मत्ती 8:26 - Sunuwar Bible

²⁶ मिनु येसुमी “मारदे हिंनी? गे थमा पा थमा सुइक्‍ने मचाप्‍बपुकी” देंशा बोक्‍शा, फश नु समुन्‍द्र आस कली हुइक्‍ता बाक्‍त। मिनु सिक्‍सी पाम्‍से बाक्‍त। भजन संग्रह ८९:१०; प्रेरित २७:२२,३४

मत्ती 8:26 ပူးပေါင်းရင်းမြစ်များ

भजन संग्रह 65:7

गे समुन्‍द्र आन ग्रीशो सिक्‍सी पपाइक्‍तीनी। गे समुन्‍द्र आन बोक्‍शो नाइक्‍पाइक्‍नीनी। मिनु जात जात ङा मुर आन जिचा खेचा साम्‍नीनी। भजन संग्रह ८९:१०

भजन संग्रह 89:9

गे बारशो समुन्‍द्र कली हुकुम पाइनीनी। मिनु मेको आन छाल बोक्‍मेनु गे नाइक्‍पाइक्‍नीनी। भजन संग्रह ६५:८; मत्ती ८:२६

यसैया 63:12

सुमी आ सक्ति पाइश्‍शो गुइ मोसा आ ग्‍युरा गे गाक्‍चा कली वोदा? सुमी आंम कली गेना हना यो आ नें लीपाइक्‍चा कली समुन्‍द्रम लां सेला? प्रस्‍थान १४:२९

नहुम 1:4

मेकोमी ठेयब समुन्‍द्र कली हुइक्‍तानु, सोव़ब। मेकोमी खोला नेल्‍ल आन कली सोव़पाइक्‍ब। बाशान ङा बी ब्‍यफ योव़तीके नु कारमेल पहाड ङा मारेइ मारेइ सोल सुल बेक्‍नीम। लेबानोन ङा फू यो सोल सुल बेक्‍नीम।

हबकुक 3:8

परमप्रभु यावे, गे खोलापुकी नु गाइक्‍तीनी? गे ठेयब समुन्‍द्र आ पर्बम चुरनी? इन शारा नु बग्‍गी आन कली लां कोंइशा ग्रातीनी।

मत्ती 16:8

मिनु येसुमी मेको आन लोव़ तुइश्‍शा “ए, गे थमा पा थमा सुइक्‍ने मचाप्‍बपुकी, शोब्‍ले मबा, दे मारदे शुश लोव़ पमुनी?

मत्ती 17:20

येसुमी “थमा पा थमा सुइक्‍ने मचाप्‍बपुकी, नोफा दाइश्‍शा नेनीने, रायो गेडा खोइ ला थमा सुइक्‍तीनी हना, इन पने मचाप्‍चा ङा मारेइ मलीब। एको डांडा याक्‍सो देंनीनु, एको डांडा यो याक्‍सीशा लाइब। मत्ती २१:२१; लूका १७:६; १कोरिन्‍थी १३:२

मत्ती 6:30

परमप्रभु यावेमी चीबेर बोइश्‍शा, हेम्‍शा चोचा पुंइसीब फू, घांस आन कली लायो मिश रिम्‍शो ग्‍योम्‍ताक्‍व हना, गे थमा पा थमा सुइक्‍ने मचाप्‍बपुकी इन कली मफेक्‍पाइक्‍बा ङा?

मत्ती 8:27

मोदेंब पशो तशा “ओहो, एको मुर सु बाक्‍म माइ? फश नु समुन्‍द्रमी यो आ लोव़ टीबाक्‍ताक्‍से” देंमुमा बाक्‍त।

लूका 4:35

मिनु येसुमी वोल कली “रेयके मपथु, ग्रूङो” दे हुइक्‍ता बाक्‍त। मिनु वोलमी मुर कली श्‍येत मगेथु, दिङ खोल्‍शा वोइश्‍शा ग्रूमाक्‍त।

रोमी 4:20

दाल्‍गीर मपथु, आ थमा सुइक्‍चा बारना बारन लशा, परमप्रभु यावे कली ठेयब सेला बाक्‍त।

प्रकाश 10:2

आ गुइमी इम्‍चीली प्राक्‍शो किताब शेशो बाक्‍त। मेको आ ग्‍युरा खोइली समुन्‍द्र तार नु आ पेरा खोइली चहिं रागी तार थेक्‍शा राप्‍त।