मत्ती 5:15 - Sunuwar Bible

¹⁵ सुइमी बत्ती दाशा, पाथीम गुप्‍शा मवोइक्‍नीम। खिं आगा नेल्‍ल छेङछेङ पा तचा ङा पा वोइक्‍नीम। मर्कूस ४:२१; लूका ८:१६

मत्ती 5:15 ပူးပေါင်းရင်းမြစ်များ

प्रस्‍थान 25:37

गे क्‍येख सुन के ७ ओटा दियारी सेल्‍पाइक्‍चा माल्‍नेवे। मिनु सल्‍दो वोइश्‍शा, नेल्‍ल तांइसीचा ङा पा दाचा माल्‍नेवे। मेको ब्रशा, छेङछेङ दुम्‍ल।

जकरिया 4:2

मिनु मेकोमी आं कली “गे मार तवी?” दे हिल्‍लो प‍ती। मिनु गो “सुन के बत्ती दातीक ता‍ता। मेको आ तारी बोस का बाक्‍त। मेको तारी ७ ओटा बत्ती बाक्‍तेक्‍म। मेको बत्ती नेल्‍लेमी दातीक सल्‍दो वोइश्‍शो बाक्‍तेक्‍म। येरमीया १:११-१३; आमोस ८:२; प्रस्‍थान २५:३१-४०

गन्‍ती 8:2

“गे हारून कली ‘गे मेको बत्ती वोदीनु, मेको ७ ओटा बत्ती दातीक आ ङोंइती गे ब्रपतो’ देनो” देंत।

मर्कूस 4:21

मिनु येसुमी “मार, बत्ती पाथीमी गुप्‍शा वोइक्‍चा कली, खाट आगामी वोइक्‍चा कली दा‍नीमी ङा? मफारथु वोइक्‍नीमी, ममाइ ङा? मत्ती ५:१५

लूका 11:33

बत्ती दाशा, सुइमी ख्रुइश्‍शा सुम्‍शा मवोइक्‍नीम। खिं ओव़ब आन कली हाम्‍सो दुम्‍ल, दे नेल्‍लेम ततीकेम वोइक्‍नीम। लूका ८:१६

लूका 11:36

मिनु इन रां छिङछिङ मदुम्‍‍थु, छेङछेङम ब्रीशो बाक्‍त हना, बत्ती दाशो खोदेंशो पा तांइसीनीनी” दे शेंदीमी बाक्‍त।

लूका 8:16

सुइमी बत्ती दाशा सुम्‍शा मवोइक्‍नीम। खाट आगाम यो मख्रुइक्‍नीम। खिं ओव़ब आन कली हाम्‍सो दुम्‍ल, दे नेल्‍लेम ततीकेम वोइक्‍नीम। मत्ती ५:१५

फिलिप्‍पी 2:15

मोपा दोस गेचा मपुंइसीब, परमप्रभु यावे आ रिम्‍शो आल दुम्‍नीनी। मरिम्‍शो नु दूली पाइब मुर आन दातेमी स्‍वर्ग ङा छेङछेङ खोदेंशो दुम्‍नीनी। फिलिप्‍पी १:१०; मत्ती ५:१४; एफिसी ५:८-९

हिब्रू 9:2

मिनु ताम्‍बु का सेल्‍शो बाक्‍माक्‍त। आगामी कोठा निक्‍शी पाइश्‍शो बाक्‍माक्‍त। ङोंइती ङा कोठाम बत्ती दातीक दियारी का, टेबल का नु परमप्रभु यावे आ ङोंइती वोइश्‍शो कोंइतीक शोब्‍ले बाक्‍माक्‍त। मेको आ नोले चोव़खो कोठा, दे नें वोइश्‍शो बाक्‍माक्‍त।

प्रकाश 2:5

इन ङोंइती ङा आं कली दाक्‍शो मिम्‍तीने। इन थुं आं गे लेत्‍तीने। मिनु इन ङोंइती ङा पशो गेय पने। गे मेको दाक्‍चा ङा गेय मपाइतीनी हना, गो इन बाक्‍तीके जाक्‍शा, इन दियारी आ बाक्‍तीके रे तिल्‍नुङ।