मत्ती 5:43 - Sunuwar Bible

⁴³ ‘गेपुकी नु बाक्‍ब मुर आन कली दाक्‍तीने। जोरी सत्रु आन कली चहिं मदाक्‍तीने’ देंशो बाक्‍ब, दे तुइक्‍नीनी। लेवी १९:१८

मत्ती 5:43 ပူးပေါင်းရင်းမြစ်များ

भजन संग्रह 41:10

परमप्रभु यावे, गे आं कली शिशी पाइश्‍शा, पोक्‍यीनी। मिनु गो मेको आन कली क्‍येक्‍क लेन्‍ने चबुल। भजन संग्रह ५५:१३-१५; यूहन्‍ना १३:१८; प्रेरित १:१६

लेवी 19:18

गे इन मुर आन कली क्‍येक्‍क मलेत्‍तीन। ईख मकुरीन। तन्‍न इन नेक्‍था ङा मुर कली आंम कली खोदेंशो पा दाक्‍तीन। गो परमप्रभु यावे नङ। २राजा ६:२२; २इतिहास २९:९-१५; मत्ती ५:४३-४८; मत्ती २२:३९; लूका १०:२५-३७; यूहन्‍ना १३:३४; रोमी १३:९; गलाती ५:१४; याकूब २:८

मत्ती 19:19

आम आफ आस कली मान पा आस लोव़ टिचा। मिनु इ कली दाक्‍शो खोदेंशो पा इ नेक्‍था बाक्‍ब आन कली दाक्‍तो” देंत। प्रस्‍थान २०:१२-१६, लेवी १९:१८

मत्ती 5:21

साइ नेसी इं किकी पिपी आन कली ‘मुर कली मसाइक्‍चा। सुइमी अरु कली साइक्‍तु हना, मेको सजाइ गेचा पुंइसीब’ दे देंशो लोव़ बाक्‍ब, दे तुइक्‍नीनी। प्रस्‍थान २०:१३, प्रस्‍थान २१:१२

मत्ती 5:27

ग्‍युंबे पशोपुकी आन मीश वोंइश नाता ब्राचा मदुम्‍ब देंशो बाक्‍ब, दे तुइक्‍नीनी। प्रस्‍थान २०:१४

ब्‍यवस्‍था 23:3

अम्‍मोनी नु मोआबी परमप्रभु यावे आ ग्रुम्‍तीकेमी ओव़ने मचाप्‍नीम। मेको आ १० पाला सम्‍म परमप्रभु यावे आ ग्रुम्‍तीकेमी ओव़चा मताइनीम। उत्‍पत्ती १९:३७-३८

ब्‍यवस्‍था 23:6

मोपतीके गेपुकीमी गेनायो मोआबी नु अम्‍मोनी नु मगरीन, वारच मदुमीन। एज्रा ९:१२

ब्‍यवस्‍था 25:17

मिनु गेपुकी इजीप्‍त रे पिनीनु, अमालेक ङा मुरपुकीमी इन कली लांम मार पामे मेको मप्रेंदीन। प्रस्‍थान १७:८-१६

याकूब 2:8

परमप्रभु यावे आ राज्‍य ङा अरेशो लोव़म मार ब्रेक्‍शो बाक्‍ब देंशा हना “अरु आन कली आंम इन कली दाक्‍शो खोदेंशो पा दाक्‍तीन” दे ब्रेक्‍शो बाक्‍ब। मो पाइतीनी हना, गेपुकी रिम्‍शो पाइनीनी। लेवी १९:१८

१ यूहन्‍ना 4:21

मिनु परमप्रभु यावेमी इं कली अरेशो लोव़ मार बाक्‍त देंशा हना “सुमी परमप्रभु यावे कली दाक्‍बा, मेकोमी थमा सुइक्‍ब आन कली यो दाक्‍चा माल्‍ब” दे शेंशो बाक्‍त। मर्कूस १२:२९-३१