Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




मत्ती 3:7 - Sunuwar Bible

7 मिनु यूहन्‍नामी फरिसी नु सदुकी शुश जाक्‍शो तशा, मेको आन कली “गे बुस्‍स आ खलकपुकी, सुमी परमप्रभु यावे आ सजाइ रे ब्रोंइचा तांइसीब, दे शेंदीनी?फरिसी रिती थीती सेल्‍शा, रिम्‍शो पचा कली कोव़ब यो बाक्‍शो बाक्‍तेक्‍म। सदुकी यहूदी आन सरकार ङा हुल ‘मुर मसेंसीनीम’ दे थमा सुइक्‍ब बाक्‍शो बाक्‍तेक्‍म। मत्ती २३:३३

အခန်းကိုကြည့်ပါ။ ကော်ပီ




मत्ती 3:7
49 ပူးပေါင်းရင်းမြစ်များ  

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७


परमप्रभु यावे आ अरेशो प्रोंइबपुकीमी अरु अरेशो मटीब आन कली ठेयब सेल्‍नीम। तन्‍न परमप्रभु यावे आ अरेशो टीब मुरपुकीमी मरिम्‍शो पाइब आन कली तशा, मेको आन पर्बम सुर्ता पाइनीम।


बीस पाइश्‍शो बुस्‍स आ ब्‍वोफु रे चाइक्‍ब पुक्‍नीम। माख्रा आ जाल प्रोव़नीम। मेको ब्‍वोफु जाइब बेक्‍नीम। ब्‍वोफु दिम्‍शा पुक्‍तेक्‍म हना, बुस्‍स ग्रूब।


बेबीलोन आ दाते रे प्रोक्‍कीन। मुर नेल्‍ल आंम आंम गिंम प्रोंइचा कली प्रोक्‍कीन। मेको आ दोसम पतीकेम गे मबेक्‍कीन। मारदे हना मेको परमप्रभु यावे आ क्‍येक्‍क लेत्‍तीक नाक्‍ती बाक्‍ब। मेकोमी मेको कली आ तचा माल्‍शो सजाइ गेब। येरमीया ५०:८; प्रकाश १८:४


गो सु कली लोव़ पा हिंच कोंइदु? आं लोव़ सुम नेंबा? मेकोपुकीम नेंने मचाप्‍नीम। मेको आन नोफा सुशो बाक्‍नीम। परमप्रभु यावे आ लोव़ आ पर्बम गाइक्‍नीम। मेको नेंचा मदाक्‍नीम” देंत। येरमीया ४:४; प्रेरित ७:५१


फरिसीपुकीमी चहिं मेको आन देंशो नेंशा “वोल आन पिप बेल्‍जीबुल आ सक्तिम कका वोल आन कली ग्रुंइशा खेरबाक्‍माक्‍त” दे मिम्‍शा लोव़ पामे बाक्‍त।


ए बुस्‍स आ खलकपुकी, गे मरिम्‍शो थुं पाइश्‍शो ननी। मिनु इन शोव़ रे दोपा रिम्‍शो लोव़ ग्रूबा ङा? थुं मारम ब्रीशो बाक्‍मे, मेकोन लोव़ पा ग्रूब। मत्ती ३:७


मिनु शेंसीबपुकीमी येसु कली “शेंब, इन देंशो नेंशा, फरिसीपुकी आन थुं मनुम दे तुइक्‍तीनी?” देंतेक्‍म।


मिनु फरिसी नु सदुकीपुकी जाक्‍शा, येसु आ थुं थाम्‍चा कली “स्‍वर्ग ङा चिन्‍ड का कोंइदीकी” देंतेक्‍म। मत्ती १२:३८


मिनु येसुमी “फरिसी नु सदुकी आन शोब्‍लेमी सुप्‍शो बोरपाइक्‍ब ओख्‍ती रे होस पांइसीने” दे माइक्‍तीमी। लूका १२:१


मिनु फरिसीपुकीमी “एको कली दोपा आंम आ लोव़ ख्राइक्‍पपाइश्‍शा दोस गेचा” दे लोव़सी पमुमा बाक्‍त।


मिनु सदुकीपुकी जाक्‍तेक्‍म। सदुकीपुकीमी बेक्‍शो रे मसेंसीब, दे शेंनीम। मिनु येसु आ बाक्‍तीके जाक्‍शा प्रेरित ४:२; प्रेरित २१:६-८


मिनु फरिसीपुकीमी “सदुकी आन कली लेन्‍ने मचाप्‍चा ङा लोव़ पाइमी बाक्‍त” देंशो नेंशा, खुम्‍सीशा जाक्‍तेक्‍म।


गे बीख पाइश्‍शो बुस्‍स आ खलकपुकी, नरक लतीके सजाइ रे दोपा ब्रोंइनीनी ङा?


सास्‍त्री नु फरिसी आन पशो क्‍येङा गे रिम्‍शो ठीक गेय मपाइतीनी हना, गेपुकी यो स्‍वर्ग ङा राज्‍य ओव़चा मताइनीनी, दे इन कली देंनुङ। मत्ती २३:२-३३


मिनु येसु कली लोव़ ख्राइक्‍पाइक्‍चा दे फरिसी नु हेरोदी का निक्‍शी येसु आ बाक्‍तीके सोइक्‍तमे बाक्‍त।


मिनु सदुकीपुकी जाक्‍मा बाक्‍त। सदुकीपुकीमी बेक्‍शो रे मसेंसीब दे शेंनीम। मिनु येसु आ बाक्‍तीके जाक्‍शा


मिनु येसुमी आ शेंसीब आन कली “नेनीने, फरिसीपुकी नु पिप हेरोद आन बोरपाइक्‍ब ओख्‍ती क्‍येङा होस पांइसीन” दे माइक्‍मी बाक्‍त। लूका १२:१; मर्कूस ३:६


फरिसीपुकीमी क्‍येट नु शोंप दाक्‍बाक्‍मा बाक्‍त। मिनु येसु आ लोव़ नेंशा गाइश्‍शा, शुक्‍शी पामे बाक्‍त।


फरिसीमी मुर नेल्‍ल आन कली तपांइसीशा, चढ़ेतीक आ नेक्‍था राप्‍शा ‘परमप्रभु यावे, गे रिम्‍शो पाइब बाक्‍नीनी। मारदे हना गो अरु मुर खोदेंशो पा मुर आन मार मार रोइक्‍ब मनङ। गो जोल पाइब यो मनङ। मीश वोंइश आस नाता ख्रोइक्‍ब मनङ। मेरे तिरो पोक्‍ब खोदेंशो पापी मनङ। यसैया ५८:२-३


फरिसी नु सास्‍त्रीपुकीमी चहिं यूहन्‍ना आ लोव़ नेंशा “ब्‍वाक्‍कुम मख्रुम्‍पांइसीनीकी” दे परमप्रभु यावे कली थमा मसुइक्‍थु बाक्‍मा बाक्‍त। मेकोपुकीमी परमप्रभु आ पावो, दे देंशो लोव़ मपामे बाक्‍त। प्रेरित १३:४६


मिनु हिल्‍लो पाइब का निक्‍शी फरिसी आन सोइश्‍शो बाक्‍तेक्‍म। फरिसी रिती थिती सेल्‍शा, रिम्‍शो पचा कली कोव़ब यो बाक्‍शो बाक्‍तेक्‍म।


इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९


येसु आ नेक्‍था बाक्‍ब फरिसी का निक्‍शीमी आ लोव़ नेंशा, येसु कली “गोपुकी मिक्‍च मताइब दुम्‍नीकी?” देंमानु,


थमा सुइक्‍ब का निक्‍शी फरिसी बाक्‍मा बाक्‍त। मेकोपुकीमी बोक्‍शा “अर्को रागी ङा मुरपुकीमी ख्रीस्‍त कली थमा सुइक्‍ब दुम्‍मानु, इं यहूदी धर्म ङा ख्रोइक्‍तीक चिनु ख्रोइक्‍चा माल्‍नीम, मोसामी अरेशो नेल्‍ल पचा माल्‍नीम” देंमा बाक्‍त।


मोपतीके होस पांइसीने। बर्स सां सम्‍म श्‍येत पा ङाक्‍थ्री दुम्‍शा, गोमी इन कली शेंशो, वारच पशो काइ मप्रेंदीने।


मेकोपुकी गो शुश धर्म पाइब फरिसी का बाक्‍ती, दे ङोंइती रे तुइक्‍नीमी। मेकोपुकीमी गो फरिसी का बाक्‍ती, दे सांकछी दुम्‍ने चाप्‍नीम। प्रेरित २३:६; फिलिप्‍पी ३:५


सोइश्‍शोपुकीमी मोदेंशो छक लाक्‍चा ङा गेय पशो तशा, ठेयब चढ़ेब नु सदुकी आन थुंम गेहे पामे बाक्‍त। प्रेरित ४:१,६


मुरपुकीमी “थमा माइश्‍शो सु बाक्‍मे?” दे तुइक्‍चा मदाक्‍थु, मरिम्‍शो थुं पाइश्‍शो दुम्‍शा, मरिम्‍शो गेय पाम्‍तेक्‍म। मुर आन कली मोदेंशो पशो तशा, परमप्रभु यावेम आ गाइश्‍शो कोंइताक्‍व।


मोपतीके ख्रीस्‍त आ हुशेमी इं पाप क्‍याम्‍शा, ठीक सेल्‍चा पुंइसाक्‍य। मोशो ला ममाइ। गोपुकी येसु ख्रीस्‍त आ पतीकेमी परमप्रभु यावे आ गाइश्‍शो रे ब्रोंइचा ताइनय, दे तुइक्‍ताक्‍य। रोमी १:१८; रोमी २:५,८


मिनु बेक्‍शो रे सेंशो परमप्रभु यावे आ तौ लेंशा सरीङ रे यीब, दे रिम्‍शा बाक्‍तीनी। येसुमी इं कली परमप्रभु यावे आ गाइक्‍चा रे प्रोंइब। तीतस २:१३


नोआह यो थमा सुइक्‍ब बाक्‍माक्‍त। यावेमी मेको कली “नोले ओदेंशो दुम्‍ब” मदानु, मेको लोव़ थमा सुइश्‍शा टिशा, ठेयब डोंगा सेल्‍शा, आ खिं ङा मुर आन कली ओंइशा, बेक्‍चा मगेथु प्रोंइमी बाक्‍त। नोआहमी मो पशो तशा यो अरुमी थमा मसुदमे बाक्‍त। मिनु आन थमा मसुइक्‍तीके दोसी दुम्‍शा, नेल्‍ल बेक्‍चा माल्‍मा बाक्‍त। नोआह चहिं थमा सुइश्‍शोमी ब्रोंइचा तांइसीब, दे कोंइब दुम्‍माक्‍त। उत्‍पत्ती ६:८-९,१३-२२


मिनु परमप्रभु यावेमी गेनायो जोल मपाइब, आ गेशो लोव़ नु आ कसम जशो, एको निक्‍शी गेनायो मफांइसीनीस दे तुइश्‍शा, गो सजाइ तचा रे प्रोंइचा पुंइसीबपुकी इं ङोंइती वोइश्‍शो आस तचा कली इं थुं बारपाइक्‍चा ताइनय।


मिनु तेको मुर परमप्रभु यावे आ आल बाक्‍नीमी नु तेको मुर सैतान आ आल बाक्‍नीमी, दे तुंइ‍सीब। दोपा तुंइ‍सीब देंशा हना, सु सु ठीक गेय मपाइनीमी नु आ लोक्‍ब आन कली मदाक्‍नीमी, मेको परमप्रभु यावे आ आल मनमी। मेको सैतान आ आल बाक्‍नीम। यूहन्‍ना ५:१८


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ