मत्ती 27:32 - Sunuwar Bible

³² मिनु लना लन पामेनु, साइरेनी ङा सिमोन नें पाइश्‍शो मुर का ग्रुम्‍मे बाक्‍त। मिनु मेको कली येसु कली क्‍याइक्‍तीक शी “लो, कुर कि कुर” दे कुरपदमे बाक्‍त।

मत्ती 27:32 ပူးပေါင်းရင်းမြစ်များ

१ राजा 21:10

मिनु मरिम्‍शो पाइब मुर निक्‍शी आस कली मेको आ ङोंइती निप्‍पाइश्‍शा, एकोम ‘परमप्रभु नु पिप कली सराप पशो बाक्‍ब’ दे दोस गेपतीन। मिनु मेको नोले मेको कली लाङगा ग्रुंइशा फुल्‍लु आप्‍शा सतीन” दे ब्रेक्‍ता बाक्‍त। ब्‍यवस्‍था १७:६; मत्ती २६:५९-६१; प्रस्‍थान २२:२७

१ राजा 21:13

मिनु मेको नोले मेको मरिम्‍शो पाइब मुर निक्‍शी जाक्‍शा, मेको आ ङोंइती निस्‍ससा बाक्‍त। मिनु मेको निक्‍शीमी “नाबोथम परमप्रभु नु पिप कली सराप पशो बाक्‍ब” दे नेल्‍लेम नेंचा ङा पा दोस गेम्‍से बाक्‍त। मिनु मेकोपुकीम मेको कली लाङगा ग्रुंइशा फुल्‍लु आप्‍शा सदमे बाक्‍त।

लेवी 4:12

ब्‍यफ आ लीशो नेल्‍ले मुर बाक्‍तीके रे ङोन चोव़खो पुलु ताइक्‍तीकेमी लाइश्‍शा, शी तार वोइश्‍शा चोचा माल्‍नीम। लेवी ६:४

लेवी 4:21

मेकोमी मेको ब्‍यफ कली मुर बाक्‍तीके रे ङोन ग्रुंइशा लाइक्‍चा माल्‍ब। ङोंइती ङा ब्‍यफ चोशो खोदेंशो पा चोचा माल्‍ब। मेको इस्राएली आन पाप आ पर्बम चढ़ेशो बाक्‍ब। लेवी ४:११-१२

लेवी 4:3

मिनु तेल लुक्‍शो चढ़ेबमी पाप पा, मुर आन कली दोस ताइब सेल्‍तु हना, मेकोमी आ पशो पाप आ पर्बम मारेइ मदुम्‍शो थम रिम्‍शो ब्‍यफ का परमप्रभु यावे आ ङोंइती पाप पशो आ पर्बम चढ़ेचा माल्‍ब।

मत्ती 16:24

मिनु येसुमी आ शेंसीब आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आ नोले खोइय्‍यील। मत्ती १०:३८-३९; १पत्रुस २:२१

मत्ती 5:41

इन कली आधा कोस सम्‍म लचा, दे ढिपी पाम्‍तेक्‍म हना, कोस का सम्‍म यो लने।

मर्कूस 15:21

मिनु लना लन बाक्‍मानु, आ गाउं रे पिशो साइरेनी ङा सिमोन ग्रुम्‍मे बाक्‍त। मेको सिमोन अलेकजन्‍डर नु रुफुस आस आफ बाक्‍माक्‍त। मेको कली ग्रुम्‍शा, येसु कली क्‍येप्‍तीक शी “लो, कुर कि कुर” दे कुरपदमे बाक्‍त। रोमी १६:१३

लूका 23:26

मिनु सिपाइपुकीमी येसु कली लदमे बाक्‍त। सहर रे ग्रुंइदमेनु, आ रू रे पिशो साइरेनी ङा सिमोन कली ग्‍याइश्‍शा, येसु कली क्‍याइक्‍तीक शी कुरपा, येसु आ नोनोले खोइक्‍पाइश्‍शा लदमे बाक्‍त।

यूहन्‍ना 19:17

मिनु नोले यहूदीपुकीमी येसु कली लाइक्‍तेक्‍म। मिनु आ कली कांटी थोक्‍शा क्‍याइश्‍शा साइक्‍तीक शी आंमा कुरपाइश्‍शा, खप्‍परे माइक्‍तीकेमी लाइक्‍तेक्‍म। हिब्रू लोव़मी मेको कली गोल्‍गथा देंनीम।

प्रेरित 11:20

साइप्रस नु साइरेनी रे एन्‍टीओक सहर जाक्‍दीश्‍शो थमा सुइक्‍ब का निक्‍शीमी चहिं अरु ग्रीस रागी ङा मुर आन कली यो प्रभु येसु आ पर्बम शेंदमे बाक्‍त।

प्रेरित 13:1

एन्‍टीओक सहर ङा थमा सुइक्‍ब आन दातेमी परमप्रभु यावे आ लोव़ पाइ‍ब नु शेंब का निक्‍शी यो बाक्‍मा बाक्‍त। मोदेंशो मुर सु सु बाक्‍मा बाक्‍त देंशा हना, बारनाबास, क्‍येर माइश्‍शो सिमियोन, साइरेनी ङा लुसीयस, पिप हेरोद आ गेय पाइब मानाएन नु सावल बाक्‍मा बाक्‍त। प्रेरित ११:२७; १कोरिन्‍थी १२:२८

प्रेरित 2:10

फ्रिगीया, पाम्‍फीलीया, इजीप्‍त, लिबीया नु साइरेनी एर ओंथ, रोम, क्रेट नु अरब रागी रे जाक्‍शो यहूदी नु यहूदी दुम्‍शोपुकी बाक्‍मा बाक्‍त।

प्रेरित 6:9

मिनु लिबेरती माइश्‍शो ग्रुम्‍तीक खिं नु साइरेनी, अलेकजेन्‍द्रीया, सिलीसीया नु एसीया रे जाक्‍शो शेंबपुकीमी स्‍तीफानस नु जिशो बाक्‍तेक्‍म।

प्रेरित 7:58

मिनु कीशा लाइश्‍शा, सहर रे ग्रुंइशा, फुल्‍लु क्रोम्‍चा गोव़मे बाक्‍त। सांकछीपुकीमी आन वा प्रुइश्‍शा, सावल नें पाइश्‍शो ठिटा का आ ङोंइती वोदमे बाक्‍त। लेवी २४:१६; प्रेरित २२:२०