मत्ती 6:19 - Sunuwar Bible

¹⁹ एको रागीमी शोंप खुप्‍शा, खेक्‍शा मवोतीने। मारदे हना बुस्‍सुम ख्रोइक्‍ब, खिया जोइब, खुइपुकीमी खुइ पाइनीम।

मत्ती 6:19 ပူးပေါင်းရင်းမြစ်များ

अय्‍युब 24:16

खुइपुकी नाक्‍दो खिं प्रोल्‍शा ओव़नीम। मिनु नाक्‍त ख्रुंइसीनीम। मिनु मेकोपुकीम छेङछेङ मतुइक्‍नीम।

अय्‍युब 31:24

गो सुन कली थमा सुइश्‍शो नङ हना, क्‍येख सुनमी आं कली रिम्‍शो ब्रोंइचा गेब, दे मिम्‍शो नङ हना, भजन संग्रह ५२:९

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

भजन संग्रह 62:10

मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। मत्ती १९:२२; लूका १२:१५-२१; १तिमोथी ६:९,१७

प्रस्‍थान 22:2

मिनु खुइ कली खुइ पना पन थित्‍तेक्‍म हना, मेको कली तुप्‍शा साइक्‍तेक्‍म हना, साइक्‍ब साइक्‍चा ङा सजाइ गेचा मपुंइसीनीम।

हितोपदेस 11:4

गाइश्‍शो नाक्‍ती शुश शोंप शोर गाक्‍शो दुम्‍‍ब। तन्‍न ठीक प‍तीकेमी बेक्‍तीक रे प्रोंइब। लूका १२:२०; हितोपदेस १०:२

हितोपदेस 16:16

क्‍येख सुन तचा क्‍येङा तुइक्‍‍तीक तचा रिम्‍शो बाक्‍ब। चांदी तचा क्‍येङा रुप्‍‍तीक तचा रिम्‍शो बाक्‍ब।

उपदेसक 2:26

परमप्रभुमी आ दाक्‍शो मुर कली जोक्‍तीक तुइक्‍तीके नु रुप्‍शा ग्‍येरतीक थुं गेब। तन्‍न मरिम्‍शो पाइब आन कली खुप्‍तीक नु तेल्‍तीक गेय पपाइक्‍ब। मिनु नोले मेको नेल्‍ल आ दाक्‍शो मुर आन कली गेब। मेको यो जाम्‍शा लाइब नु फश कली खेदा पशो खोदेंशो ला बाक्‍ब। हितोपदेस १३:२२; हितोपदेस २८:८

सेफन्‍याह 1:18

परमप्रभु यावे गाइक्‍ची नाक्‍ती मेको आन चांदीमी मप्रोंइब। मेको आन सुनमी यो मेको आन कली प्रोंइने मचाप्‍ब। मेको आ मी खोदेंशो पा गाइक्‍तीकेमी रागी नेल्‍ल क्रोइक्‍ब। मेकोमी रागीम बाक्‍ब नेल्‍ल आन कली थम मरिम्‍शो पा साइश्‍शा क्‍याम्‍ब” दे परमप्रभु यावेमी देंत। इजीकीएल ७:१९

मत्ती 19:21

येसुमी “मेको ङा लाक्‍शा पचा दाक्‍तावी हना, लशा इ शोंप नेल्‍ल लेयशा, जचा फेक्‍चा मताइब आन कली योक्‍शा गेमी। मिनु लेश्‍शा, आं नोले खोइय्‍यी। मो पाप्‍तीवी हना, इ कली स्‍वर्गम शोंप वोइश्‍शो बाक्‍ब” देंत। मत्ती ६:२०; लूका १२:३३

मत्ती 6:20

स्‍वर्गमी इन शोंप वोतीने। मेकेर बुस्‍सुम मख्रोइक्‍ब, खिया मजोइब, खुइपुकीमी यो खुइ मपाइनीम। मत्ती १९:२१; लूका १२:३३-३४; कलस्‍सी ३:१-२

लूका 12:21

परमप्रभु यावे कली ममिम्‍थु, शोंप ला मिम्‍ब मुर नेल्‍ल मोदेंशो दुम्‍नीम” दे शेंदीमी बाक्‍त। मत्ती ६:२०

लूका 12:33

इन के बाक्‍शो लेयशा, मथीब आन कली योक्‍शा गेने। मो पनीनु, स्‍वर्गम इन शोंप लीब। मिनु मेको मोपा वोइश्‍शो शोंप खुइमी खुइ पने मचाप्‍नीम, खिया मजोइब मराक्‍ब, गेनायो मजाम्‍ब। लूका १८:२२

लूका 12:39

नेनीने, खिं ङा मुरुमी ‘मुल खुइ जाक्‍नीम’ दे तुइश्‍शो नम हना, मेकोम खिं मप्रोंइथु मइप्‍थु बाक्‍शा, खुइ पचा मगेम वा। १थिस्‍सलोनिकी ५:२

लूका 18:22

मिनु येसुमी “नेल्‍ल पाप्‍तीवी, का चहिं मपवी। इ शोंप नेल्‍ल लेयशा, क्‍येट मथीब आन कली योक्‍शा गेमी। मिनु आं नोले खोइय्‍यी। मिनु इ शोंप स्‍वर्गम बाक्‍ब” देंमाक्‍त। मत्ती ६:२०

लूका 18:24

येसुमी मेको आ थुं खाइश्‍शो तुइश्‍शा, मिक्‍च मयाक्‍थु कोव़शा “शुश शोंप पाइश्‍शो मुर परमप्रभु यावे आ राज्‍य ओव़चा गिश श्‍येत बाक्‍मे। लूका १९:९

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

हिब्रू 13:5

क्‍येट चेम्‍चा गे इन थुं महिरदीने। गेपुकी नु मार मार बाक्‍मा, मेको मोशोमीन इन थुं नाइश्‍शा बाक्‍कीन। मारदे हना मेकोमी “गे नु बाक्‍नुङ, मिनु गेनायो मप्रोंइनन” देंब। यहोसु १:५; १तिमोथी ६:६