मत्ती 8:16 - Sunuwar Bible

¹⁶ में नाक्‍दो वोलमी सुम्‍शो शुश मुर आन कली चाक्‍गमे बाक्‍त। मिनु वोल आन कली लोव़ रे खेरमी बाक्‍त। रोइ पाइब नेल्‍ल आन कली सापाइक्‍मी बाक्‍त।

मत्ती 8:16 ပူးပေါင်းရင်းမြစ်များ

प्रस्‍थान 15:26

मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टि‍शा, आं अरेशो लोव़ टीतीनी हना, गो इजीप्‍त रागी ङा मुर आन कली पपाइश्‍शो रोइ इन कली मपपाइक्‍नुङ। मारदे हना गो इन कली सापाइक्‍ब परमप्रभु यावे नङ” देंत। ब्‍यवस्‍था ७:१५; उत्‍पत्ती २०:१७; ब्‍यवस्‍था ३२:३९; भजन संग्रह ३०:३; यसैया ५७:१८

मत्ती 12:22

मिनु मिक्‍च मताइब, नोफा मनेंब, मब्‍वाक्‍ब वोलम तशो मुर का चाक्‍तेक्‍म। मिनु येसुमी मेको कली सापाइक्‍तु। मिनु मिक्‍च ताप्‍तु, लोव़ यो पाप्‍तु।

मत्ती 14:14

मिनु येसु डोंगा रे तोइश्‍शा, शुश मुर देल्‍शो तशा, मेको आन कली शिशी पा रोइ पाइब आन कली सापाइक्‍तीमी।

मत्ती 8:15

मिनु आ गुइ थिवानु, जरोम थु प्रोना बाक्‍त। मिनु छुल बोक्‍शा, येसु कली जचा तूचा गेवा बाक्‍त।

मत्ती 8:33

पोव़ योव़बपुकीमी मो दुम्‍शो तशा, प्रोक्‍शा सहरम जाक्‍दीश्‍शा, मेको वोलम सुम्‍शो आस कली मार दुम्‍मे, मेको नेल्‍ल शोव़ङमे बाक्‍त।

मत्ती 9:2

मिनु मार दुम्‍माक्‍त देंशा हना, आ गुइ खोइल मदुक्‍ब मुर का कली आ ब्राख्‍येमी कुरशा चाक्‍गमे बाक्‍त। मिनु येसुमी “मेको मुर कली चाक्‍बपुकीमी थमा सुइक्‍यीमी बाक्‍त” दे तुइश्‍शा, मेको गुइ खोइल मदुक्‍ब कली “आं तौ, इ पाप क्‍याम्‍साक्‍व। मिनु इ थुं बारपतो” दे मदा बाक्‍त। प्रस्‍थान ३४:६-७; भजन संग्रह १०३:३

मर्कूस 2:3

मिनु ४ जना मुरपुकीमी गुइ खोइल मदुक्‍ब मुर का कुरशा चाक्‍ग्‍मे बाक्‍त।

मर्कूस 5:8

मारदे हना येसुमी वोल कली “ए ग्रांग्रा दिचा ङा वोल, एको मुर रे ग्रूङो” दे माइश्‍शो बाक्‍माक्‍त।

मर्कूस 9:25

मिनु येसुमी शुश मुर आन कली एर ओंथ रे जाक्‍शो तशा, ग्रांग्रा दिचा ङा वोल कली “गे लाटा नु नोफा मनेंब वोल, गेनायो लेंशा मओव़चा ङा पा ग्रूशा लावो” दे हुइश्‍शा, खेरा बाक्‍त।

लूका 13:12

मिनु येसुमी मेको मीश मुर कली तशा “एक पिवो” दे ब्रेत्‍ता बाक्‍त। मिनु पिमेनु “आं तमी, कूंजी दुम्‍शो रे प्रोंइतन” देंशा आ गुइ मेको तारी वोदा बाक्‍त।

लूका 4:40

मिनु नां रिक्‍मेनु, शुश रोइ पाइब आन कली चाक्‍ग्‍मे बाक्‍त। मिनु येसुमी रोइ पाइब आन कली आ गुइ आन तारी चाक्‍शा, नेल्‍ल आन कली सापाइक्‍मी बाक्‍त।

लूका 4:41

शुश मुर रे वोल ग्रुंइदा बाक्‍त। वोल आन कली ग्रुंइदानु, मेकोपुकीमी “परमप्रभु यावे आ तौ ननी” दे ग्रीमा बाक्‍त। तन्‍न येसुमी मेको आन कली लोव़ पचा मगेथु, हुइक्‍तीमी बाक्‍त। मारदे हना मेकोपुकीम “ख्रीस्‍त बाक्ब” दे ङोंइती रे तुइश्‍शो बाक्‍मा बाक्‍त। मत्ती ८:२९; मर्कूस ३:११-१२

प्रेरित 5:15

सोइश्‍शोपुकीमी शुश छक लाक्‍चा ङा गेय पशो तशा, मुरपुकीमी रोइ पाइब आन कली चाक्‍शा, लां पित्‍थ इप्‍पाइश्‍शा, वोइक्‍बाक्‍मा बाक्‍त। मारदे हना पत्रुस मेको लां गाक्‍मेनु, आ वांकुम योइश्‍शा साब, दे मिम्‍शा मो पाइबाक्‍मा बाक्‍त। प्रेरित १९:११-१२