मत्ती 7:16 - Sunuwar Bible

¹⁶ मेको आन पशो गेय तशा, रिम्‍शो नम, दे मरिम्‍शो नम रुम्‍सीब। चू रवामी अङगुर सिप्‍बा ङा? सिउंडी आ बोटमी फोव़शी सिप्‍बा ङा?

मत्ती 7:16 ပူးပေါင်းရင်းမြစ်များ

हितोपदेस 20:11

मिनु आल यो आन पतीकेमी दोदेंशो दुम्‍‍नीमी मेको कोंइनीम। ठीक पाइब नु रिम्‍शो थुं पाइश्‍शो आल बाक्‍ब, दे तुंइसीब। हितोपदेस २२:६

मत्ती 12:33

ब्रोव़शो फल सिप्‍ब रवा ख्रुम्‍तीनी हना, ब्रोव़शो फल सिप्‍ब। मब्रोव़शो फल सिप्‍ब रवा ख्रुम्‍तीनी हना, मब्रोव़शो फल सिप्‍ब। फल थाम्‍शा रिम्‍शो रवा बाक्‍म, दे मरिम्‍शो रवा बाक्‍म मेको तुंइसीब। मत्ती ७:१६-१८

मत्ती 7:20

मोपतीके मेको आन सिश्‍शो फल तशा, रिम्‍शो नमी, दे मरिम्‍शो नमी तुइक्‍नीनी।

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

याकूब 2:18

मुर का निक्‍शीमी “गे थमा सुइक्‍ब दुम्‍तीनी। गो चहिं परमप्रभु यावे आ गेय पाइब दुम्‍तक। मोपतीके इन थमा सुइश्‍शो कोंइदीन। इन गेय कोंइचा ममाल्‍नीनी। गो यो आंइ पशो गेय रे आंइ थमा सुइक्‍तीके कोंइनीकी” देंने चाप्‍नीम। गलाती ५:६

याकूब 3:12

आं लोक्‍बपुकी, फोव़शी रवामी तेल रवा आ फल मसिप्‍ब। अङगुर रवामी फोव़शी मसिप्‍ब। मेको खोदेंशो पा हिक्‍सी ङाम्‍शो ब्‍वाक्‍कु रे ब्रोव़शो ब्‍वाक्‍कु ग्रूने मचाप्‍ब।

१ सामुएल 24:13

साइ ङोंइती ङा लोव़मी ‘मरिम्‍शोमी मरिम्‍शोन जाक्ब’ देंशो बाक्‍ब। मो हना यो गो आं गुइ इन पर्बम मक्‍युक्‍नुङ। रोमी १२:१९; १ पत्रुस २:२३