मत्ती 6:9 - Sunuwar Bible

⁹ ओदें प्रार्थना पने ‘स्‍वर्गम बाक्‍ब आंइ आफ, इन नें ठेयब बाक्‍ल। लूका ११:२-४; इजीकीएल ३६:२३

मत्ती 6:9 ပူးပေါင်းရင်းမြစ်များ

२ सामुएल 7:26

मुर नेल्‍ल आन परमप्रभु यावे इस्राएली आन परमप्रभु बाक्‍ब। मिनु इन गेय पाइब दाऊद आ खिं गेना हना यो इन ङोंइती लीब, दे इन नें गेना हना यो ठेयब सेल्‍नीम।

१ राजा 8:43

गे मेको आन लोव़ इन बाक्‍तीक स्‍वर्ग रे नेंशा, मेको अर्को रागी ङा मुर आन पुंइशो नेल्‍ल गेने। मिनु इन मुर इस्राएली खोदेंशो पा रागी ङा मुर नेल्‍लेम इन नें तुइक्‍तमेक्‍ल। मिनु इन कली मान पा हिंमल। गे एको आं सेल्‍शो खिंम बाक्‍नीनी, दे तुइक्‍तमेक्‍ल।

१ इतिहास 17:24

मिनु इन पशो गेय ठेयब दुम्‍चा कली मेको गेना हना यो लील। मिनु मुर नेल्‍ल आन परमप्रभु यावे, इस्राएली आन परमप्रभु बाक्‍ब। मिनु इन गेय पाइब दाऊद आ खिं इन ङोंइती बोल्‍यो दुम्‍शा लीब।

२ इतिहास 20:6

“आंइ परमप्रभु यावे, आंइ किकी पिपी आन परमप्रभु गे स्‍वर्गम बाक्‍ब परमप्रभु मननी ङा? गे रागी रागी ङा राज्‍य सासन पाइब मननी ङा? सक्ति नु अधिकार नेल्‍ल इन के बाक्‍ब। गे इन क्‍येङा ग्राब सुइ मबाक्‍नीम। उत्‍पत्ती १८:२५; १इतिहास २९:१२

नेहेम्‍याह 9:5

मिनु लेवी येशुआ, कदमीएल, बानी, हशाब्‍नैयाह, शेरेब्‍याह, होदीयाह, शेबान्‍याह नु पेथायाहमी मुर आन कली “बोक्‍कीन, गेना हना यो बाक्‍ब परमप्रभु यावे, इन परमप्रभु कली ठेयब सेलीन। ‘इन नें ठेयब बाक्‍ब। नेल्‍ल आन ठेयब सेल्‍तीके आन क्‍येङा इन नें ठेयब सेल्‍चा पुंइसीशो बाक्‍ब’ देंचा माल्‍नीनी” देंतेक्‍म।

भजन संग्रह 111:9

मेकोमी आ मुर आन कली श्‍येत रे प्रोंइतु। मेकोमी आ पशो कबल गेनायो मक्‍याम्‍चा कली सेल्‍शो बाक्‍त। मेको आ नें का ला मान पा हिंचा ङा बाक्‍ब।

भजन संग्रह 115:3

आंइ परमप्रभु स्‍वर्गम बाक्‍ब। मेकोमी मार दाक्‍ता, मेको पाइब।

भजन संग्रह 72:18

परमप्रभु, परमप्रभु यावे, इस्राएली आन परमप्रभु ठेयब बाक्‍ब। मेकोमी ला छक लाक्‍चा ङा गेय पाइब। भजन संग्रह ४१:१४

यसैया 37:20

परमप्रभु यावे, आंइ परमप्रभु, मुल आंइ कली सन्‍हेरीब आ गुइ रे प्रोनीन। रागी नेल्‍ल ङा मुरपुकीम गे ला परमप्रभु यावे बाक्‍नीनी, दे तुइक्‍तमेक्‍ल” दे पुंइशा, लोव़ पाप्‍‍तु। यसैया ४०:५; दानीएल ६:२७

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 6:3

मिनु सेराफ कामी अर्को सेराफ कली “मुर नेल्‍ल आन परमप्रभु यावे का ला ठेयब सक्ति पाइश्‍शो बाक्‍ब। रागी नेल्‍ले आ छेङछेङम ब्रीशो बाक्‍ब” देंत। प्रकाश ४:८

यसैया 63:16

गे आंइ आफ बाक्‍नीनी। मिनु अब्राहाममी आंइ कली मतुइश्‍‍शो बाक्‍त। इस्राएलम आंइ कली मतव। गे, परमप्रभु यावे, आंइ आफ, आंइ श्‍येत रे प्रोंइब बाक्‍नीनी। मेको साइ रे इन नें बाक्‍ब। ब्‍यवस्‍था ३२:६

यसैया 64:8

मो हना यो परमप्रभु यावे, गे आंइ आफ बाक्‍नीनी। गो खप नकी, गे खप के ग्‍योंब सेल्‍ब बाक्‍नीनी। गो नेल्‍ले इन सेल्‍शो नकी।

यसैया 66:1

मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४

इजीकीएल 36:23

गो आं ठेयब नें लेंशा रिम्‍शो सेल्‍नुङ। मेको रागी ङा मुर आन दातेम मरिम्‍शो सेल्‍शो बाक्‍त। मिनु रागी रागी ङा मुरपुकीम गोन परमप्रभु, परमप्रभु यावे नङ, दे तुइक्‍नीम। मत्ती ६:९; इजीकीएल ३७:२८

इजीकीएल 38:23

मोपा गो आं ठेयब दुम्‍तीक नु गो आं बाक्‍शो परमप्रभु बाक्‍नुङ, दे कोंइनुङमी। मिनु शुश रागी ङा मुर आन ङोंइती आं कली तुइक्‍पांइसीनुङ। मेना मेकोपुकीम गोन परमप्रभु यावे नङ, दे तुइक्‍नीम” देंत।

लेवी 10:3

मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।

हबकुक 2:14

तन्‍न रागी नेल्‍ल परमप्रभु यावे आ सक्ति ङा तुइक्‍तीकेम ब्रीशो बाक्‍ब। ब्‍वाक्‍कुमी समुन्‍द्र ब्रीशो खोदेंशो पा ब्रीशो बाक्‍ब” देंत। यसैया ११:९

जकरिया 14:9

परमप्रभु यावे रागी नेल्‍ल ङा पिप दुम्‍ब। मेको नाक्‍त परमप्रभु यावे का ला बाक्‍ब। आ नें यो का ला बाक्‍ब। भजन संग्रह ९७:१; प्रकाश ११:१५

मलाकी 1:11

“नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७

मत्ती 10:29

अस्‍सारीयोन कामी भंगेरा निक्‍शी मग्‍याम्‍सीबा ङा? मो हना यो इन आफोमी मदेंथु, का यो खपीम मदोक्‍ब।

मत्ती 23:9

एको रागीमी सुइ आन कली आफ मदेनीने। मारदे हना इन आफ का ला स्‍वर्गम बाक्‍ब।

मत्ती 26:29

मुल ङा मेरे एको अङगुर रस मतूनुङ, नोले नेल्‍ल नक दुम्‍शा, आं आफ आ राज्‍यमी गेपुकी नु काथा बाक्‍शा ला तूनुङ, दे इन कली देंनुङ” दे माइक्‍तीमी। भजन संग्रह ११३:-११८:-

मत्ती 26:42

मिनु लेंशा इच्‍का आइक्‍ची लशा “आं आफ, गोमी एको मतूथु सोइक्‍चा मदुम्‍बाक्‍त हना, इन दाक्‍शो दुम्‍ल” दे प्रार्थना पवा बाक्‍त।

मत्ती 5:16

मेको ब्रशो बत्ती खोदेंशो पा गेमी इन रिम्‍शो गेय रे पा इन छेङछेङ मुर आन कली कोंइदीने। मिनु इन रिम्‍शो पशो तशा, स्‍वर्गमी बाक्‍ब इन आफ कली ठेयब सुइश्‍शा मान पाइनीम। फि‍लिप्‍पी २:१४-१५; यूहन्‍ना १५:८; एफिसी ५:८-९

मत्ती 5:48

मोपतीके दोपा इन स्‍वर्ग ङा आफोमी रिम्‍शो पाइबा, मोपा गे यो रिम्‍शो पने। लेवी १९:२

मत्ती 6:14

इन कली मरिम्‍शो पाइब आन कली माफ गेतीनी हना, स्‍वर्गमी बाक्‍ब इन आफोमी यो इन कली माफ गेब। मर्कूस ११:२५

मत्ती 6:6

गे चहिं परमप्रभु यावे कली प्रार्थना पनीनु, इन खिं ओव़शा, लाप्‍चो चोक्‍शा, सुइ आन मतुइक्‍थु, ख्रुइश्‍शोमी बाक्‍ब इन आफ कली प्रार्थना पने। मिनु ख्रुइश्‍शो यो नेल्‍ल तुइक्‍ब इन आफोमी इन कली इनाम गेब।

मत्ती 7:11

गेपुकी मरिम्‍शो बाक्‍तीनी हना यो, इन तमी तौ आन कली रिम्‍शो थोव़क गेस जोक्‍नीनी। इन पशो क्‍येङा स्‍वर्गमी बाक्‍ब इन आफोमी आ कली पुंइब आन कली रिम्‍शो थोव़क मगेब ङा?

लूका 15:18

मुल गो आं आफ आ खिं लेत्‍नुङ। मिनु आं आफ कली “गो परमप्रभु यावे आ देंशो मटिङ। इन देंशो यो मटिङ। भजन संग्रह ५१:६; येरमीया ३:१२-१३

लूका 15:21

मिनु मेकोमी ‘आं आफ, गो परमप्रभु यावे आ देंशो मटिङ। इन देंशो यो मटिङ। मोपा मटितीके पापम ग्रुम्‍ती। इन तौ देंचा मशिरनुङ’ देंमाक्‍त।

लूका 2:14

“नेल्‍ल क्‍येङा इर ङा परमप्रभु यावे नेल्‍ल क्‍येङा ठेयब बाक्‍ब। आ दाक्‍शो मुर आन कली थुं नाइश्‍शा बाक्‍चा गेब” दे कुम्‍सो पामे बाक्‍त। लूका १९:३८; गन्‍ती ६:२६; एफिसी २:१४,१७

यूहन्‍ना 20:17

मिनु येसुमी “मग्‍याइक्‍ती। मारदे हना मुल सम्‍म आं आफ आ बाक्‍तीक मलङ। आं लोक्‍ब आन बाक्‍तीक लशा, मेको आन कली ‘गो इं आफ, परमप्रभु यावे आ बाक्‍तीक लाइनुङ’ गे मेको आन कली शेंदो” दे माइक्‍तु। हिब्रू २:११-१२

रोमी 1:7

गे योव़चा पुंइसीशा, परमप्रभु यावे आ दाक्‍शो रोम सहरम बाक्‍बपुकी इन कली एको लोव़ ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल। १कोरिन्‍थी १:२; २कोरिन्‍थी १:१-२; एफिसी १:१; गन्‍ती ६:२४-२६

रोमी 8:15

मारदे हना गेपुकी परमप्रभु यावे कली हिंब थुं ताक्‍शा, वाइल मबाक्‍नीनी। गोपुकी आ तमी तौ दुम्‍‍तीके मेको कली “आब्‍बा, आं दाक्‍शो आफ” दे ब्रेत्‍नय। गलाती ४:५-६; २तिमोथी १:७

गलाती 1:1

गो सोइश्‍शो ब्रेत्‍चा पुंइसीशो पावल नङ। आं शेंतीके लोव़ मुर आन लोव़ ममाइ। मुरपुकीम सोइश्‍शो यो मनङ। येसु ख्रीस्‍त कली बेक्‍शो रे सेंब इं आफ परमप्रभु यावे नु येसु ख्रीस्‍त आस सोइश्‍शो नङ। गलाती १:११-१२

गलाती 4:6

गो आ तमी तौ दुम्‍शोपुकी परमप्रभु यावेमी आ तौ आ सोक्‍त गेचा पुंइसाक्‍य। मेको सोक्‍तीमी “आब्‍बा, आं दाक्‍शो आफ” देंब। रोमी ८:१५

१ तिमोथी 6:16

मेको ला गेनायो मबेक्‍ब। सुइ आन कोव़ने मचाप्‍चा ङा पा छेङछेङमी बाक्‍ब। सुइमी मेको कली गेनायो मताम। तने यो मचाप्‍नीमी। मेको मान तशा नेल्‍ल क्‍येङा सक्ति पाइश्‍शो बाक्‍ब। आमेन। प्रस्‍थान ३३:२०; यूहन्‍ना १:१८

१ पत्रुस 1:17

गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२

प्रकाश 4:11

“गे प्रभु, आंइ परमप्रभु यावे ननी। गे सक्ति पाइश्‍शा, छेङछेङम बाक्‍शा, मान ताइब बाक्‍नीनी। मारदे हना गे मारेइ मारेइ सेल्‍तीनी, मोपा इन दाक्‍शा सेल्‍शो मुल सम्‍म बाक्‍ब” दे कुम्‍सो पना पन बाक्‍तेक्‍म।

प्रकाश 5:12

मिनु मेकोपुकीमी “मेको साइक्‍चा पुंइसीशो पाठा का ला सक्ति पाइश्‍शो, शोंप पाइश्‍शो, जोक्‍तीक तुइक्‍तीक, बोल, मान, छेङछेङ नु रिम्‍शो पाइब बाक्‍नीनी देंचा शिरशो बाक्‍ब” दे ठेयब सेंदामी देंतेक्‍म। १इतिहास २९:११; फिलिप्‍पी २:९-१०