मत्ती 27:6 - Sunuwar Bible

⁶ ठेयब चढ़ेबपुकीमी मेको ताइश्‍शो चांदी गुप्‍शा “परमप्रभु यावे कली चढ़ेशो क्‍येट नु काथा वोइक्‍चा मदुम्‍ब। मारदे हना हुश के दाम बाक्‍ब” देब्‍यवस्‍था २३:१९

मत्ती 27:6 ပူးပေါင်းရင်းမြစ်များ

यसैया 61:8

गो, परमप्रभु यावेमी, ठीक पतीके दाक्‍नुङ। रोइक्‍तीक नु हेंथे पतीक गेय काइ मदाक्‍नुङ। गो मेको आन कली थमा पा आन पशो खोदेंशो पा गेनुङमी। गो मेकोपुकी नु गेना हना यो लीब कबल पाइनुङ। यसैया ५४:१०; यसैया ५५:३

मत्ती 23:24

मिक्‍च मताइब दुम्‍शा यो लां कोंइखु पाइबपुकी, तूचा ब्‍वाक्‍कुमी रकमिक्‍च ओव़शो बाक्‍त हना, तिल्‍शा तूनीनी। दलओंठ खोदेंशो ठेयब जन्‍तु ओव़शो बाक्‍त हना, ग्रु दाक्‍नीनी।

मत्ती 27:5

मिनु चांदी मेको आन ङोंइती ताइश्‍शा, मेकेर रे फो ग्रूशा लशा, ग्‍युक्‍‍शा बेक्‍माक्‍त। प्रेरित १:१८-१९

मत्ती 27:7

सल्‍ला पशा, खप के ग्‍योंब सेल्‍ब आ रू का ग्‍याप्‍मे बाक्‍त। मेको रू यहूदी धर्म मपाइब यरूसलेममी बेक्‍शो मुर आन कली थिम्‍तीके पामे बाक्‍त।

मर्कूस 7:11

गेपुकीमी चहिं सुमी आम आफ आस कली ‘इन कली गेचा माल्‍शो थोव़क लाइश्‍शा, कुरबन कली गेता’ दे माइक्‍बा, मेकोमी आम आफ आस कली मारेइ गेचा ममाल्‍ब दे शेंनीनी। ‘कुरबन गेता’ देंशो चहिं ‘परमप्रभु कली गेता’ देंशो रुम्‍सीब।

यूहन्‍ना 18:28

मिनु नोले मेको ग्‍याइक्‍बपुकीमी येसु कली काइयाफास आ बाक्‍तीक रे पिलातस आ खिं गे लाइक्‍तेक्‍म। मेना नां सोव़चशो बाक्‍माक्‍त। मिनु मेकोपुकी पास्‍सा चाड ङा भोज जचा कली ठीक दुम्‍शा बाक्‍शो बाक्‍तेक्‍म। मोपतीके मेकोपुकी पिलातस रोमी दुम्‍शो आ पर्बम मथिचा ङा बाक्‍त, दे आ खिं आगा मओव़म।

ब्‍यवस्‍था 23:18

वोंइश मुर, मीश मुर तेल्‍लेम पशो क्‍येट परमप्रभु यावे, इन परमप्रभु आ खिंम कबल खाप्‍चा कली चाक्‍चा मदुम्‍ब। मारदे हना मेको परमप्रभु यावे, इन परमप्रभु कली ग्रांग्रा बाक्‍ब। प्रकाश २२:१५