मत्ती 6:1 - Sunuwar Bible

¹ होस पांइसीने, मुर आन ङोंइती कोंइचा कली प्रुङग आन कली शिशी मपने। मारदे हना मोदेंशो पाइब आन कली स्‍वर्गम बाक्‍ब इन आफोमी इनाम मगेब।

मत्ती 6:1 ပူးပေါင်းရင်းမြစ်များ

२ राजा 10:16

मिनु येहूम मेको कली “गे गो नु पिने। मिनु परमप्रभु यावे कली आं जोंब बोक्‍शा गेय पशो कोव़ङीन” दे मदा बाक्‍त। मिनु मेकोम मेको कली आ बग्‍गीम लदा बाक्‍त।

२ राजा 10:31

मो हना यो येहूम आ थुं नेल्‍लेम होस पा परमप्रभु यावे, इस्राएली आन परमप्रभु आ अरेशो मटिवा बाक्‍त। मेकोमी इस्राएली आन कली पाप पपाइक्‍ब येरोबाम आ पाप पतीक मप्रोना बाक्‍त।

भजन संग्रह 112:9

मेकोपुकीमी हाइश्‍शो थुं पा प्रुङग आन कली मार मार गेम्‍तेक्‍म। मेको आन ठीक पतीके गेना हना यो लीब। मेको मान ताइब बाक्‍नीम। २कोरिन्‍थी ९:९

इजीकीएल 33:31

मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१

दानीएल 4:27

हजुर पिप, मोपतीके आं गेशो अर्ती इन कली दुम्‍ल। इन पाप कली ठीक पतीकेमी क्‍याम्‍दीन। मिनु इन मरिम्‍शो पशो, श्‍येत जाइब आन कली शिशी पतीकेमी क्‍याम्‍दीन। मो पाइतीनी हना, इन रिम्‍शो बाक्‍तीक शुश नाक्‍त सम्‍म लीब” देंत। हितोपदेस १९:१७; मत्ती ५:७

जकरिया 13:4

मेको नाक्‍ती नोले दुम्‍ब लोव़ पाइब नेल्‍ल आंम तशो नु आंम लोव़ आ पर्बम मुने पाइनीम। मेकोपुकीमी दलओंठ आ चां के प्रोव़शो वा मफेक्‍नीम।

जकरिया 7:5

“रागी ङा मुर नेल्‍ल नु चढ़ेब आन कली ‘गेपुकीमी मेको ७० बर्स ङा ५ नु ७ महिनामी रोंका पा माइजा बाक्‍तीनी। मार गे मेको आं पर्बम पनी ङा? यसैया ५८:५

मत्ती 16:27

रागीम जरमेशो आ आफ आ दारसमी परमप्रभु यावे आ स्‍वर्ग ङा गेय पाइबपुकी नु जाक्‍ब। मिनु मुर आन गेशो पशो कोव़शा, आन गेशो का का पा लेश्‍शा गेब। रोमी २:६

मत्ती 16:6

मिनु येसुमी “फरिसी नु सदुकी आन शोब्‍लेमी सुप्‍शो बोरपाइक्‍ब ओख्‍ती रे होस पांइसीने” दे माइक्‍तीमी। लूका १२:१

मत्ती 23:13

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।

मत्ती 23:5

मार मार पामेनु, मुर आन ङोंइती ला पाइनीम। ठेयब टालोमी परमप्रभु यावेमी अरेशो लोव़ ब्रेक्‍शा आन फेक्‍शो वामी केप्‍नीमी। मिनु आन वामी लाइश्‍शो झुम्‍का क्‍युक्‍सीनीम। मत्ती ६:१; गन्‍ती १५:३८-३९

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

मत्ती 5:16

मेको ब्रशो बत्ती खोदेंशो पा गेमी इन रिम्‍शो गेय रे पा इन छेङछेङ मुर आन कली कोंइदीने। मिनु इन रिम्‍शो पशो तशा, स्‍वर्गमी बाक्‍ब इन आफ कली ठेयब सुइश्‍शा मान पाइनीम। फि‍लिप्‍पी २:१४-१५; यूहन्‍ना १५:८; एफिसी ५:८-९

मत्ती 5:46

इन कली दाक्‍ब आन कली ला दाक्‍ताक्‍नी हना, मार इनाम ताइनीनी ङा? तिरो पोक्‍बपुकीमी यो मो मपाइनीम ङा?

मत्ती 5:48

मोपतीके दोपा इन स्‍वर्ग ङा आफोमी रिम्‍शो पाइबा, मोपा गे यो रिम्‍शो पने। लेवी १९:२

मत्ती 6:16

बर्त बाक्‍नीनु, राव कीशो कुल मसेलीने। कपटीपुकीमी आंइ बर्त बाक्‍शो तांइसेक्‍ल, दे आन कुल राव कीपा कोंइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब। यसैया ५८:५-६

मत्ती 6:9

ओदें प्रार्थना पने ‘स्‍वर्गम बाक्‍ब आंइ आफ, इन नें ठेयब बाक्‍ल। लूका ११:२-४; इजीकीएल ३६:२३

मर्कूस 8:15

मिनु येसुमी आ शेंसीब आन कली “नेनीने, फरिसीपुकी नु पिप हेरोद आन बोरपाइक्‍ब ओख्‍ती क्‍येङा होस पांइसीन” दे माइक्‍मी बाक्‍त। लूका १२:१; मर्कूस ३:६

लूका 11:35

मोपतीके होस पांइसीने, इन रां ङा छेङछेङ छिङछिङ मदुम्‍ल।

लूका 12:1

मिनु हजार, हजार मुर खुम्‍सीशा, नेम्‍मुशा, चुमुशा, येसु आ लोव़ नेंथ जाक्‍मा बाक्‍त। मिनु येसुमी आ शेंसीब आन कली “फरिसी आन बोरपाइक्‍तीक ओख्‍ती रे होस पा बाक्‍कीन। मेको आन जोल पा शेंतीक बाक्‍ब। मत्ती १६:६; मर्कूस ८:१५

लूका 12:15

मिनु नोले मुर आन कली “नेनीन, होस पा बाक्‍कीन। शिंम मदुमीन। मारदे हना शुश शोंप बाक्‍शा ला ब्रोंइशा बाक्‍चा मतांइसीब” देंमाक्‍त। उपदेसक ५:९; १तिमोथी ६:९-१०

लूका 16:15

मिनु येसुमी “मुर आन कली ‘गो ठीक नकी’ देंखु पा कोंइनीनी। मिनु मुरपुकीमी इन कली ठेयब सेल्‍नीम। परमप्रभु यावेमी चहिं इन मिम्‍शो नेल्‍ल तुइक्‍ब। मुर आन दातेमी हिक्‍सीशो नेल्‍ले परमप्रभु यावे आ ङोंइती थम आइक्‍च दुम्‍नीम। लूका १८:९-१४

यूहन्‍ना 12:43

मारदे हना मेकोपुकीमी “आंइ पर्बमी मुरपुकीमी मार देंनीमी” दे परमप्रभु यावे क्‍येङा मुरपुकी तशा हिंतेक्‍म। यूहन्‍ना ५:४४

यूहन्‍ना 5:44

मोपा गे ठेयब सेल्‍मुइनीनी। तन्‍न का ला परमप्रभु यावेमी इन कली ‘रिम्‍शो ननी’ देंचा मपुंइसीनीनी। आं कली दोपा थमा सुइक्‍ने चाप्‍नीनी ङा? यूहन्‍ना १२:४२-४३; १थिस्‍सलोनिकी २:६

प्रेरित 3:12

मिनु मोपा पुम्‍शो तशा, पत्रुसमी “इं इस्राएलीपुकी, एको मुर साशो तशा छक लाक्‍तीनी। मिनु गो आंस सक्तिम सापाइश्‍शो बाक्‍माक्‍त, फेस्‍तस दे मिम्‍तीनी? आंस सक्तिम सापाइश्‍शो ममाइ।

गलाती 6:12

दूली शेंबपुकीमी ख्रोइक्‍तीक चिनु ख्रोइक्‍चा माल्‍ब देंशा, इन कली यहूदी रिती थिती पपाइक्‍चा माल्‍नीम। “ख्रीस्‍त शीम केप्‍शा कांटी थोक्‍शा साइक्‍चा पुंइसाक्‍व” दे शेंतीक लोव़ आ पर्बम खेदा पचा पुंइसीब, दे तुइक्‍नीम। मोपतीके खेदा पचा मपुंइसेक्‍ल, दे दूली लोव़ शेंनीम। गलाती ५:११

ब्‍यवस्‍था 24:13

नां रिक्‍ची ना मेको जाकटी लेश्‍शा गेने। मिनु मेकोमी मेको आ फेक्‍तीक फेक्‍शा इप्‍थ लने चाप्‍ब। मिनु मेकोम इन कली आसीक गेब। मेको परमप्रभु यावे, इन परमप्रभु आ ङोंइती ठीक पतीक बाक्‍ब। प्रस्‍थान २२:२५; अय्‍युब २२:६; आमोस २:८; ब्‍यवस्‍था ६:२५

हिब्रू 11:26

मारदे हना इजीप्‍त ङा शोंप नु मान तशा यो मारेइ मसुइक्‍थु “ख्रीस्‍तमी श्‍येत जशो खोदेंशो पा श्‍येत जचा थमा ङा शोंप नु मान बाक्‍ब, दे मिम्‍ताक्‍व। मिनु नोले इनाम यो तांइसीब” दे तुइश्‍शा थमा सुइश्‍शो बाक्‍माक्‍त।

हिब्रू 2:1

इं नेंशो लोव़ थुंमी वोइक्‍चा माल्‍ब। थुंमी मवोइक्‍तय हना, मेको लोव़ साम्‍नय।

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४

२ यूहन्‍ना 1:8

गेपुकी मार कली गेय पनी, मेको मुल यो पना पन बाक्‍कीन। मो पाइतीनी हना, ठेयब इनाम ताइनीनी। गलाती ४:११