मत्ती 5:18 - Sunuwar Bible

¹⁸ नोफा दाइश्‍शा नेनीने, सरीङ नु रागी मग्‍याम्‍म सम्‍म परमप्रभु यावे आ लोव़ का यो मग्‍याम्‍ब। नेल्‍ल थमा दुम्‍ब। लूका १६:१७

मत्ती 5:18 ပူးပေါင်းရင်းမြစ်များ

भजन संग्रह 102:26

मेको नेल्‍ल जाम्‍शा लाइनीम। तन्‍न गे गेना हना यो बाक्‍नीनी। मेको रागी नु सरीङ वा खोदेंशो पा माइत दुम्‍शा जेक्‍नीम। गे फेक्‍तीके वा फाइश्‍शो खोदेंशो पा, मेको आन कली फाइक्‍नीनी। मिनु मेकोपुकी जाम्‍शा लाइनीम। २पत्रुस ३:१०

भजन संग्रह 111:8

मेको गेना हना यो लीब बाक्‍नीम। मुरपुकीमी मेको मप्रोंइथु, आन थुं नेल्‍लेमी टिचा माल्‍नीम।

भजन संग्रह 119:152

गो ङोंइती रे इन देंशो लोव़ पढेशा, मेको गेना हना यो कली सेल्‍शो बाक्‍ब, दे तुइक्‍ताक्‍ङ।

यसैया 40:8

घांस सोव़ब, आ फू हेम्‍ब। तन्‍न आंइ परमप्रभु आ लोव़ गेना हना यो लीब” देंत। भजन संग्रह ११९:८५; लूका २१:३३

यसैया 44:26

गो आं गेय पाइब आ लोव़ थमा बाक्‍ब। मिनु आं सोइश्‍शो लोव़ कुरबम आं देंशो पाइब। गो यरूसलेम आ पर्बम ‘मेकेर शुश मुर दुम्‍नीम’ देंनुङ। मिनु यहूदा ङा सहर लेंशा सेल्‍चा पुंइसीनीम। मेको आन प्रेश्‍शो खिं नक सेल्‍नुङ।

यसैया 51:6

मिनु सरीङ गे कोव़ङीन। खप गे कोव़ङीन। मारदे हना सरीङ कुन खोदेंशो पा जाम्‍ब। रागी वा खोदेंशो पा जेक्‍ब। रागीम बाक्‍ब मुर नेल्‍ल भुस्‍ना खोदेंशो पा बेक्‍नीम। आं पाप रे प्रोंइतीके चहिं गेना हना यो लीशा बाक्‍ब। आं ग्रातीके गेनायो मनुप्‍‍ब। भजन संग्रह १०२:२६-२७; मत्ती २४:३५

मत्ती 10:15

नोफा दाइश्‍शा नेनीने, निसाफ पची नाक्‍त सोदोम नु गोमोररा सहर निक्‍शीमी बाक्‍ब मुर आन क्‍येङा इन लोव़ मनेंब मटीबपुकीमी शुश सजाइ ताइनीम। उत्‍पत्ती १९:१-२९

मत्ती 10:23

सहर कामी खेदा पाम्‍तेक्‍म हना, प्रोक्‍शा अर्को सहरमी जाक्‍दीश्‍शा बाक्‍कीन। नोफा दाइश्‍शा नेनीने, रागीम जरमेशो मजाक्‍म सम्‍म इस्राएल ङा सहर नेल्‍ल हिरशा मग्रुम्‍नीनी। प्रेरित ८:१; मत्ती १६:२८

मत्ती 10:42

नोफा दाइश्‍शा नेनीने, सुमी महिक्‍सीशो मुर का कली ‘एको यो शेंसीब का बाक्‍माक्‍त’ दे मिम्‍शा, लोटा का ब्‍वाक्‍कु तूचा गेबा, मेकोमी दोपा यो आ तचा ङा इनाम मसाम्‍ब” दे शेंताक्‍मी। मत्ती २५:४०; मर्कूस ९:४१

मत्ती 11:11

नोफा दाइश्‍शा नेनीने, रागी नेल्‍लेमी ब्‍वाक्‍कुम ख्रुम्‍शा ग्रुंइब यूहन्‍ना खोदेंशो ठेयब सुइ मबाक्‍ब। स्‍वर्ग ङा राज्‍यमी चहिं नेल्‍ल क्‍येङा यो आइक्‍च यूहन्‍ना क्‍येङा ठेयब बाक्‍ब। मत्ती १३:१७

मत्ती 13:17

नोफा दाइश्‍शा नेनीने, गेमी मुल तशो नेंशो साइ नेसी रे परमप्रभु यावे आ लोव़ पाइबपुकीमी तचा नेंचा दाक्‍बाक्‍मा बाक्‍त। तन्‍न तचा नेंचा मतामे बाक्‍त। १पत्रुस १:१०

मत्ती 16:28

नोफा दाइश्‍शा नेनीने, मुल गो नु काथा बाक्‍ब का निक्‍शीमी रागीम जरमेशो आ राज्‍य जाक्‍शो मतथु मबेक्‍नीम” दे शेंताक्‍मी। मत्ती १०:२३

मत्ती 17:20

येसुमी “थमा पा थमा सुइक्‍ने मचाप्‍बपुकी, नोफा दाइश्‍शा नेनीने, रायो गेडा खोइ ला थमा सुइक्‍तीनी हना, इन पने मचाप्‍चा ङा मारेइ मलीब। एको डांडा याक्‍सो देंनीनु, एको डांडा यो याक्‍सीशा लाइब। मत्ती २१:२१; लूका १७:६; १कोरिन्‍थी १३:२

मत्ती 18:18

नोफा दाइश्‍शा नेनीने, रागीमी मार पाइश्‍शा वोइक्‍नीनी, मेको स्‍वर्गम यो पाइश्‍शो बाक्‍ब। रागीमी मार प्रोंइनीनी, मेको स्‍वर्गम यो प्रोंइशो बाक्‍ब। मत्ती १६:१९; यूहन्‍ना २०:२३

मत्ती 18:3

“नोफा दाइश्‍शा नेनीने, गेपुकीमी दोपा ठेयब दुम्‍चा, दे मिम्‍चा प्रोंइशा, आल खोदेंशो मदुम्‍तीनी हना, स्‍वर्ग ङा राज्‍य दोपा यो ओव़चा मताइनीनी। मत्ती १९:१४

मत्ती 19:23

मिनु येसुमी आ शेंसीब आन कली “नोफा दाइश्‍शा नेनीने, शुश शोंप पाइश्‍शो मुर स्‍वर्ग ङा राज्‍य हेरा ओव़चा मताइनीम।

मत्ती 19:28

येसुमी “नोफा दाइश्‍शा नेनीने, मार ताइनीनी देंशा हना, परमप्रभु यावेमी सेल्‍शो नक सरीङ नु रागीमी दुम्‍शा, रागीम जरमेशो पिप दुम्‍मेनु, आं कली खोइक्‍बपुकी १२ ओटा ठेयब नित्‍तीकेम निश्‍शा, इं इस्राएल ङा १२ थर आन कली निसाफ पाइब दुम्‍नीनी। लूका २२:३०; प्रकाश ३:२१; १कोरिन्‍‍थी ६:२

मत्ती 21:21

मिनु येसुमी “नोफा दाइश्‍शा नेनीने, दल्‍गीर मपथु थमा सुइक्‍तीनी हना, फोव़शी रवा कली पशो खोदेंशो पचा ला ममाइ, डांडा कली एकेर रे समुन्‍द्रमी याक्‍सो देंतीनी हना, मेको डांडा यो याक्‍सीशा लाइब। मत्ती १७:२०

मत्ती 21:31

आस आफ आ दाक्‍शो सुमी पवा? जेठामी पवा, दे कान्‍छामी पवा?” दे माइक्‍मीनु “जेठामी पवा बाक्‍त” देंतेक्‍म। मिनु येसुमी मेको आन कली “नोफा दाइश्‍शा नेनीने, इन क्‍येङा ङोंइती तिरो पोक्‍ब नु तेल्‍लेम पाइबपुकी परमप्रभु यावे आ राज्‍य ओव़चा ताइनीम। लूका १८:९-१४

मत्ती 23:36

नोफा दाइश्‍शा नेनीने, मेको पाप एको पाला ङा मुर आन कली राइब। लूका १३:३४-३५

मत्ती 24:2

मिनु येसुमी “मुल ओमो ठेयब नु दारपा सेल्‍शो ताइतीनी। नोफा दाइश्‍शा नेनीने, नोले ब्रेश्‍शा, फुल्‍लु का यो ख्रोप्‍शा मलीब” देंत। लूका १९:४४

मत्ती 24:47

नोफा दाइश्‍शा नेनीने, होव़पमी आइक्‍के बाक्‍शो नेल्‍ल मेको आ गुइमी जिम्‍मा गेब। मत्ती २५:२१-२३

मत्ती 25:12

मिनु प्रभुमी ‘नोफा दाइश्‍शा नेनीने, गो इन कली मतुइक्‍नन्‍नी। सु ननी?’ देंब। मत्ती ७:२३

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

मत्ती 25:45

मिनु पिपमी मेको आन कली ‘नोफा दाइश्‍शा नेनीने, महिक्‍शो आइक्‍च मुर आन कली मार मार वारच मपनीनु, मेको आं कली यो मपनी’ देंब।

मत्ती 5:26

नोफा दाइश्‍शा नेनीने, इन कली नोले ङा क्‍वद्रन्‍स मथाप्‍पाइक्‍थु मप्रोंइनीम।क्‍वद्रन्‍स नेल्‍ल क्‍येङा आइक्‍च क्‍येट बाक्‍त।

मत्ती 6:16

बर्त बाक्‍नीनु, राव कीशो कुल मसेलीने। कपटीपुकीमी आंइ बर्त बाक्‍शो तांइसेक्‍ल, दे आन कुल राव कीपा कोंइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब। यसैया ५८:५-६

मत्ती 6:2

श्‍येत जाइब, मथीब आन कली मारेइ गेनीनु, इन ङोंइती तुराही मतापीने। कपटीपुकीमी ग्रुम्‍तीक खिंमी, लांमी मुर आन कली आन रिम्‍शो पतीके कोंइशा ठेयब सेल्‍पांइसीनीम। नोफा दाइश्‍शा नेनीने, मेको आन तचा ङा इनाम मारेइ मलीब। १कोरिन्‍थी १३:३

मत्ती 8:10

येसुमी मोदेंशो नेंशा, आ नोले खोइक्‍ब आन कली “ओहो, नोफा दाइश्‍शा नेनीने, एको कप्‍तान खोदेंशो थमा सुइक्‍ब इं इस्राएल जात ङा मुर सुइ मतङमी। मर्कूस ६:६; लूका १८:३

मर्कूस 10:15

नोफा दाइश्‍शा नेनीने, मुरपुकीमी आल आन थुं ङा मिम्‍शो खोदेंशो पा ममिम्‍ताक्‍म हना, परमप्रभु यावे आ राज्‍यमी ओव़चा मताइनीम” दे माइक्‍मी बाक्‍त।

मर्कूस 10:29

येसुमी “नोफा दाइश्‍शा नेनीन, सुमी आं पर्बम नु ग्‍येरपाइक्‍ब लोव़ आ पर्बम आ खिं, लोक्‍बम लोक्‍ब, आम आफ, तमी तौ नु रू प्रोंइबा,

मर्कूस 11:23

नोफा दाइश्‍शा नेनीने, सुमी आं देंशो थमा दुम्‍ब, दे दल्‍गीर मपथु, मेको डांडा कली ‘एकेर रे समुन्‍द्रमी याक्‍सो’ देंत हना, मेको आ थमा सुइश्‍शोमी डांडा याक्‍सीशा लाइब। मर्कूस ९:२३; मत्ती १७:२०

मर्कूस 12:43

मिनु येसुमी आ शेंसीब आन कली ब्रेश्‍शा “नोफा दाइश्‍शा नेनीने, नेल्‍लेमी चढ़ेशो क्‍येङा मेको प्रुङग मीश मुरुमी शुश चढ़ेप्‍तु।

मर्कूस 13:30

नोफा दाइश्‍शा नेनीने, एको जात ङा मुर मनुप्‍थु, आं देंशो थमा दुम्‍ब।

मर्कूस 14:18

मिनु जना जन बाक्‍मानु, येसुमी “नोफा दाइश्‍शा नेनीन। मुल एक बाक्‍ब काम आं कली ग्‍याइक्‍ब आन कली वारच पाइब। मुल गो नु काथा जना जन बाक्‍ब” देंमाक्‍त। यूहन्‍ना १३:२१-२६

मर्कूस 14:25

नोफा दाइश्‍शा नेनीन, मुल ङा मेरे एको अङगुर रे सेल्‍शो तूतीके मतूनुङ। नोले नेल्‍ल नक दुम्‍शा, परमप्रभु यावे आ राज्‍यमी बाक्‍शा तूनुङ” दे माइक्‍मी बाक्‍त।

मर्कूस 14:30

येसुमी “नोफा दाइश्‍शा नेनो, में नाक्‍दोन भाले खेयप निक्‍शी मग्रीथु, खेयप सां सम्‍म ‘मेको कली मतुइक्‍नुङ, सु बाक्‍म’ दे आं पर्बम देंनेवे” दे मदा बाक्‍त।

मर्कूस 14:9

नोफा दाइश्‍शा नेनीने, रागीम ते ते आं लोव़ नेंपाइक्‍नीमी, मेक मेक एको आ पशो आ पर्बम यो लोव़ पाइनीम” देंमाक्‍त।

मर्कूस 3:28

नोफा दाइश्‍शा नेनीन, मुरपुकीमी पाप पाम्‍तेक्‍म हना यो, आन पशो पाप क्‍याम्‍चा ताइनीम। मरिम्‍शो लोव़ पाम्‍तेक्‍म हना यो, मेको पाप यो क्‍याम्‍चा ताइनीम।

मर्कूस 6:11

इन कली बाक्‍चा मगेथु इन शेंशो लोव़ यो मनेंतेक्‍म हना, इन खोइली ङा फुरक थुर थुर पाइश्‍शा गाक्‍कीन। इन मो पशोमी मेको आन कली चिन्‍ड दुम्‍ब” दे माइश्‍शा सोइक्‍तीमी बाक्‍त।

मर्कूस 8:12

मिनु येसुमी लाइश्‍शो सोक्‍त कीशा “सिनाक्‍त मुलाक्‍त ङा मुरपुकीमी मारदे चिन्‍ड कोव़चा माल्‍नीमी? नोफा दाइश्‍शा नेनीन, चिन्‍ड का यो मकोंइनन्‍नी” देंमाक्‍त।

मर्कूस 9:1

मिनु “नोफा दाइश्‍शा नेनीने, मुल गो नु काथा बाक्‍शो का निक्‍शीमी परमप्रभु यावे आ राज्‍य सक्ति पाइश्‍शा जाक्‍शो मतामे सम्‍म मबेक्‍नीम” देंमाक्‍त।

मर्कूस 9:41

नोफा दाइश्‍शा नेनीने, सुमी आं नें थिशा, ख्रीस्‍त आ मुर नम देंशा, इन कली लोटा का ब्‍वाक्‍कु तूचा गेबा, मेकोमी दोपा यो आ इनाम ताइब। मत्ती १०:४२

लूका 11:51

ङोंइती साइश्‍शो हाबील बाक्‍त। नेल्‍ल क्‍येङा नोले साइश्‍शो जकरिया बाक्‍त। मेको कली परमप्रभु यावे कली चढ़ेतीक नु आ खिं आस दातेम साइश्‍शो बाक्‍त। मेको नेल्‍ल आन कली मोपा साइक्‍तीके सिनाक्‍ती मुलाक्‍ती ङा मुर दोस गेने पुंइसीशा सजाइ ताइनीम।

लूका 12:37

मोदेंशो गेय पाइब आसीक ताइब बाक्‍नीम। होव़प लेश्‍शा जाक्‍मेनु, आ गेय पाइब आन कली मइप्‍थु रिम्‍शा बाक्‍शो थित्‍‍तु हना, आ होव़प थाम्‍पा ग्‍येरसीशा, मेको आन कली निप्‍पाइश्‍शा थुल्‍ब।

लूका 13:35

मुल इ खिं ब्रेश्‍शा मारेइ मलीब। ‘प्रभु आ नेंमी जाक्‍ब ठेयब बाक्‍ब’ मदेंने सम्‍म गे आं कली मताइनेवे” देंमाक्‍त। येरमीया २२:५, भजन संग्रह ६९:२७; भजन संग्रह ११८:२६

लूका 16:17

परमप्रभु यावेमी ब्रेक्‍पाइश्‍शो लोव़ का यो मग्‍याम्‍ब। मेको ग्‍याम्‍चा क्‍येङा सरीङ नु रागी ग्‍याम्‍ब। मत्ती ५:१८; मत्ती १९:९

लूका 18:17

नोफा दाइश्‍शा नेनीने, मुरपुकीमी आल आन थुं ङा मिम्‍शो खोदेंशो पा ममिम्‍ताक्‍म हना, परमप्रभु यावे आ राज्‍यम ओव़चा मताइनीम” दे माइक्‍मी बाक्‍त।

लूका 18:29

मिनु येसुमी “नोफा दाइश्‍शा नेनीने, सुमी आ खिं, आ मीश, आ वोंइश, आ लोक्‍बपुकी, आम आफ, तमी तौ नु मारेइ मारेइ नेल्‍ल परमप्रभु यावे आ राज्‍य आ पर्बम प्रोंइबा, मेकोमी मुल एको रागीम बाक्‍मेनुन आ प्रोंइशो क्‍येङा शुश ताइब।

लूका 23:43

येसुमी “नोफा दाइश्‍शा नेनो, मुलाक्‍ती गे गो नु काथा दुम्‍शा, परमप्रभु यावे नु बाक्‍चा ताइनेवे” दे मदा बाक्‍त। २कोरिन्‍थी १२:४

लूका 4:24

मिनु येसुमी “थमा पा, मुरपुकीमी परमप्रभु यावे आ लोव़ पाइब आन कली आंम आन बाक्‍तीक सहरम काइ महिक्‍नीम। यूहन्‍ना ४:४४

यूहन्‍ना 1:51

मिनु लोव़ बोइश्‍शा “नोफा दाइश्‍शा नेनीने, गेपुकीमी सरीङ रोक्‍शो ताइनीनी। मिनु परमप्रभु यावे आ स्‍वर्ग ङा गेय पाइबपुकी रागीमी जरमेशो आ तार जुक्‍शो नु स्‍वर्ग गे लेश्‍शा लशो ताइनीनी” दे माइक्‍तीमी। उत्‍पत्ती २८:१२; मत्ती ४:११

यूहन्‍ना 10:1

मिनु येसुमी लेंशा मेको आन कली “नोफा दाइश्‍शा नेनीन, सु सु भेडा गोठ आ लाप्‍चो रे मओव़नीमी। बार रे ङोइश्‍शा ओव़नीमी, मेकोपुकी खुइ नु रोइक्‍ब नम।

यूहन्‍ना 10:7

येसुमी लेंशा मेको आन कली “नोफा दाइश्‍शा नेनीन, गो भेडा गोठ ङा लाप्‍चो नङ।

यूहन्‍ना 12:24

नोफा दाइश्‍शा नेनीन, चेरब गेडा खपीमी शोक्‍शा मराक्‍त हना, मेको मोशा लीब। तन्‍न शोक्‍शा राक्‍त हना, शुश ग्रेल्‍ब। रोमी १४:९; १कोरिन्‍थी १५:३६

यूहन्‍ना 13:16

मिनु नोफा दाइश्‍शा नेनीन, खिं ङा होव़प क्‍येङा वाइल ठेयब ममाइ। मिनु सोइश्‍शो मुर सोइक्‍ब क्‍येङा ठेयब यो ममाइ।

यूहन्‍ना 13:38

मिनु येसुमी “मार आं साइक्‍चा पुंइसीचा ङा साइक्‍चा पुंइसीनेवे? इ नोफा दाइश्‍शा नेनो, भाले ग्रीचा क्‍येङा ङोंइती गेमी खेयप सां आं कली मतुइक्‍नुङ, दे देंनेवे” दे माइक्‍तु।

यूहन्‍ना 14:12

मिनु नोफा दाइश्‍शा नेनीन, सुमी आं कली थमा सुइक्‍बा, मेकोमी आं पशो गेय यो पाइब। मिनु आं क्‍येङा ठेयब गेय पाइब। मारदे हना गो आं आफ आ बाक्‍तीक लाइनुङ। मत्ती २८:१९

यूहन्‍ना 16:20

नोफा दाइश्‍शा नेनीन, गेपुकी ङाक्‍शा, हिशेक पाइनीनी। रागी ङा मुरपुकी चहिं ग्‍येरसीनीम। इन थुं खाइश्‍शो बाक्‍नीनी। तन्‍न थुं खाइश्‍शो सा‍शा ग्‍येरनीनी। मर्कूस १६:१०

यूहन्‍ना 16:23

मेना गेपुकी आं कली मारेइ हिल्‍लो मपाइनीनी। नोफा दाइश्‍शा नेनीन, गे आं नेंमी आं आफ कली मार मार पुंइनीनु, आं आफोमी इन कली गेब। यूहन्‍ना १४:१३-१४

यूहन्‍ना 21:18

नोफा दाइश्‍शा नेनो, गे ठिटा बाक्‍ङेनु, किप्‍शुर किम्‍सीशा, इ दाक्‍शो लां खोइक्‍तीवी। खाल्‍पा दुमेनु, इ गुइ हाम्‍नेवे। मिनु अर्कोमी इ कली किप्‍शुर किप्‍शा, इ मदाक्‍शो लां लाइक्‍ब” दे माइक्‍तु।

यूहन्‍ना 3:11

नोफा दाइश्‍शा थमा लोव़ नेनीन, गो आंइ तुइश्‍शो लोव़ पाइनीकी। आंइ तशो यो शेंनीकी। गे चहिं आंइ शेंशो थमा मसुइक्‍नीनी।

यूहन्‍ना 3:3

मिनु येसुमी “नोफा दाइश्‍शा थमा लोव़ नेनीन, मुर लेंशा, इर रे नक पा मजरमेसाक्‍व हना, परमप्रभु यावे आ राज्‍य तने मचाप्‍ब” देंत। १पत्रुस १:२३

यूहन्‍ना 3:5

मिनु येसुमी “नोफा दाइश्‍शा थमा लोव़ नेनीन, ब्‍वाक्‍कु रे नु परमप्रभु यावे आ सोक्‍त रे जरमेशो मुरपुकी ला परमप्रभु यावे आ राज्‍य ओव़ने चाप्‍नीम। इजीकीएल ३६:२५-२७; मत्ती ३:११; तीतस ३:५

यूहन्‍ना 5:19

मिनु येसुमी यहूदी आन कली “नोफा दाइश्‍शा नेनीन, आं आफोमी मार पाइबा, आ तौमी मेको मतवा सम्‍म मारेइ पने मचाप्‍ब। मिनु आफोमी दोदेंशो पाइबा, तौमी मोदेंशोन पाइब। यूहन्‍ना ३:११,३२

यूहन्‍ना 6:26

येसुमी “नोफा दाइश्‍शा नेनीन, आं छक लाक्‍चा ङा गेय आ पर्बम ममाइ, तन्‍न शोब्‍ले जशा रूतीके आं कली माल्‍तीनी।

यूहन्‍ना 6:32

मिनु येसुमी “नोफा दाइश्‍शा नेनीन, मोसामी इन कली स्‍वर्ग रे शोब्‍ले गेशो ममाइ, तन्‍न आं आफोमी इन कली थमा पा स्‍वर्ग रे शोब्‍ले गेब।

यूहन्‍ना 6:47

मिनु नोफा दाइश्‍शा नेनीन, सुमी थमा सुइक्‍बा, मेको गेना हना यो ब्रोंइशा बाक्‍चा ताइब। यूहन्‍ना ३:१६

यूहन्‍ना 6:53

मिनु येसुमी “नोफा दाइश्‍शा नेनीन, गे रागीमी जरमेशो आं रां मब्‍वाइतीनी हना, नु आं हुश मतूतीनी हना, गेना हना यो परमप्रभु नु ब्रोंइशा बाक्‍चा गेब सोक्‍त गे नु मबाक्‍ब।

यूहन्‍ना 8:34

येसुमी “नोफा दाइश्‍शा नेनीन, सु सुमी पाप पाइनीमी, मेको पाप आ वाइलीम वाइल बाक्‍नीम।

यूहन्‍ना 8:51

मिनु येसुमी “नोफा दाइश्‍शा नेनीन, सुमी आं देंशो लोव़ टीबा, मेको गेनायो मबेक्‍ब” देंत। यूहन्‍ना ६:४०,४७

यूहन्‍ना 8:58

मिनु येसुमी “नोफा दाइश्‍शा नेनीन, गो अब्राहाम क्‍येङा ङोंइती रे बाक्‍शो नङ” देंत। यूहन्‍ना १:१२

१ पत्रुस 1:25

तन्‍न परमप्रभु यावे आ देंशो लोव़ गेना हना यो लीब। मेको आ ग्‍येरपाइक्‍ब लोव़ बाक्‍ब। मिनु शेंबपुकीमी मेको इन कली शेंताक्‍मे। यसैया ४०:६-८

प्रकाश 20:11

मिनु नोले गो ठेयब बुश नित्‍तीके का नु मेकेर निप्‍ब कली ताता। रागी नु स्‍वर्ग मेको कली तशा प्रोक्‍ताक्‍स। मिनु मेको आस कली बाक्‍तीके मबा। मत्ती २५:३१-४६; २पत्रुस ३:७,१०,१२