मत्ती 27:40 - Sunuwar Bible

⁴⁰ “परमप्रभु यावे आ खिं प्रेश्‍शा, सां नाक्‍तीमी नक सेल्‍नुङ देंते। खोइ मिनु, सेल्‍ने चबी? थमान परमप्रभु यावे आ तौ नवे हना, शीमी केप्‍शा कांटी थोक्‍शा क्‍याइश्‍शो रे ब्रोंइशा यीवो” दे शुक्‍शी पामे बाक्‍त। मत्ती २६:६१; यूहन्‍ना २:१९

मत्ती 27:40 ပူးပေါင်းရင်းမြစ်များ

मत्ती 16:4

मरिम्‍शो पाइब नु देवी देवता नु परमप्रभु यावे खाल्‍ब पालाम चिन्‍ड कोव़कोव़ दाक्‍नीम। मेको आन कली योना आ चिन्‍ड ङा लाक्‍शा मारेइ चिन्‍ड मकोंइनुङमी” देंशा, मेको आन कली प्रोंइशा गाक्‍त। मत्ती १२:३९-४०

मत्ती 26:61

“एको ग्‍याइश्‍शो मुरुमी साबेर मार देंत देंशा हना ‘परमप्रभु यावे आ खिं प्रेश्‍शा, नाक्‍त सांमी नक सेल्‍नुङ’ देंत” देंसा बाक्‍त। प्रेरित ६:१४; यूहन्‍ना २:१९-२१

मत्ती 27:41

ठेयब चढ़ेब, सास्‍त्री नु जोक्‍ब तुइक्‍ब खाल्‍पापुकीमी यो

मत्ती 27:42

“शुश आन कली श्‍येत रे प्रोंइना प्रोंइन गाक्‍बाक्‍माक्‍त। आंमा आ कली चहिं प्रोंइने मचाप्‍बाक्‍माक्‍त। इं इस्राएल ङा पिप बाक्‍ब, मोपतीके शीमी केप्‍शा कांटी थोक्‍शा क्‍याइश्‍शो रे ब्रोंइल। ब्रोंइने चाप्‍तु हना, गो आ लोव़ नेल्‍ल थमा सुइक्‍नय।

मत्ती 27:54

येसु कली खाल पाइब कप्‍तान नु सिपाहीपुकीमी ख्रिनु कुशा नु मोपा हिंचा ङा गेय दुम्‍शो तशा, शुश हिंशा “एको परमप्रभु यावे आ तौ बाक्‍माक्‍त” देंमुमा बाक्‍त।

मत्ती 4:3

मिनु सैतानमी येसु कली “मार, गे परमप्रभु यावे आ तौ नवे हना, एको फुल्‍लु आन कली शोब्‍ले दुमीन देंशा शोब्‍ले सेलो” देंमाक्‍त। उत्‍पत्ती ३:१-७

मत्ती 4:6

मेकेर बाक्‍सानु, सैतानमी “मार, गे परमप्रभु यावे आ तौ नवे हना, एकेर रे प्रेक्‍को। मारदे हना परमप्रभु यावे आ ब्रेक्‍पाइश्‍शो लोव़मी ‘परमप्रभु यावेमी आ स्‍वर्ग ङा गेय पाइब आन कली सोइश्‍शा, इ कली आन गुइम ताक्‍शा खपीम नाइक्‍पाइक्‍ब। इ खोइल फुल्‍लु कामी यो मथोक्‍ब’ ब्रेक्‍शो बाक्‍ब” देंमाक्‍त। भजन संग्रह ९१:११,१२

लूका 16:31

मिनु अब्राहाममी ‘ममाइ, परमप्रभु यावे आ ब्रेक्‍पाइश्‍शो लोव़ मटिम्‍तेक्‍म हना, बेक्‍शो रे सेंसीशो मुर तशा यो थमा मसुइक्‍नीम’ देंमाक्‍त” दे येसुमी शेंदीमी बाक्‍त।

प्रकाश 11:10

मारदे हना मेको परमप्रभु यावे आ लोव़ पाइब निक्‍शीमी रागीम बाक्‍ब आन कली शुश श्‍येत गेतीके, रागीम बाक्‍बपुकीमी मेको आस कली साइश्‍शो तशा, शुश ग्‍येरशा, मार मार गेमुम्‍तेक्‍म।