मत्ती 6:31 - Sunuwar Bible

³¹ मोपतीके मार जचा, मार तूचा, मार फेक्‍चा, दे ममिम्‍तीने।

मत्ती 6:31 ပူးပေါင်းရင်းမြစ်များ

२ इतिहास 25:9

मिनु अमस्‍याहम परमप्रभु आ मुर कली “इस्राएली लडाइ पाइब आन पर्बम गेशो मेको सहे का टलेन्‍ट चांदी आ पर्बम गो मार पाइनुङा?” दे हिल्‍लो पवा बाक्‍त। मिनु परमप्रभु आ मुरुम “परमप्रभु यावेम इन कली मेको क्‍येङा यो शुश गेने चाप्‍ब” देंमाक्‍त।

भजन संग्रह 111:5

मेकोमी आ कली मान पा हिंब आन कली जचा गेब। मिनु आ पशो कबल गेना हना यो मिम्‍ब। भजन संग्रह १४५:१५

भजन संग्रह 37:3

परमप्रभु यावे कली जिम्‍मा गेंसीशा, रिम्‍शो पने। रागीम रिम्‍शो दुम्‍शा बाक्‍चा ताइनीनी।

भजन संग्रह 55:22

इन थुं ङा श्‍येत नु मार पचा दो पचा देंतीके परमप्रभु यावे आ ङोंइती वोतीन। मिनु मेकोमी इन कली कुक्‍ब। मेकोमी ठीक पाइब आन कली गेनायो हिम्‍सीचा मगेब। १पत्रुस ५:७

मत्ती 15:33

मिनु मेकोपुकीमी “गोरशो रागी मारेइ मबाक्‍तीकेमी इश्‍का मुर आन कली मार जचा गेचा नमी ङा?” देंतेक्‍म।

मत्ती 4:4

मिनु येसुमी “परमप्रभु यावे आ लोव़मी ‘मुर जशा ला मब्रोंइनीम, परमप्रभु यावे आ देंशो लोव़मी यो ब्रोंइनीम’ दे ब्रेक्‍शो बाक्‍त” दे लोव़ लेत्‍ता बाक्‍त। ब्‍‍यवस्‍था ८:३

मत्ती 6:25

मोपतीके गो ‘मार जचा, मार तूचा, मार फेक्‍चा’ दे ममिम्‍तीने। मारदे हना जचा तूचा क्‍येङा ब्रोंइचा ठेयब बाक्‍ब। फेक्‍तीक क्‍येङा रां ठेयब बाक्‍ब। लूका १२:२२-३१; फिलिप्‍पी ४:६; १पत्रुस ५:७

मत्ती 6:27

गेपुकीमी सुर्ता पा, इन रां हात का लाइश्‍शो सेल्‍ने चाप्‍नीनी ङा?

लूका 10:41

मिनु येसुमी मारथा कली “मारथा, आं लोव़ नेनो। इ थुंमी ग्‍येत्‍थ लुक्‍च मिम्‍शा, पीर पाइबाक्‍ते।

लूका 12:11

इन कली आन ग्रुम्‍तीक खिं ङा ठेयब मुर नु हुकुम पाइब आन ङोंइती लाइश्‍शा राप्‍पदमेनु ‘मुल मार देंचा, मार लोव़ लेत्‍चा’ दे सुर्ता मपने।

लूका 12:22

मिनु आ शेंसीब आन कली “मार जचा, मार फेक्‍चा, दे सुर्ता मपने।

लूका 12:29

मार जचा मार तूचा, दे थुंमी सुर्ता मपने।

फिलिप्‍पी 4:6

सुर्ता मपने। परमप्रभु यावे नु लोव़ पा, इन माल्‍शो पुंइशा “गे रिम्‍शो पाइब बाक्‍नीनी” दे परमप्रभु यावे कली देनीन। मत्ती ६:२५-३४; १पत्रुस ५:७

१ पत्रुस 5:7

गेपुकीमी “मार जाइनीकी? मार तूनीकी? मार फेक्‍नीकी? मार दुम्‍नीकी?” दे हिंशा, सुर्ता पचा ममाल्‍नीनी। मारदे हना परमप्रभु यावेमी इन कली कोव़ब। भजन संग्रह ५५:२१; मत्ती ६:२५; फिलिप्‍पी ४:६