मत्ती 3:3 - Sunuwar Bible

³ साइ नेसी परमप्रभु यावे आ लोव़ पाइब यसैयामी “गोरशो रागीमी सेंदा कामी ओदेंशो नेंसीब ‘प्रभु आ लां सेलीने। आ गाक्‍तीके फुल्‍लु ग्रोक्‍शा थेलीने’ देंशो नेंसीब” देंशो बाक्‍माक्‍त। मेको लोव़ पाइब यूहन्‍ना बाक्‍माक्‍त। यसैया ४०:३; यूहन्‍ना १:२३

मत्ती 3:3 ပူးပေါင်းရင်းမြစ်များ

यसैया 40:3

मिनु ब्रेप्‍ब मुर आ सेंदा कामी “मुर मबाक्‍तीकेमी परमप्रभु यावे आ लां सेलीन। गोरशो रागीमी इं परमप्रभु कली लां रिम्‍शो पा फुल्‍लु ग्रोक्‍शा थेलीने। लूका ३:४-६; यूहन्‍ना १:२३

मलाकी 3:1

परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। मत्ती ११:१०; मर्कूस १:२; लूका १:१७

मर्कूस 1:3

गोरशो रागीमी सेंदा कामी ‘प्रभु आ लां थेलीने। आ गाक्‍तीके लां फुल्‍लु ग्रोक्‍शा थेलीने’ देंशो नेंसीब” दे ब्रेक्‍शो बाक्‍ब। मलाकी ३:१; यसैया ४०:३

लूका 1:17

मिनु मेकोमी एलीया आ सोक्‍त नु सक्ति तशा, आम आफ आ थुं आन तमी तौ गे लेप्‍पाइक्‍ब। मिनु मटीब आन कली ठीक पतीक लां जोक्‍ब तुइक्‍ब सेल्‍ब। मिनु मोपा मुर आन कली प्रभु नु ग्रुम्‍पाइक्‍चा कली ठीक सेल्‍ब” देंमाक्‍त। मलाकी ३:१,२३,२४; मत्ती १७:११-१३

लूका 1:76

मिनु जकरियामी आ तौ कली ‘गे नेल्‍ल क्‍येङा ठेयब आ लोव़ पाइब’ देंनीमी। मारदे हना गे प्रभु आ ङोंइती गाक्‍शा, मेको आ लां सेल्‍नेवे। मलाकी ३:१

यूहन्‍ना 1:23

मिनु यूहन्‍नामी “परमप्रभु यावे आ लोव़ पाइब यसैया आ देंशो खोदेंशो पा ‘गो गोरशो रागीमी बाक्‍शा, प्रभु आ लां रिम्‍शो ग्रोक्‍शा थेलीने’ दे लोव़ पाइब नङ” देंत। यसैया ४०:३