मत्ती 9:31 - Sunuwar Bible

³¹ तन्‍न मेको निक्‍शीमी चहिं आस रागी ङा मुर नेल्‍ल आन कली येसु आ पशो तुइक्‍पदसे बाक्‍त।

मत्ती 9:31 ပူးပေါင်းရင်းမြစ်များ

मत्ती 14:1

येसुमी छक लाक्‍चा ङा गेय पा शेंना शेंन गाक्‍मेनु, आ पशो नु आ शेंशो पिप हेरोदमी नेंना बाक्‍त। मेको पिप हेरोद चहिं मेको रागी ङा ४ भागमी भाग का ङा पिप बाक्‍माक्‍त। मोपतीके भाग का ङा आन पिप, दे नें वोइश्‍शो बाक्‍माक्‍त।

मत्ती 28:15

मिनु सिपाहीपुकीमी क्‍येट ताक्‍शा लशा, मेको मोदेंशो लोव़ तेइ तेइ फ्रामे बाक्‍त। मुल सम्‍म यहूदी आन दातेमी एको लोव़ लीशो बाक्‍ब।

मत्ती 4:24

मिनु सिरीया रागी नेल्‍ल मेको आ पर्बम लोव़ ब्रम्‍माक्‍त। मिनु रोइ पशो मुर नेल्‍ल आन कली येसु आ बाक्‍तीकेमी चाक्‍स ङा चाक्‍स पाइबाक्‍मा बाक्‍त। वोलमी तशो, वोलमी सुम्‍शो नु गुइ खोइल मदुक्‍ब मुर चाक्‍गमे बाक्‍त। मिनु येसुमी मेको नेल्‍ल आन कली सापाइक्‍मी बाक्‍त। मर्कूस ६:५५

मत्ती 9:26

मिनु मेको लोव़ मेको रागी नेल्‍लेम ब्रम्‍माक्‍त।

मर्कूस 1:28

मिनु गालील रागीमी तेइ तेइ येसु आ पर्बम लोव़ ब्रना ब्रन लमाक्‍त।

मर्कूस 7:36

मिनु “सुइ आन कली मशेंदीने” दे माइक्‍मी बाक्‍त। मशेंदीने माइक्‍मी बाक्‍त हना यो, मेकोपुकीमी तेइ तेइ शेंना शेंन गाक्‍मा बाक्‍त। मर्कूस १:४३-४५

लूका 4:14

मिनु नोले, येसु परमप्रभु यावे आ सोक्‍त आ सक्तिम गालील रागी लेम्‍माक्‍त। मेकेर एर ओंथ येसु आ पर्बम शुश लोव़ ब्रशो बाक्‍माक्‍त।

लूका 4:37

मिनु मेको रागी नेल्‍ल येसु आ पर्बम लोव़ ब्रना ब्रन लमाक्‍त।

लूका 5:15

सुइ कली मदेंचा देंशो बाक्‍त हना यो, शुश मुरुमी येसु आ पर्बम लोव़ पामे बाक्‍त। रागी नेल्‍लेम मेको लोव़ ब्रमाक्‍त। येसु आ लोव़ नेंचा कली नु रोइ रे साचा कली शुश मुर येसु आ बाक्‍तीकेम जाक्‍मा बाक्‍त।

लूका 7:17

मिनु यहूदीया नु एर ओंथ ङा रागी नेल्‍लेमी मेको लोव़ ब्रमाक्‍त।