मत्ती 9:24 - Sunuwar Bible

²⁴ मिनु मेको आन कली “कतीने। एको आल बेक्‍शो ममाइ, इप्‍शो बाक्‍ब” दे माइक्‍तीमी। मेकोपुकीमी “मबाक्‍शो लोव़ पाइबाक्‍त” दे शुक्‍शी पाम्‍तेक्‍म। यूहन्‍ना ११:११,१४,२५

मत्ती 9:24 ပူးပေါင်းရင်းမြစ်များ

अय्‍युब 12:4

आं वारचपुकीमी आं पर्बम रित्‍नीम। गो परमप्रभु कली पुंइता। मिनु मेकोमी लोव़ लेत्‍ताक्‍यी। गो ठीक पाइब दोस मताइब मुर बाक्‍ती हना यो, आं पर्बम रित्‍नीम।

यसैया 49:7

परमप्रभु यावेम, इस्राएली आन श्‍येत रे प्रोंइब, इस्राएली आन का ला बाक्‍शो परमप्रभु यावेमी काइ मदाक्‍शो नु रागी ङा मुरुम खेदा पचा पुंइसीशो नु हुकुम पाइब आन वाइल आन कली “पिपपुकी मेको कली तशा, राप्‍नीम। हुकुम पाइबम आ देंशो पाइब परमप्रभु यावे आ ङोंइती बाप्‍नीम। इ कली योव़ब इस्राएली आन का ला बाक्‍शो परमप्रभु आ ङोंइती बाप्‍नीम” देंत।

यसैया 53:3

मिनु अरुमी मेको कली ग्रांग्रा दिशा प्रोंइतेक्‍म। मेको श्‍येत जाइब नु रोइ पाइक्‍ब बाक्‍त। मेको कली तशा, मुरुम आन कुल ख्रुइक्‍ताक्‍म। मेको ग्रांग्रा दित्‍चा पुंइसेनु, सुइम महिक्‍गेम। भजन संग्रह २२:७-८; मर्कूस ९:१२

मर्कूस 5:40

मिनु मेकोपुकीमी आ देंशो थमा मसुदमे बाक्‍त। “हत्‍तै, दोदेंशो लोव़ पवा” देंमानु, येसुमी मेको आन कली ग्रुंइदीमी बाक्‍त। मिनु आल आ आंम आफ नु आ शेंसीब आन कली आल आ बाक्‍तीके ओंइदा बाक्‍त।

लूका 8:53

मेकेर बाक्‍बपुकीमी आल बेक्‍ने थुम्‍शो बाक्‍ब, दे तुइश्‍शा “एको मार लोव़ पवा?” दे शुक्‍शी पामे बाक्‍त।

यूहन्‍ना 11:4

मिनु येसुमी “मेको रोइ बेक्‍चा ङा रोइ ममाइ, तन्‍न परमप्रभु यावे आ सक्ति कोंइचा कली बाक्‍ब। मिनु मुरपुकीमी मेको रोइ आ पर्बम परमप्रभु यावे आ तौ कली ठेयब सेल्‍नीमी” देंत। यूहन्‍ना ९:३

प्रेरित 20:10

मिनु पावल यो यिशा बाप्‍शा आ रां मुप्‍शा, एर ओंथ बाक्‍ब आन कली “मबेक्‍शो बाक्‍त। मोपतीके महिनीन” दे माइक्‍तीमी। १राजा १७:२१

प्रेरित 9:40

मिनु पत्रुसमी मेकेर ङाक्‍शा बाक्‍ब नेल्‍ल आन कली लाङगा सोइक्‍तीमी बाक्‍त। मिनु आ पोक्‍च थेक्‍शा, प्रार्थना पवा बाक्‍त। मिनु तबीता आ बेक्‍शो रां गे हिरशा कोव़शा “ए तबीता, छुल बोक्‍को” देंमेनु, तबीतामी आ मिक्‍च पाक्‍शा कोव़ङानु, पत्रुस कली तवा बाक्‍त। मर्कूस ५:४१