मत्ती 8:20 - Sunuwar Bible

²⁰ मिनु येसुमी “फ्‍याउरे आन बाक्‍तीके ढोडोङगा बाक्‍ब। चिक्‍ब आन बाक्‍तीके ग्‍योव़ बाक्‍ब। रागीम जरमेशो के बाक्‍तीक मबाक्‍ब” देंमाक्‍त। २कोरिन्‍थी ८:९

मत्ती 8:20 ပူးပေါင်းရင်းမြစ်များ

भजन संग्रह 104:12

मेको खोला आन नेक्‍था चिक्‍बपुकीमी आन ग्‍योव़ सेल्‍नीम। मिनु राशीम बाक्‍शा कुम्‍सो पाइनीम।

भजन संग्रह 104:17

मेकेर चिक्‍बमी आन ग्‍योव़ सेल्‍नीम। मिनु ठेयब बुश चिक्‍बपुकीमी स‍ला रवाम आन ग्‍योव़ सेल्‍नीम।

भजन संग्रह 109:22

गो प्रुङग नु श्‍येत जाइब दुम्‍ती। मिनु आं थुं खाइश्‍शो बाक्‍ब।

भजन संग्रह 40:17

गो प्रुङग नु श्‍येत जाइब बाक्‍ती हना यो, परमप्रभुम आं कली मिम्‍ब। गे आं कली वारच पाइब नु आं कली श्‍येत रे प्रोंइब बाक्‍नीनी। आं परमप्रभु देश मपने” दे लोव़ पाता।

भजन संग्रह 69:29

परमप्रभु, गो श्‍येत जशा, रोइ पशो बाक्‍नुङ। इन प्रोंइतीकेमी आं कली खाल पयील” दे परमप्रभु कली लोव़ पाता।

भजन संग्रह 84:3

मिनु चिक्‍बपुकीमी यो इन चढ़ेतीके आ नेक्‍थामी ग्‍योव़ सेल्‍शा, आन चाइक्‍ब पुक्‍नीम। गे, मुर नेल्‍ल आन परमप्रभु यावे, आं पिप नु आं परमप्रभु बाक्‍नीनी।

दानीएल 7:13

मिनु नोले गो नाक्‍दो ङा कोंइतीकेमी मुर खोदेंशो का ताता। मेको गोस्‍सुम गिल्‍सी‍शा पिना पिन पशो ताता। मिनु मेको कली शुश बर्स दुम्‍शो का आ ङोंइती राप्‍पाइश्‍शो ताता। लूका २१:२७; प्रकाश १:१३; प्रकाश १४:१४

मत्ती 12:32

रागीम जरमेशो आ पर्बम शुक्‍शी लोव़ पाम्‍तेक्‍म हना, माफ ताइनीम। तन्‍न सुमी परमप्रभु यावे आ सोक्‍त आ पर्बम शुक्‍शी लोव़ पाइबा, मेको आ पाप मुल मक्‍याम्‍सीब, बेक्‍शा लशा नोले यो मक्‍याम्‍सीब, गेना हना यो लीब। १तिमोथी १:१३

मत्ती 12:40

योना नाक्‍त सां सम्‍म ङांइ आ कोव़जम बाक्‍शो खोदेंशो पा, रागीम जरमेशो यो नाक्‍त सां सम्‍म रागी आ कोव़जम बाक्‍ब। योना २:१; एफिसी ४:९; १पत्रुस ३:१९

मत्ती 12:8

रागीमी जरमेशो चहिं नाइक्‍तीक नाक्‍त मार पचा, मार मपचा अधिकार पाइब बाक्‍ब” दे माइक्‍तीमी।

मत्ती 13:37

मिनु येसुमी “रिम्‍शो वांचेर शोक्‍ब देंशो रागीम जरमेशो बाक्‍ब।

मत्ती 16:13

मिनु सिजरिया फिलिप्‍पी रागीम जाक्‍दीश्‍शा, येसुमी आ शेंसीब आन कली “मुरपुकीमी रागीम जरमेशो आ पर्बम मार देंनीमी?” दे हिल्‍लो पवानु

मत्ती 16:27

रागीम जरमेशो आ आफ आ दारसमी परमप्रभु यावे आ स्‍वर्ग ङा गेय पाइबपुकी नु जाक्‍ब। मिनु मुर आन गेशो पशो कोव़शा, आन गेशो का का पा लेश्‍शा गेब। रोमी २:६

मत्ती 17:9

मिनु डांडा रे ब्रुम्‍मानु, येसुमी “रागीम जरमेशो बेक्‍शो रे मसेंसे सम्‍म इन तशो सुइ आन कली मशेंदीने” दे माइक्‍मी बाक्‍त। मत्ती १६:२०

मत्ती 19:28

येसुमी “नोफा दाइश्‍शा नेनीने, मार ताइनीनी देंशा हना, परमप्रभु यावेमी सेल्‍शो नक सरीङ नु रागीमी दुम्‍शा, रागीम जरमेशो पिप दुम्‍मेनु, आं कली खोइक्‍बपुकी १२ ओटा ठेयब नित्‍तीकेम निश्‍शा, इं इस्राएल ङा १२ थर आन कली निसाफ पाइब दुम्‍नीनी। लूका २२:३०; प्रकाश ३:२१; १कोरिन्‍‍थी ६:२

मर्कूस 8:38

सुमी हेंथे गाक्‍ब नु पाप पाइब आन पालामी आं पर्बम नु आं लोव़ आ पर्बम मुर आन कली देंचा मुने पाइबा, मेको आ पर्बम रागीम जरमेशोमी यो आ आफ आ छेङछेङ नु आ स्‍वर्ग ङा गेय पाइबपुकी नु जाक्‍मेनु मेको कली तशा मुने पाइब” दे माइक्‍मी बाक्‍त। मत्ती १०:३३

लूका 12:8

सुमी मुर आन कली ‘गो येसु आ मुर नङ’ देंबा, रागीम जरमेशोमी यो मेको आ पर्बम परमप्रभु यावे आ स्‍वर्ग ङा गेय पाइब आन ङोंइती ‘मेको आं मुर बाक्‍ब’ देंब।

लूका 18:8

रागीम जरमेशो तपांइसेनु, थमा सुइश्‍शा, परमप्रभु यावे कली पुंइशा ‘गे रिम्‍शो पाइब बाक्‍नीनी’ देंस ङा देंस बाक्‍शोपुकी ताइबा कों?” दे येसुमी देंमाक्‍त।

लूका 2:12

आं लोव़ थमा बाक्‍ब, दे दोपा तुइक्‍नीनी देंशा हना, गे मेको नक जरमेशो आल कली वाम गिल्‍शा, शुंगुम इप्‍पाइश्‍शो थित्‍नीनी” देंमाक्‍त।

लूका 2:16

मिनु दोरशा जाक्‍दीश्‍शा कोव़ङमेनु, मरीयम नु योसेफ थित्‍मे बाक्‍त। मेकेर नक थिशो आल यो शुंगुम इप्‍पाइश्‍शो तामे बाक्‍त।

लूका 2:7

मेकेर बास बाक्‍तीक खिं मथित्‍थु, गोठ कामी बास बाक्‍सा बाक्‍त। मिनु गोठम बाक्‍सानु, मरीयममी तौ का थिशा, वाम गिल्‍शा, शुंगुम इप्‍पदा बाक्‍त। मत्ती १:२५

लूका 21:36

मोपतीके आं देंशो मिम्‍शा बाक्‍कीन। परमप्रभु यावे कली ‘श्‍येत नेल्‍ल फाल्‍शा, थमा सुइक्‍तीक सक्ति गेकी। मिनु रागीम जरमेशो जाक्‍मेनु, सासीशा ग्रुम्‍चा तकल’ दे पुंइना पुंइन बाक्‍कीन” दे अर्ती गेमी बाक्‍त।

लूका 8:3

का हेरोद आ गेय पाइब कूजा आ मीश योअन्‍ना बाक्‍माक्‍त। का सुसन्‍ना बाक्‍माक्‍त। मिनु अरु मीश मुरपुकी यो बाक्‍मा बाक्‍त। मेको मीश मुरपुकीमी आन बाक्‍शो थोव़क रे येसु नु आ शेंसीब आन कली मार मार माल्‍‍मा, मेको गेशा, वारच पाइक्‍बाक्‍मा बाक्‍त। मर्कूस १५:४०-४१

लूका 9:58

मिनु येसुमी “सिवार आन बाक्‍तीके ढोडोङगा बाक्‍ब, चिक्‍ब आन बाक्‍तीके ग्‍योव़ बाक्‍ब। तन्‍न रागीम जरमेशो के आ बाक्‍तीके खिं मबाक्‍ब” देंमाक्‍त।

यूहन्‍ना 1:51

मिनु लोव़ बोइश्‍शा “नोफा दाइश्‍शा नेनीने, गेपुकीमी सरीङ रोक्‍शो ताइनीनी। मिनु परमप्रभु यावे आ स्‍वर्ग ङा गेय पाइबपुकी रागीमी जरमेशो आ तार जुक्‍शो नु स्‍वर्ग गे लेश्‍शा लशो ताइनीनी” दे माइक्‍तीमी। उत्‍पत्ती २८:१२; मत्ती ४:११

यूहन्‍ना 12:34

मिनु मुरपुकीमी येसु कली “परमप्रभु यावे आ लोव़ ब्रेक्‍शो किताबमी ‘ख्रीस्‍त गेनायो मबेक्‍थु बाक्‍ब’ देंशो नेंतक। गे चहिं ‘रागीमी जरमेशो क्‍युक्‍शा साइक्‍चा पुंइसीब’ देंनीनी। मिनु मेको रागीमी जरमेशो चहिं सु बाक्‍म?” दे हिल्‍लो पाम्‍तेक्‍म। भजन संग्रह ११०:४; दानीएल ७:१४

यूहन्‍ना 13:31

मिनु यहूदा लम नोले येसुमी “मुल रागीमी जरमेशोमी सक्ति ताप्‍तु। मिनु मुरपुकीमी रागीमी जरमेशो आ पतीक तशा, परमप्रभु यावे कली ठेयब सेल्‍नीमी। यूहन्‍ना १२:२३,२८

यूहन्‍ना 3:13

मुर परमप्रभु यावे आ बाक्‍तीकेम मलम। स्‍वर्ग रे जाक्‍शो रागीमी जरमेशो ला परमप्रभु यावे आ बाक्‍तीकेमी बाक्‍शो बाक्‍त।

यूहन्‍ना 3:14

मोसा गोरशो रागीम बाक्‍मेनु, कांसा के बुस्‍स सेल्‍शा, मेको कली क्‍युक्‍शा वोदा बाक्‍त। मोपा रागीम जरमेशो यो क्‍युक्‍चा पुंइसीब। गन्‍ती २१:८-९

यूहन्‍ना 6:27

राक्‍चा ङा जचा थोव़क कली श्‍येत मपने। मराक्‍चा ङा जचा थोव़क कली चहिं गेय पने। मराक्‍चा ङा जचा थोव़क मार बाक्‍मे देंशा हना, गेना हना यो ब्रोंइशा बाक्‍चा बाक्‍ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्‍ताक्‍व” दे येसुमी शेंताक्‍व। यूहन्‍ना ५:३६

यूहन्‍ना 6:53

मिनु येसुमी “नोफा दाइश्‍शा नेनीन, गे रागीमी जरमेशो आं रां मब्‍वाइतीनी हना, नु आं हुश मतूतीनी हना, गेना हना यो परमप्रभु नु ब्रोंइशा बाक्‍चा गेब सोक्‍त गे नु मबाक्‍ब।

यूहन्‍ना 6:62

मिनु रागीमी जरमेशो आ ङोंइती ङा बाक्‍तीकेमी लेश्‍शो ताइतीनी हना, मार मिम्‍नीनी? लूका २४:५०-५१

प्रेरित 7:56

मिनु “लो कोव़ङीन, गो स्‍वर्ग रोक्‍सीशा, परमप्रभु आ ग्‍युरा गे रागीमी जरमेशो कली राप्‍शा बाक्‍शो ताता” दे माइक्‍मी बाक्‍त। लूका २२:६९

२ कोरिन्‍थी 8:9

मारदे हना गे इं प्रभु येसु ख्रीस्‍त आ शिशी तुइक्‍नीनी। मेको शोंप पाइश्‍शो बाक्‍त हना यो इन पर्बम प्रुङग दुम्‍त। मेको प्रुङग दुम्‍तीकेम गे शोंप पाइश्‍शो दुमीन, दे मो पाप्‍तु। मत्ती ८:२०; फिलिप्‍पी २:७