मत्ती 28:9 - Sunuwar Bible

⁹ मिनु दोरना दोरन लसानु, मार दुम्‍माक्‍त देंशा हना, येसुमी मेको आस कली ग्रुम्‍सी बाक्‍त। मिनु “आसीक रसील” दे सेत्‍तीम्‍सीनु, आ नेक्‍था जाक्‍शा बाप्‍शा, आ खोइल थिशा मान पदसे बाक्‍त।

मत्ती 28:9 ပူးပေါင်းရင်းမြစ်များ

यसैया 64:5

गे ग्‍येरशा ठीक पतीके मिम्‍शा पाइब आन कली वारच पाइब बाक्‍नीनी। मेको मुरपुकी इन लांम गाक्‍शा, इन कली मिम्‍ब बाक्‍नीम। गे आंइ पाप पशो आ पर्बम गाइक्‍ताक्‍नी। मारदे हना गे ख्रुंइसाक्‍नी। मिनु गो हेंथे गाक्‍तक।

मत्ती 14:33

डोंगाम बाक्‍बपुकीम येसु आ ङोंइती बाप्‍शा “थमान, परमप्रभु यावे आ तौ बाक्‍नी बाक्‍त” देंशा सेउ पाम्‍तेक्‍म। मत्ती १६:१६; यूहन्‍ना १:४९

मत्ती 23:7

लां बजारमी गाक्‍मानु, मान पा सेउ पा ‘शेंब, हजुर’ देंपांइसीचा दाक्‍नीम।

मत्ती 28:10

मिनु येसुमी “महिनीसे। येसु कली ग्रुम्‍थ गालील लने, दे आं लोक्‍ब आन कली शोव़थ लसे” दे सोइक्‍तीम्‍सी बाक्‍त। हिब्रू २:११

मत्ती 28:17

मिनु येसु कली तामेनु, मान पाम्‍तेक्‍म। का निक्‍शीमी चहिं दल्‍गीर पामे बाक्‍त।

मत्ती 28:8

मिनु मेकेर रे ग्रूशा, हिंसा यो बाक्‍‍त, ग्‍येरसीसा यो बाक्‍त। मिनु गुरुर पा दोरशा, मेको लोव़ शेंचा, दे आ शेंसीब आन कली ग्रुम्‍थ लसा बाक्‍त।

लूका 1:28

गाब्रीएल मरीयम आ बाक्‍तीके जाक्‍शा, मरीयम कली “परमप्रभु गे नु बाक्‍ब। इ कली दाक्‍शा, आसीक गेते” दे सेउ पवा बाक्‍त।

लूका 24:52

मिनु शेंसीबपुकीमी आन पोक्‍च थेक्‍शा, येसु कली ठेयब सेल्‍शा, थाम्‍पा ग्‍येरसीशा यरूसलेम लेम्‍मा बाक्‍त।

लूका 7:38

मेको येसु आ खोइलीम बाक्‍शा ङाक्‍माक्‍त। मिनु आ प्रेक्‍कुम येसु आ खोइल जिप्‍‍पाइश्‍शा, आ चांमी फिक्‍गा बाक्‍त। मिनु आ खोइल पुक्‍पु पा मेको तेल ख्रेक्‍ता बाक्‍त।

यूहन्‍ना 12:3

मिनु मरीयममी मार पाप्‍तु देंशा हना, लित्रा का शुश क्‍येट लाइक्‍ब ब्रोव़शो रिना पाइश्‍शो तेल येसु आ खोइलीमी ख्रेक्‍ताक्‍व। मिनु आ चांमी फिक्‍ताक्‍व। मो पशा खिं गा नेल्‍ल ब्रोव़शो रिना पपाइक्‍तु। लित्रा का ३२७ ग्राम खोदेंशो बाक्‍ब। लूका ७:३८

यूहन्‍ना 20:19

मेको साता ङा ङोंइती नाक्‍त नां रिक्‍चावानु, येसु आ शेंसीबपुकी यहूदी आन क्‍येङा हिंशा, लाप्‍चो चोक्‍शा, खिं गाम बाक्‍तेक्‍म। मिनु येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।

यूहन्‍ना 20:28

थोमासमी “आं प्रभु, आं परमप्रभु यावे” देंत। यूहन्‍ना १:१

२ कोरिन्‍थी 13:11

आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। फिलिप्‍पी ४:४; रोमी १५:३३

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४