मत्ती 4:15 - Sunuwar Bible

¹⁵ “जबूलून, नाप्‍ताली रागी, समुन्‍द्र आ एर ओंथ रागी, यर्दन खोला आइक्‍ची हांबु नु अर्को जात ङा गालील रागीमी बाक्‍बपुकी,

मत्ती 4:15 ပူးပေါင်းရင်းမြစ်များ

१ राजा 9:11

टायर ङा पिप हीराममी सोलोमन कली माल्‍शो लेबानोन ङा लाइश्‍शो रवा आ शी, अरु शी, सुन नु आ माल्‍शो नेल्‍ल गेशो बाक्‍माक्‍त। मोपतीके पिप सोलोमनमी हीराम कली गालील रागी ङा २० ओटा सहर गेवा बाक्‍त। २इतिहास ८:२

२ राजा 15:29

इस्राएल ङा पिप पेकाहमी सासन पवा ना अस्‍सुर ङा पिप तिग्‍लात-पिलेसेरमी लडाइ तोशा, इयोन, आबेल-बेथ-माकाह, यानोह, केदेश, हासोर, गिलाद, गालील रागी नु नाप्‍ताली आ रागी नेल्‍ल आ के सेल्‍शा, मेकेर ङा मुर आन कली ग्‍याइश्‍शा अस्‍सुर लाइक्‍मी बाक्‍त। १इतिहास ५:२६

यसैया 9:1

शुश हिंबपुकी नोले छिङछिङम मगाक्‍नीम। ङोंइती परमप्रभु यावेमी जबूलून नु नाप्‍ताली आस रागी महिक्‍‍सी‍शो सेल्‍तु। तन्‍न नोले मेकोमी यर्दन आ आइक्‍ची हांबु, समुन्‍द्र आ नेक्‍था ङा नु रागी रागी ङा मुर आन गालील रागी रिम्‍शो सेल्‍ब। भजन संग्रह १०७:१०-१४; २राजा १५:२९; मत्ती ४:१२-१६

मत्ती 4:13

मिनु नासरथ रे लशा ङा मिन, जबूलून नु नाप्‍ताली रागी ङा समुन्‍द्र आ नेक्‍था ङा कापेरनाउम सहरम जाक्‍दीश्‍शा बाक्‍माक्‍त।

मत्ती 4:14

मोदेंशो पा साइ नेसी परमप्रभु यावे आ लोव़ पाइब यसैया आ लोव़ थमा दुम्‍माक्‍त। यसैयामी

मत्ती 4:25

मिनु गालील, डेकापोलीस, यरूसलेम, यहूदीया रागी नु यर्दन खोला आइक्‍ची हांबु ङा शुश मुरुमी येसु आ नोले खोदमे बाक्‍त।

लूका 24:27

साइ नेसी मोसा नु परमप्रभु यावे आ लोव़ पाइबपुकीमी ख्रीस्‍त आ पर्बम मार मार ब्रेक्‍शो बाक्‍मा, मेको नेल्‍ल शेंदीम्‍सी बाक्‍त। ब्‍यवस्‍था १८:१५; भजन संग्रह २२:-; यसैया ५२:१३-५३

यहोसु 20:7

मिनु मेकोपुकीमी नाप्‍ताली आ पहाड रागी गालील ङा केदेश सहर वोइक्‍तेक्‍म। एफ्राइम पहाड रागी ङा शेकेम नु यहूदा आ पहाड रागी ङा किरयथ-अरबा सहर वोइक्‍तेक्‍म। मेको कली हेब्रोन यो देंनीम। ग्रीक लोव़म गिल्‍गाल कली गालील देंब। यहोसु १९:३७; यहोसु १५:१३

यहोसु 21:32

मिनु नाप्‍ताली आ थर रे पा गालील रागीमी मुर साइक्‍ब मुर प्रोक्‍शा लशा बाक्‍तीक सहर केदेश, हम्‍मोथ-डोर नु कारतान, नेल्‍ल पा सहर सां नु आन बी ब्‍यफ, क्‍यारश भेडा योव़तीक रू गेम्‍तेक्‍म। यहोसु २०:७