मत्ती 27:51 - Sunuwar Bible

⁵¹ मिनु बेक्‍म चोटी मार दुम्‍माक्‍त देंशा हना, परमप्रभु यावे आ खिं ङा आगा ङा कोठामी बारेशो वा इर रे उइ सम्‍म उइक्‍थ पा जेर गाक्‍माक्‍त। ख्रिनु कुशा, प्रस्‍थान २६:३१-३३; २इतिहास ३:१४

मत्ती 27:51 ပူးပေါင်းရင်းမြစ်များ

२ इतिहास 3:14

मिनु सोलोमनम फारतीक वा नीलो, प्‍याजी नु लल श्‍येले नु रिम्‍शो पा किरशो सुती श्‍येले रे प्रोव़शो वा के सेल्‍पदा बाक्‍त। मिनु करूब आ बुटा आप्‍शा प्रोव़पदा बाक्‍त। प्रस्‍थान २६:३१

भजन संग्रह 18:15

परमप्रभु यावे इन हुइक्‍तीकेमी नु इन नें रे ग्रूशो सोक्‍तमी समुन्‍द्र नु रागी आ जग ग्रूत।

भजन संग्रह 18:7

रागी हिम्‍शा, ख्रिनु कुत। मिनु डांडा नेल्‍ल हिम्‍साक्‍म। मारदे हिम्‍साक्‍म देंशा हना, परमप्रभु आ गाइक्‍तीकेम हिम्‍साक्‍म।

प्रस्‍थान 40:21

मेको कबल पशो सन्‍दोस परमप्रभु यावे आ बाक्‍तीके ओंइशा, फारतीक वामी फारताक्व। परमप्रभु यावेमी मोसा कली दोपा अरेवा, मोपा पाप्‍तु।

यसैया 25:7

मिनु मेकोमी मेको डांडामी जात जात ङा मुर आन थुं ङा सुम्‍तीके हुक्‍ब। रागी रागी ङा मुर आन सुम्‍तीके हुक्‍ब। मेना मेकोमी मुर आन कली मबेक्‍पाइक्‍ब।

लेवी 16:2

मिनु परमप्रभु यावेमी मोसा कली “इ लोक्‍ब हारून कली ‘इ दाक्‍शो खोदेंशो पा, गेना हना यो फारशो वा आ आगा बाक्‍शो चोव़खो कोठामी कबल पशो सन्‍दोस तार बाक्‍शो शिशी पतीके आ ङोंइती मजाक्‍को। मटीतीनी हना, गे बेक्‍नेवे। मारदे हना गो शिशी बाक्‍तीकेम गोस्‍स आगाम बाक्‍शा जाक्‍नुङ। प्रस्‍थान २६:३३-३४

लेवी 21:23

तन्‍न मेको फारशो वा नु चढ़ेतीक आ नेक्‍था जाक्‍चा मदुम्‍ब। मारदे हना मेको दूली मुर जाक्‍शा, आं बाक्‍तीक ताम्‍बु ग्रांग्रा दिशो मसेलल। गो परमप्रभु यावे नङ। गो मेको आन कली मेको आं के सेल्‍नुङ’ दे शेंदो” दे परमप्रभु यावेमी मोसा कली देंत।

हबकुक 3:10

मिनु डांडापुकी इन कली तशा रोम्‍सीनीम। ठेयब रेउ यित। ठेयब समुन्‍द्र आ रेयके नेंसाक्‍व। भजन संग्रह ७७:१७

हबकुक 3:13

गे इन आंम योव़शो मुर आन कली प्रोंइचा, दे जाक्‍तीनी। इन तेल लुक्‍शो मुर कली प्रोंइथ जाक्‍तीनी। तन्‍न गे इन अरेशो मटीब रागी ङा ठेयब मुर आ खिं तला तारी रे जग सम्‍म प्रेत्‍तीनी। भजन संग्रह १८:८,१६

गन्‍ती 4:5

मिनु ग्रुम्‍तीक ताम्‍बु याक्‍तमेनु, हारून नु आ तौ ग्रुम्‍तीक ताम्‍बु ओव़शा, फारशो वा शोल्‍शा, मेको वामी कबल पशो सन्‍दोस सुम्‍चा माल्‍नीम।

मत्ती 27:54

येसु कली खाल पाइब कप्‍तान नु सिपाहीपुकीमी ख्रिनु कुशा नु मोपा हिंचा ङा गेय दुम्‍शो तशा, शुश हिंशा “एको परमप्रभु यावे आ तौ बाक्‍माक्‍त” देंमुमा बाक्‍त।

मत्ती 28:2

मिनु जाक्‍दीस्‍सानु, ठेयब ख्रिनु कुमाक्‍त। मारदे हना परमप्रभु यावे आ स्‍वर्ग ङा गेय पाइब का यिशा, सुशो ठेयब फुल्‍लु तिल्‍शा, मेको आ तारी निस्‍से बाक्‍त।

मर्कूस 15:38

मिनु बेक्‍म नोले मार दुम्‍माक्‍त देंशा हना, परमप्रभु यावे आ खिं आगा ङा कोठामी बारेशो वा इर रे उइ सम्‍म उइक्‍थ पा जेर गाक्‍माक्‍त।

लूका 23:45

मारदे हना नां आ छेङछेङ जाम्‍माक्‍त। मिनु परमप्रभु यावे आ खिं आगा ङा कोठामी फारशो वा उइक्‍थ पा जेरर गाक्‍माक्‍त। प्रस्‍थान २६:३१-३३; २इतिहास ३:१४

लूका 23:47

मेकेर बाक्‍ब कप्‍तानमी मो दुम्‍शो तशा “थमा पा, एको मुरुमी मरिम्‍शो गेय मपशो बाक्‍माक्‍त” देंशा, परमप्रभु यावे कली ठेयब सेला बाक्‍त।

हिब्रू 6:19

मेको आस चहिं इं थुं ग्‍येत्‍थ लुक्‍च पचा मगेब ग्‍याइक्‍तीके खोदेंशो बाक्‍ब। मेको आस नेल्‍ल क्‍येङा आगा ङा चोव़खो कोठा ङा फारतीक वा आगा बाक्‍ब। लेवी १६:२,१२

हिब्रू 9:3

फारतीक वा आ आगा नेल्‍ल क्‍येङा चोव़खो कोठा बाक्‍‍शो बाक्‍माक्‍त।

प्रकाश 11:13

मिनु मेको निक्‍शी लसानु, ठेयब ख्रिनु कुत। मेको सहर ङा १० भाग ङा भाग का ब्रेत्‍त। मिनु ७ हजार मुर मेको ख्रिनुमी बेक्‍तेक्‍म। मेको लीशो मुरपुकी चहिं क्‍युल क्‍युल पा हिंशा, स्‍वर्ग ङा परमप्रभु यावे कली मान पाम्‍तेक्‍म।

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५