मत्ती 3:16 - Sunuwar Bible

¹⁶ मिनु ब्‍वाक्‍कु रे ग्रूशा, खोला रे कुसानु, मार दुम्‍माक्‍त देंशा हना, येसुमी स्‍वर्ग रोक्‍सीशा, परमप्रभु यावे आ सोक्‍ती परवा खोदेंशो दुम्‍शा, यिशा आ रांमी जुक्‍चशो तवा बाक्‍त। यसैया ११:२

मत्ती 3:16 ပူးပေါင်းရင်းမြစ်များ

यसैया 11:2

मिनु परमप्रभु यावे आ सोक्‍त मेको तारी नाइश्‍शा बाक्‍ब। मेको जोक्‍ब तुइक्‍ब नु रुप्‍तीक सोक्‍त बाक्‍ब। अर्ती गेब नु सक्ति गेब सोक्‍त बाक्‍ब। मेको जोक्‍तीक तुइक्‍तीक थुं गेब नु परमप्रभु यावे कली मान पा हिंब सोक्‍त बाक्‍ब।

यसैया 42:1

परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७

यसैया 59:21

“गो नु पशो कबल मार बाक्‍त देंशा हना, आं सोक्‍त इन तार बाक्‍ब। गो आं लोव़ इन शोव़म कुर पाता। मेकेर गेना हना यो बाक्‍शा इन आलपुकीम मेको लोव़ पना पन बाक्‍नीमी। मेको लोव़ गेना हना यो इन चच युइम यो पना पन बाक्‍नीम” दे परमप्रभु यावेमी देंत। येरमीया १:९

यसैया 61:1

“परमप्रभु, परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, थुं जिक्‍शो आन कली आन थुं बारपाइक्‍चा कली, चोक्‍चा पुंइसीशो मुर आन कली प्रोंइ‍चा कली नु जेल्‍खान बाक्‍ब आन कली ग्रुंइचा कली सोइक्‍ताक्‍यी। यसैया १:२; मत्ती ११:५; लूका ४:१८-१९

इजीकीएल 1:1

मिनु ३० बर्स ङा ४ महिना ङा ५ नाक्‍ती ग्‍याइश्‍शा लाइक्‍चा पुंइसीशोपुकी नु गो केबार खोला आ नेक्‍था बाक्‍शो नङ। मिनु मेना सरीङ रोक्‍साक्‍व। मिनु गो परमप्रभु आ कोंइशो तातामी। इजीकीएल १:३; इजीकीएल ३:२३; इजीकीएल १०:१५,२०,२२; इजीकीएल ४३:३

मर्कूस 1:10

मिनु ब्‍वाक्‍कुमी ग्रुम्‍शा ग्रूमेनु, सरीङ रोक्‍सीशा, परमप्रभु यावे आ सोक्‍त परवा खोदेंशो पा यिशा, आ तारी जुक्‍शो तवा बाक्‍त।

यूहन्‍ना 1:51

मिनु लोव़ बोइश्‍शा “नोफा दाइश्‍शा नेनीने, गेपुकीमी सरीङ रोक्‍शो ताइनीनी। मिनु परमप्रभु यावे आ स्‍वर्ग ङा गेय पाइबपुकी रागीमी जरमेशो आ तार जुक्‍शो नु स्‍वर्ग गे लेश्‍शा लशो ताइनीनी” दे माइक्‍तीमी। उत्‍पत्ती २८:१२; मत्ती ४:११

यूहन्‍ना 3:34

परमप्रभु यावे आ सोइश्‍शोमी परमप्रभु यावे आ लोव़ पाइब। मेकोमी परमप्रभु यावे आ सोक्‍तीमी ब्री‍तीके आ लोव़ पाइब। यूहन्‍ना १:१६

प्रेरित 1:22

मेको मुरुम ‘येसु बेक्‍शा, सेंसीशो ताता’ देंने चाप्‍चा माल्‍ब” दे माइक्‍मी बाक्‍त।

प्रेरित 7:56

मिनु “लो कोव़ङीन, गो स्‍वर्ग रोक्‍सीशा, परमप्रभु आ ग्‍युरा गे रागीमी जरमेशो कली राप्‍शा बाक्‍शो ताता” दे माइक्‍मी बाक्‍त। लूका २२:६९

१ यूहन्‍ना 5:6

मिनु येसु ख्रीस्‍त ब्‍वाक्‍कु नु हुश रे जाक्‍त। ब्‍वाक्‍कु रे ला ममाइ, तन्‍न ब्‍वाक्‍कु नु हुश रे जाक्‍त। १यूहन्‍ना ४:२; मर्कूस १:९; यूहन्‍ना १९:३४-३५