मत्ती 7:14 - Sunuwar Bible

¹⁴ गेना हना यो ब्रोंइतीक लतीक ङा लाप्‍चो आइक्‍च नु आ लां गाक्‍चा श्‍येत बाक्‍ब। मेको लां थिप्‍बपुकी का निक्‍शी ला बाक्‍नीम। मत्ती १९:२४; प्रेरित १४:२२

मत्ती 7:14 ပူးပေါင်းရင်းမြစ်များ

भजन संग्रह 16:11

गे आं कली ब्रोंइतीक लां कोंइनीनी। गो इन ङोंइती बाक्‍ङानु, आं थुं ग्‍येरतीकेम ब्रीब। इन ग्‍युरा गे बाक्‍ङानु, गेना हना यो थम रिम्‍शो दुम्‍नुङ” दे लोव़ पाता।

हितोपदेस 8:20

गो ठीक पतीक लां गाक्‍नुङ। ठीक निसाफ पाइनुङ।

यसैया 30:21

मिनु गेपुकीमी “ग्‍युरा लां लङ कों, पेरा लां लङ” देंनीनु, इन नोले लोव़ कामी “लां मेकोन बाक्‍ब, मेको लां गाक्‍कीन” देंशो नेंनीनी। ब्‍यवस्‍था ५:३२

यसैया 35:8

मेकेर ठेयब लां का दुम्‍ब। मेको लां कली “परमप्रभु यावे आ लां बाक्‍ब” दे नें वोइक्‍नीम। ग्रांग्रा दिशो मुर मेको लां लचा मताइनीम। परमप्रभु आ मुर ला मेको लां लचा ताइनीम। सु सु मेको लां लाइनीमी, मेकोपुकी मूर्ख बाक्‍तेक्‍म हना यो, मजाम्‍नीम। यसैया ५६:३-८; येरमीया ३१:८

यसैया 57:14

मिनु परमप्रभुमी “सेलीन, सेलीन। रिम्‍शो लां सेलीने। आं मुर आन गाक्‍तीक लां ङा दाइल पाइब फुल्‍लु याक्‍तीन” देंत। यसैया ४०:३; यसैया ६२:१०

येरमीया 6:16

मिनु परमप्रभु यावेम मार, देंत देंशा हना “लां ब्रा‍तीकेम राप्‍शा कोव़ङीन। माइत लां आ पर्बम हिल्‍लो पने। मेको रिम्‍शो लां ते बाक्‍बा, दे हिल्‍लो पने। मिनु मेको लांमीन गाक्‍कीन। मिनु इन थुं ना‍इक्‍चा ताइनीनी। तन्‍न मेकोपुकीम ‘गो मेक मगाक्‍नीकी’ देंनीम। मत्ती ११:२९

मत्ती 20:16

मोदेंशो पान, नोले दुम्‍बपुकी ङोंइती दुम्‍नीम, ङोंइती दुम्‍बपुकी नोले दुम्‍नीम” दे शेंताक्‍मी।

मत्ती 22:14

ब्रेत्‍चा पुंइसीशो मुर शुश बाक्‍नीम, योव़शो चहिं का निक्‍शी ला बाक्‍नीम” दे येसुमी शेंताक्‍मी।

मत्ती 7:13

आइक्‍च लाप्‍चो रे ओव़ङीन। मारदे हना जाम्‍शा लतीक लाप्‍चो ठेयब नु लां ब्रेम्‍शो नु ग्‍युप्‍शो बाक्‍ब। मोपतीके शुश मुर मेकेर गाक्‍नीम। लूका १३:२४

मत्ती 7:15

होस पांइसीने। मारदे हना परमप्रभु यावे आ लोव़ दूली शेंबपुकी बोक्‍नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्‍नीम। मत्ती २४:४,५,२४; २कोरिन्‍थी ११:१३-१५

मर्कूस 8:34

मिनु आ शेंसीबपुकी नु मेकेर देल्‍शो आन कली ब्रेश्‍शा “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आं नोले खोइय्‍यील।

लूका 12:32

गे आइक्‍च बगाल, महिनीन। मारदे हना इन आफोमी इन कली आ राज्‍यम वोइक्‍चा दाक्‍ब। लूका २२:२९

यूहन्‍ना 16:2

मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९

यूहन्‍ना 16:33

आं कली मिम्‍शा इन थुं नाइश्‍शा बाक्‍कीन, दे एको लोव़ शेंताक्‍न्‍नी। गेपुकी रागीम बाक्‍शा, श्‍येत जाइनीनी। तन्‍न थुं बारपाइश्‍शा ग्‍येरसीने। गो रागी कली ग्राती” देंत। यूहन्‍ना १४:२७; रोमी ५:१; १यूहन्‍ना ५:४

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

रोमी 9:32

मारदे ठीक दुम्‍ने मचबेम देंशा हना, थमा सुइश्‍शोमी ठीक दुम्‍चा ममालेम, रिती थिती ङा गेय रे ठीक दुम्‍चा माल्‍तेक्‍म। मोपतीके दाइल पाइब फुल्‍लुमी राम्‍साक्‍म। मत्ती २१:४१,४४; १पत्रुस २:८