मत्ती 8:2 - Sunuwar Bible

² मिनु मार दुम्‍माक्‍त देंशा हना, कोर पाइब का जाक्‍शा, येसु आ ङोंइती आ पोक्‍च थेक्‍शा “प्रभु, सापाइक्‍चा दाक्‍ताक्‍नी हना, आं कली सापाइक्‍ने चाप्‍नीनी” देंमाक्‍त।

मत्ती 8:2 ပူးပေါင်းရင်းမြစ်များ

२ सामुएल 3:39

गो तेल लुक्‍शो पिप दुम्‍ती हना यो, मुलाक्‍ती सक्ति मपाइश्‍शो दुम्‍शो बाक्‍नुङ। एको हुश ख्राक्‍श पोक्‍ब सेरूयाह आ तौ गो नु मगारनीम। परमप्रभु यावेमी मरिम्‍शो पाइब आन कली आन पशो क्‍येक्‍क लेप्‍ब” देंमाक्‍त। २सामुएल २:१८

२ राजा 15:5

मिनु परमप्रभु यावेमी पिप कली कोव़र मुपदा बाक्‍त। मिनु मेको मबेक्म सम्‍म आ कान खिं काम बाक्‍चा माल्‍दा बाक्‍त। मिनु पिप आ तौ योथाममी पिप आ दरवार ङा मारेइ मारेइ गेय पशा, राज्‍य ङा मुर आन कली सासन पवा बाक्‍त। लेवी १३:४६

२ राजा 5:1

नामान अराम ङा पिप आ लडाइ पाइब आन ठेयब मुर बाक्‍माक्‍त। मेको आ होव़पम मेको कली शुश दाक्‍बाक्‍माक्‍त। मेको शुश हिक्‍सीशो मुर का बाक्‍माक्‍त। मारदे हना मेकोम पतीकेन परमप्रभु यावेम अराम कली ग्रापाइश्‍शो बाक्‍माक्‍त। मिनु मेको थम सक्ति पाइश्‍शो लडाइ पाइब मुर यो बाक्‍माक्‍त। तन्‍न मेको कोव़र पशो बाक्‍माक्‍त।

२ राजा 5:27

मुल नामान आ कोव़र पतीक रोइ गे नु इ चच युइ इन खिंम गेना हना यो खोक्‍शा लीब” दे मदा बाक्‍त। मिनु गेहाजी मेको आ ङोंइती रे लमाक्‍त। मिनु मेको फुं खोदेंशो पा बुश पा कोव़र मुमाक्‍त।

गन्‍ती 12:10

मिनु मेको गोस्‍स ताम्‍बु आ तार रे लमेनु, मिरयाम कोव़र मुशा फुं खोदेंशो बुश दुम्‍त। मिनु हारूनमी मिरयाम कली कोव़ङानु, मेको कोव़री दुम्‍ने थुम्‍शो बाक्‍त। ब्‍यवस्‍था २४:९

मत्ती 10:8

रोइ पाइब आन कली सापतीन। बेक्‍शो मुर आन कली सेंपतीन। कोर पाइब आन कली सापतीन। वोल आन कली ग्रुंइशा खेरीन। मेको नेल्‍ल मोशा ताइतीनी। मिनु मोशा गेने। मर्कूस १६:१७

मत्ती 13:58

मेकेर छक लाक्‍चा ङा गेय का निक्‍शी ला पाप्‍तु। मारदे हना मेकोपुकीमी थमा मसुदेम।

मत्ती 14:33

डोंगाम बाक्‍बपुकीम येसु आ ङोंइती बाप्‍शा “थमान, परमप्रभु यावे आ तौ बाक्‍नी बाक्‍त” देंशा सेउ पाम्‍तेक्‍म। मत्ती १६:१६; यूहन्‍ना १:४९

मत्ती 15:25

मीश मुरुम चहिं येसु आ ङोंइती पोक्‍च थेक्‍शा “प्रभु, आं कली वारच प‍यीनी” दे सेउ पाप्‍तु।

मत्ती 18:26

मो देंमेनु ‘हे पिप, गो इच्‍चीन थाम्‍ने मचाप्‍नुङ। दीसा नित्‍थी दोपा हना यो थाप्‍नुङ’ दे खुम्‍की पा बाप्‍शा सेउ पवा बाक्‍त।

मत्ती 2:11

मिनु ओव़शा, आल नु आल आ ममा मरीयम कली तामे बाक्‍त। मिनु आन पोक्‍च थेक्‍शा आल कली ठेयब सेल्‍मे बाक्‍त। मिनु आन कुरशो थैलो प्राक्‍शा, सुन धूप नु ब्रोव़शो रिना पाइब थोव़क ग्रुंइशा ख्रेत्‍तमे बाक्‍त। भजन संग्रह ७२:१०,१५; यसैया ६०:६

मत्ती 20:20

मिनु काबु जब्‍दी तौ आस ममामी आ तौ आस कली चाक्‍शा, येसु कली सेउ पाप्‍तु। मत्ती १०:२

मत्ती 26:6

काबु येसु नु आ शेंसीबपुकी बेथानी ङा कोर पशो सिमोन आ खिंमी खमे जना जन बाक्‍मानु,

मत्ती 28:17

मिनु येसु कली तामेनु, मान पाम्‍तेक्‍म। का निक्‍शीमी चहिं दल्‍गीर पामे बाक्‍त।

मत्ती 28:9

मिनु दोरना दोरन लसानु, मार दुम्‍माक्‍त देंशा हना, येसुमी मेको आस कली ग्रुम्‍सी बाक्‍त। मिनु “आसीक रसील” दे सेत्‍तीम्‍सीनु, आ नेक्‍था जाक्‍शा बाप्‍शा, आ खोइल थिशा मान पदसे बाक्‍त।

मत्ती 4:9

मिनु “गे पोक्‍च थेक्‍शा, आं कली सेउ पाप्‍तीवी हना, एको नेल्‍ल गेनन” देंमाक्‍त। मत्ती १६:२६

मत्ती 8:1

मिनु येसु डांडा रे लेश्‍शा यिमेनु, शुश मुरुमी आ नोले खोदमे बाक्‍त।

मत्ती 8:25

मिनु शेंसीबपुकीमी हिंशा येसु कल पोक्‍शा “प्रभु, गो नेल्‍ल ग्रुम्‍शा बेक्‍चांइतय, है” दे वाइ ब्रेम्‍मा बाक्‍त।

मत्ती 9:18

मोदेंशो शेंना शेंन बाक्‍मेनु, मेकेर ङा ग्रुम्‍तीक खिं ङा ठेयब मुर का जाक्‍शा, पोक्‍च थेक्‍शा बाप्‍शा “आं तमी बेक्‍त। गे आं तमी तारी इन गुइ वोइक्‍तीनी हना, ब्रोंइब” दे सेउ पाप्‍तु।

लूका 4:27

एलीशा आ पालामी यो इस्राएल रागीमी शुश कोव़र पाइब मुर बाक्‍मा बाक्‍त। सुइ मसामा बाक्‍त। सिरीया ङा नामान माइश्‍शो मुर ला सापाइक्‍चा पुंइसे बाक्‍त” दे येसुमी माइक्‍मी बाक्‍त। २राजा ५:१-१४

यूहन्‍ना 9:38

“प्रभु, गो थमा सुइक्‍नुङ” देंशा, पोक्‍च थेक्‍शा, येसु कली ठेयब सेल्‍तु।

प्रेरित 10:14

मिनु पत्रुसमी “हत्‍तेरी ओदेंशो ग्रांग्रा दिचा ङा दोपा ब्‍वचा नमी ङा, प्रभु? ओदेंशो ग्रांग्रा दिचा ङा गो गेनायो मब्‍वशो नङ” देंमाक्‍त। लेवी ११:-; इजीकीएल ४:१४

प्रेरित 10:25

मिनु पत्रुस कोरनेलीयस आ खिं ओव़चवानु, कोरनेलीयसमी पत्रुस आ ङोंइती बाप्‍शा आ खोइल गुप्‍शा सेउ पवा बाक्‍त।

१ कोरिन्‍थी 14:25

आ थुं ङा ख्रुइश्‍शो नेल्‍ल तुइश्‍शा, बाप्‍शा “परमप्रभु यावे ठेयब बाक्‍ब” देंशा, परमप्रभु यावे थमा पा, इन दातेमी बाक्‍ब, दे तुइक्‍ब। यूहन्‍ना १६:८

प्रकाश 19:10

मिनु नोले गो मेको परमप्रभु यावे आ स्‍वर्ग ङा गेय पाइब कली सेउ पचा कली आ खोइलीमी बाप्‍ती। मेकोमी चहिं आं कली “मपावो। गो गे नु इ लोक्‍बपुकी खोदेंशो येसु आ लोव़ पाइब, परमप्रभु यावे आ वाइल नङ। परमप्रभु यावे कली मान पावो। मारदे हना येसु आ लोव़ पाइबपुकीम परमप्रभु यावेमी तुइक्‍पाइश्‍शो लोव़ ला पाइनीम” दे माइक्‍ती। प्रकाश २२:८-९