मत्ती 7:2 - Sunuwar Bible

² दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४

मत्ती 7:2 ပူးပေါင်းရင်းမြစ်များ

२ सामुएल 21:5

मिनु मेकोपुकीम पिप कली “सुम आंइ कली खतम पोक्‍गा, आंइ कली रागी रे क्‍याम्‍दा, मेको कली खतम पोक्‍चा कली आंइ गुइम गेने।

भजन संग्रह 109:17

मेकोमी सराप चीले पचा दाक्‍ताक्‍व। मिनु मेको सराप चीले रल। मेकोमी आसीक गेचा मदाक्‍त। मोपतीके आसीक मेको रे ङोन बाक्‍ल।

प्रस्‍थान 21:24

सुइमी अरु आ मिक्‍ची का पुक्‍ताक्‍व हना, मेको यो आ मिक्‍च पुक्‍चा पुंइसीब। सुइमी अरु आ ख्रुइ का जिक्‍ताक्‍व हना, मेको यो आ ख्रुइ जिक्‍चा पुंइसीब। सुइमी अरु आ गुइ जिक्‍ताक्‍व हना, मेको यो आ गुइ जिक्‍चा पुंइसीब। सुइमी अरु आ खोइली का जिक्‍ताक्‍व हना, मेको यो आ खोइली जिक्‍चा पुंइसीब।

यसैया 33:1

आबी, गे खतम पोक्‍ब, मुल सम्‍म गे खतम पोक्‍चा मपुंइसीशो बाक्‍नेवे। गे रोइक्‍ब बाक्‍नेवे। तन्‍न सुइमी मारेइ मरोइक्‍थु, गे खतम पोक्‍चा पुंइसीनेवे। मिनु इ रोइक्‍चा नुप्‍‍त हना, इ मारेइ मारेइ रोइक्‍चा पुंइसीनेवे। मत्ती ७:२

येरमीया 34:17

मोपतीके परमप्रभु यावेमी “गेपुकीम आं देंशो मटिनी। मिनु आंम रागी ङा आंम नेक्‍था ङा मुर नु आंम वारच आन कली वाइलीम वाइल दुम्‍तीक रे मप्रोंइनी। मोपतीके गो मुल इन कली प्रोंइनन्‍नी। गो इन कली तरवार, मुर बेक्‍तीक रोइ नु अन्‍कालम साइक्‍पाइक्‍चा कली प्रोंइनन्‍नी। गो इन कली राज्‍य नेल्‍लेम शुश हिंचा ङा सेल्‍नन्‍नी।

येरमीया 51:24

गो इ ङोंइती बेबीलोन नु कल्‍दी रागीम बाक्‍ब मुर नेल्‍लेम सियोनम मरिम्‍शो पशो आ पर्बम क्‍येक्‍क लेत्‍नुङ” दे परमप्रभु यावेम देंत। येरमीया ५०:२९; अय्‍युब १:१७

ओबदिया 1:15

परमप्रभु यावे आ निसाफ पतीक नाक्‍त रागी रागी ङा मुर नेल्‍ल आन नेक्‍था जाक्‍शो बाक्‍ब। गे दोदेंशो पशो नवे, इ कली मोदेंशोन पांइसीब। इ पशो गेय नेल्‍ल इ पियामीन मोंइसीब। योएल १:१५; येरमीया ५०:१५,२९

मत्ती 6:14

इन कली मरिम्‍शो पाइब आन कली माफ गेतीनी हना, स्‍वर्गमी बाक्‍ब इन आफोमी यो इन कली माफ गेब। मर्कूस ११:२५

मर्कूस 4:24

मिनु येसुमी “गे मार नेंनी, मेको नोफा दाइश्‍शा नेनीने। दोपा नाक्‍शा गेनीनी, मोपा नाक्‍चा पुंइसीनीनी। मत्ती ७:२

लूका 6:38

अरु आन कली मार मार माल्‍मा, मेको गेने। हाइश्‍शो दुम्‍शा गेतीनी हना, गे यो क्‍युप्‍चा ङा पा प्रिंशा ताइनीनी। दोपा पुक्‍शा गेनी, मोपा पुक्‍शा ताइनीनी” दे शेंदीमी बाक्‍त। मर्कूस ४:२४

२ कोरिन्‍थी 9:6

आंम आन दाक्‍स पा, चाप्‍स पा, गेचा चहिं दोदेंशो रुम्‍सीब देंशा हना, वांचेर शोक्‍ग‍मेनु, इच्‍का ला शोक्‍बमी, इच्‍का ला खुप्‍चा ताइब। तन्‍न शुश शोक्‍बमी शुश खुप्‍चा ताइब। हितोपदेस ११:२४-२५; हितोपदेस १९:१७

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६

प्रकाश 18:6

मिनु गे इन कली गेशो श्‍येत मेको कली लेत्‍तीन। श्‍येत का ला ममाइ, निक्‍शी खेयप श्‍येत गेने। इन कली गेशो श्‍येत निक्‍शी खेयप गेचा ठीक दुम्‍ब। भजन संग्रह १३७:८; येरमीया ५०:१५,२९; २थिस्‍सलोनिकी १:६

न्‍यायाधीस 1:7

मिनु अदोनी-बेसेकमी “गुइ खोइल ङा बोंग्‍ये ख्रोइश्‍शो ७० जना पिपमी आं निश्‍शा जतीक रे दोक्‍शो जचा थोव़क जाम्‍तेक्‍म। ङोंइती गो दोदेंशो पङा, मुल परमप्रभुमी आं कली यो मोदेंशोन पाप्‍तु” देंमाक्‍त। मिनु यहूदा ङा मुरपुकीमी मेको पिप कली यरूसलेम चाक्‍गमे बाक्‍त। मिनु मेको मेकेर बेक्‍माक्‍त।

न्‍यायाधीस 5:27

सीसेरा याएल आ खोइलीम बेक्‍त। मेको आ खोइलीमी गोल्‍शा बेक्‍त।

१ सामुएल 15:33

मिनु सामुएलमी “दोपा इ तरवारम मीश मुर आन कली आल मपाइश्‍शो सेला, मोपा इ ममा यो मीश मुर आन दातेमी आल मपाइश्‍शो दुम्‍ब” देंमाक्‍त। मिनु सामुएलमी अगाग कली परमप्रभु यावे आ ङोंइती गिल्‍गालम क्‍योरशा सदा बाक्‍त।