे हना नाक्‍त सां सम्‍म गो नु काथा बाक्‍तेक्‍मे। मिनु आन के जचा मारेइ मबा। जचा मगेथु, आन खिं सोइक्‍चा मदाक्‍नुङ। सोइक्‍ताक्‍ङमी हना, लांमी बेक्‍नीम” दे माइक्‍तीमी। मत्ती १४:१३-२१

मर्कूस 6:34

मिनु येसु डोंगा रे तोंइ‍सीशा, शुश मुर देल्‍शा बाक्‍शो तशा, शिशी पवा बाक्‍त। मारदे हना मेको आन कली गोठला मपाइश्‍शो भेडा खोदेंशो दुम्‍शो तामी बाक्‍त। मिनु शुश लोव़ शेंचा गोवा बाक्‍त। मत्ती ९:३६

मर्कूस 8:2

“एको आन कली शिशी पातामी। मारदे हना साबेर नाक्‍त रे मुल सम्‍म गो नु काथा बाक्‍शा, मारेइ जचा मतामे। मर्कूस ६:३४-४४

हिब्रू 4:15

मारदे हना इं नेल्‍ल क्‍येङा ठेयब चढ़ेबमी इं चाप्‍तीक नु मचाप्‍तीक दोदेंशो बाक्‍बा, नेल्‍ल तुइक्‍ब। गोपुकी इं थुं थाम्‍चा पुंइसीशो खोदेंशो पा, आ यो थुं थाम्‍चा पुंइसाक्‍व। तन्‍न थुं थाम्‍चा पुंइसाक्‍व हना यो, पाप मपव। हिब्रू २:१८; यूहन्‍ना ८:४६

हिब्रू 5:2

मेकोमी मतुइक्‍ब नु मरिम्‍शो लां गाक्‍ब आन कली शिशी पने चाप्‍ब। मारदे हना मेको आंमन यो मोदेंशो बाक्‍ब।